نفاج

نفاج

مساحة للوصل ونفاج نفتحه..بيننا جميعا وعبره..نحكي.. نتواصل..نتعارف..نتآلف..لنكون معا..نهر الحياة الخالد

دخول

لقد نسيت كلمة السر

المواضيع الأخيرة

» أفضل وأسهل وأكثر أنواع التجارة ربحية على الإطلاق أمان 100%
الإثنين فبراير 02, 2015 6:27 am من طرف الأميرلاي

» بستـــأذنك...
الخميس يوليو 03, 2014 8:08 pm من طرف الشاعر السماني حسن

» عاش من شافك
الثلاثاء يونيو 17, 2014 3:16 pm من طرف hamadvip

» ابدأ دخولك بالصلاة علي النبي (صلي الله عليه وسلم)
الثلاثاء يونيو 17, 2014 3:11 pm من طرف hamadvip

»  كيف يفكر الرجل ؟؟ وكيف تفكر المرأه ؟؟
الإثنين يونيو 16, 2014 1:00 pm من طرف hamadvip

» قصيدة جديدة ........ دنيا
الإثنين يونيو 16, 2014 12:53 pm من طرف hamadvip

» طيارة جات بي فوق .......... قصيدة جديده لهاشم صديق .. حفظه الله
الإثنين يونيو 16, 2014 12:49 pm من طرف hamadvip

» عشة أم حجل - هاشم صديق
الإثنين يونيو 16, 2014 12:47 pm من طرف hamadvip

» هاشم صديق - ما جاب المطر بنزين
الثلاثاء يونيو 10, 2014 5:41 am من طرف عثمان تباكي


    اشعار شيخ العاشقين .. عبدالله محمد خير

    شاطر

    هيفاء
    عضو جديد
    عضو جديد

    عدد المساهمات : 22

    اشعار شيخ العاشقين .. عبدالله محمد خير

    مُساهمة  هيفاء في الجمعة يناير 01, 2010 1:47 pm

    التويمات

    خلهن سوا لا تفرقن
    يالله توماتى انا بعشقن
    دوره دوره انا بنتاوقن
    لحظة مابقدر أفارقن
    ليه عيونى الشوق حارقن
    والدموع دايرى تغرقن
    والدن قال ما يمرقن
    خايف النظرات تلحقن
    وخايف العين ما تعوقن
    كان زمان لى شتلو يسقن
    ومره فى اللوبى يورقن
    ديمه بالقعده ينقنقن
    ويحلفن لو ابي ما يصدقن
    هن وين تانى بيتلقن
    وليه يحفظن الخالقن
    يا عيونى انا لا تزهجن
    ولى مشاعرى انا لا تزعجن
    لى خيوط السعد انسجن
    يمكن التومات يخرجن
    خطوه ... خطوه ... بيندرجن
    وفى عذابكن بيتفرجن
    انا ما بخاف الموت والسجن
    والله جسمى الصبى يتعجن
    هن مالن ابن ما يجن
    ويا الله مالى انا ماشى اجن
    ما بصح يا الحاج اب شنب
    ولسه ديل ما بقو للادب
    فى المعاملة ما تكون صعب
    انت ما تقسى على العنب
    وما تعكر موية الدهب
    شمعتين اوعه من اللهب
    ونحن يا الزينيين لينا رب
    متلى كم زول مات بالشجن
    وقبلى ود الزومه انسجن
    من ضفاير بتموجن
    من خدودا بتوهجن
    من تويمات اتخرجن
    من عيون اترابن نجن
    فوق عروش الحيا توجن
    لى مريضن ما عالجن
    قلبى نيرانو اتاججن
    وكل اعصابو اتبنجن
    مالى قبلاتى اتعوجن
    امشى وين يا نور الدجن
    **************
    ما كفاى يا التومات اذى
    وما كفاى انا لعب الخذى
    هو طيف ! ويلاوز لى ملاوزه
    ما التويمات انا حاجزه
    وحاجه غيرن ما عايزه
    يا الجمالكن بقى معجزه
    السن النقاد عاجزه
    انت جيب اوصاف موجزه
    يا قليبى انا حبزه
    تبقى حالتنا مجهزه
    ولحظه تأخير ما جائزه
    ***************
    ليه يضايقونا الناس كده
    والغرام .. سنه .... مؤكده
    أنا قلبي من اول ما بدا
    بى غرام التومات شدا
    والعيون مويته جامده
    البعاد الطال سهده
    البكى المكتوم شاهده
    ليها سته شهور شارده
    من زمان فارقت الندى
    ما بتشوف ناس هاديه
    لا زيارات .... لا معايده
    لا صدف عن ساعه الغدا
    انا قلت بالصبر ازوده
    على البعاد يمكن اعوده
    تانى ترجع متمرده
    تعيد اشواقه تجدده
    روحى دركت ........ منو ينجده؟
    بلا التويمات الرايده

    هيفاء
    عضو جديد
    عضو جديد

    عدد المساهمات : 22

    رد: اشعار شيخ العاشقين .. عبدالله محمد خير

    مُساهمة  هيفاء في الجمعة يناير 01, 2010 1:55 pm

    كلمنى عن رؤياك

    تعال كلمنى عن رؤياك وما فيها
    صحيح بالله شفت النار وشفتنى ياجميل فيها
    قول لى كان شعورك كيف وهل حاولت تطفيها
    والله كمان رضيت بالحال وقلت اسيبو فى الفيها
    دى ما احلام ؟؟؟ دى حاجة خفيه ما اظنك تعرفيها
    وحاتك ظاهرة فى عينيك لو جاولت تخفيها
    ليه ما تشوفى روضة غنية بالازهار تطوفيها
    وتلقى كمان طيور الريد تناديك وتشوفيها
    بقيت محتار شفاهك تروى حكاية القى عينيك تنفيها
    وارجع اناجى نفسى براى يبقى عهوده توفيها
    وتشوف آيه وتنال غاية وتقول احلى الشعر فيها
    وتسال الله من شر خلقو والحساد يكافيها
    وتنوم مسرورة من هلواسا يشفيها
    وتشوف الجنا فى احلاما والاحباب تصافيها
    وعيونا تقول حكاوى الريد تصالحنا ونعافيها
    ونعيش ف دنيانا فرحتا وابتهاجا وكل ترفيها
    حليلى انا البنات افكارى ضاعت بين قوافيها
    وتاهت فى بحور الريد بتسال مين مرافيها
    وين مرسالا كان يا حليلو بالاخبار يوافيها
    بعد عاش السعادة معاها كيف يقبل يجافيها

    هيفاء
    عضو جديد
    عضو جديد

    عدد المساهمات : 22

    رد: اشعار شيخ العاشقين .. عبدالله محمد خير

    مُساهمة  هيفاء في الجمعة يناير 01, 2010 2:07 pm

    محتار ولدك يا زينوبه

    محتار ولدك يا زينوبه !
    محتار ما بين اوبه وتوبه !
    بين واقع الحالة المخروبه
    وبين حسن الخاتمه المطلوبه !
    ضايع ولدك يا زينوبه
    *******
    محتر ولدك يا زينوبه !
    فى الناس وعيونه المعصوبه
    ترقص تتمايل مغصوبه
    وما شايفه شراكه المنصوبه
    ضايع ولدك يا زينوبه
    بين الاوضاع المقلوبه
    احزان الناس المغلوبه
    اعراض الناس المجلوبه
    والقيم السمحه المصلوبه
    *****
    محتار ولدك يا زينوبه !
    نفسو الشفافه الموهوبه
    وافكارو الامست منهوبه
    فى الفوضى الفايض منسوبه
    وفى سوبا ان خربت سوبه
    غرز الضرعات المحلوبه
    هز الاوساط المكروبه
    وخدر الكاسات المصبوبه
    ******
    محتار ولدك يا زينوبه !
    فى توقيعاتو المشطوبه
    ماكينه فكرو المعطوبه
    فى هادى الدنيا المربوبه
    الكل حقائقه اكذوبه

    هيفاء
    عضو جديد
    عضو جديد

    عدد المساهمات : 22

    رد: اشعار شيخ العاشقين .. عبدالله محمد خير

    مُساهمة  هيفاء في الجمعة يناير 01, 2010 2:18 pm

    العيد المضى


    طـولــت شـايــل الـذكــرى فــــي عـيـنــي
    لـــــلـــــعــــــيــــــد الـــــــمــــــــضــــــــي
    طـولــت بـحـســب فــــي نــجــوم الـلـيــل
    وأقــــــدر فــــــي مــســاحــات الــفــضــا
    وأغصب مشاعرى علي الألـم وأروضـا
    واتــمــنـــي لـــــــو لـحـظـاتــنــا ديـــــــك
    تـــســـمـــح ظـــروفـــنــــا نـــعـــوضــــا
    وتجمعـنـي بالحـسـن الـرفــض أفـكــاري
    كـــــــــــــــــــــان بـــــيـــــعــــــارضــــــا
    يـمـكـن قـبــل نـتـبـادل الـحــب الـشـريـف
    يـــــــمــــــــكــــــــن رضــــــــــــــــــــــــا
    تـمـضـي السـنـيـن وتـمـضــي الـشـهــور
    واتـمـنــى لـــــو كـــــان تــمـــت الأيـــــام
    وانــــــتـــــــهـــــــت الـــــســـــنـــــيــــــن
    والـــكـــون وقــــــف خــــــلا الـمـســيــر
    كــــان قـلــبــي فــتـــش عـــــن نـصــيــر
    خــــفـــــف عـــــذابـــــات الــضــمـــيـــر
    ومــــن قــبــل مـــــا أصـــــل الـمـصـيــر
    الفـيـهـو قـلـبـي المـحـتـرق فــكــر كـتـيــر
    اتـــــذكــــــر الــــعــــيــــد الــــمــــضــــى
    يـــــوم بـيـتـنــا أصــبـــح كــلـــو خـــيـــر
    يــــــوم كـــنـــا بــــــي نـــشـــوة فــــــرح
    دايـريـن نطـيـر يــوم الـقـمـر فـــي بيـتـنـا
    مــتــواضــع قـــعـــد فــــــوق الــســريــر
    وقــــال ... كــــل عــــام وانــتــم بـخـيــر
    نظراتـو كـان زي بسمـة الطفـل الغـريـر
    وخصلات شعر تنساب متل موية الغدير
    وحبـات نهـودو الطعـنـن فــوق الصـديـر
    حـــــاولـــــت بـــيــــهــــن اســتـــجـــيـــر
    مـن العيـون التايهـه والخـصـر الصغـيـر
    مـــــــــــن الــــشــــفــــاه الـــعـــطـــشـــى
    والـــوجـــه الـمـنــيــر مــــــن الـسـعــيــر
    ومــــــرت لــيــالـــي طـــــــوال عـــلــــىّ
    وطــــــأت غـــرامـــك مـــــــا بــتــخـــف
    حاولـت أصارحـك وليـك بالبـي اعتـرف
    فـــكـــرت أكـــتـــب لـــيــــك رســـائــــل
    بـي دموعـي المـا بتجـف ملـيـون حــرف
    دايـــر أخـلـيـك عـــن دلالـــك تـنـصـرف
    دايـــــــر أعـــبــــر عـــــــن مــشـــاعـــر
    عــــــــــن مـــشـــاعــــرك تــخـــتـــلـــف
    ودايـــــــــــرك تـــــصــــــدق إنــــــــــــي
    فـــــي مــحـــراب غــرامـــك مـعـتــكــف
    واجـيـب قـلــم واحـصــر تعـابـيـر الألـــم
    وكـــــــــــل ابـــتــــهــــالات الـــعــــشــــم
    لـــكــــنــــي مـــــــــــن أول حـــــــــــرف
    أجـــــــــــد الأنـــــامــــــل تـــرتــــجــــف
    وتـــتـــذكــــر الـــعــــيــــد الـــمــــضــــى
    أعـــيـــاد تـــجــــي وأعـــيــــاد تـــفــــوت
    والفرحة تصحـب كـل عيـد تمـلا البيـوت
    وأنـا كـل مـا استقبلـت عيـد أحيـا وأمـوت
    وأطبـع ملاييـن التهـانـي عـلـى الـكـروت
    تـمـضـي السـنـيـن وتـمـضــي الـشـهــور
    وأنـــــا قـلــبــي يـحــيــا بـــــلا شــعـــور
    لكـنـو قــرر يـــا القـلـبـت ظـلامــو نـــور
    قــرر يـحـارب كــل أوضـاعــو ويـثــور
    قرر يكاشفك بـي ضميـر مـا فوقـو زور
    قـــــــرر يـــرســــل لـــيــــك ســـطــــور
    مـكــتــوبــه فــــــــوق ورق الــــزهــــور
    مـكـتــوبــه بـــــــي دمـــعــــو الــغــزيـــر
    دايــــــر الـــحـــروف تـبـقــالــو نـــــــور
    وتـــــــــــبـــــــــــقــــــــــــالــــــــــ ــوا ....
    لــــى قــلــب الـبـحـبـو جــــواز مـــــرور

    هيفاء
    عضو جديد
    عضو جديد

    عدد المساهمات : 22

    رد: اشعار شيخ العاشقين .. عبدالله محمد خير

    مُساهمة  هيفاء في الجمعة يناير 01, 2010 2:20 pm

    يا قمره

    يـا قمـره ... صبـي السنسنـي الحمـره
    شوفي أبوي أنا الراجاهو كلـو صبـاح
    يا زينوبه أبوكي هو أصلو حالـو بـره
    لو قاري العلم هـو ولاهـو سيـد خبـره
    ومو زول غربه لكن الظروف جابـره
    مالو إن كان صبر كل الخلوق صابره
    والصابـرات روابـح لــو يـجـن قـمـاح

    هو أصلو متين نساكم يُمة شان يطـره
    بيـتـنـفـس هــــوا ذكــراكــم الـعــطــره
    رهيـف إحسـاس حنيـن قلبـو بالفطـره
    نديمـو بقـت دمـوعـو الديـمـه منقـطـره
    وأصلـو إن مـا قعـد بينكـم ولا بيرتـاح

    جاهـو العيـد كمـان زاد القليـب حسـره
    سـاد العـبـره حلـقـو ونفـسـو منكـسـره
    هـو لا لـمّ القـروش لا حصـل المسـره
    بلد ما فيها زول مات مـن عـدم كسـره
    فراقكم ليها يا أحبـاب ولا كـان صـاح

    يــا أمـارتــي الـمــا طـاعــت الأمـــره
    ندمـانـي وبـقـت محـتـاره فـــي أمـــره
    بـعـد قـسـن الــدرادر قـصـرن عـمــره
    الشـوق فـاض وعماهـا الحنيـن غمـره
    الـشـوق للبـلـد لـــي بهـجـتـه وسـمــره
    الشـوق لــي مقـيـلا ضــم ضــم تـمـره
    الشـوق لـي حديـثـا ضــم ضــو قـمـره
    الــشــوق لـلـبـلـد جـابـريـتـا وكــكـــره
    كان الشوق يخفـف والله يبـرى جـراح

    مـشـتـاق للحسـيـنـاب أسـقــه وبــكــره
    مشـتـاق للقبـيـل إتـربـوا فــوق حـكـره
    مشـتـاق للـدمـيـري ومـويـتـه الـعـكـره
    مشـتـاق للجـزيـري وتـشـقـه وهـكــره
    مشتاق لي قطع بحـره ودخـول وكـره
    مشتـاق لـلأبـي يـفـارق الـفـؤاد ذكــره
    مشـتـاق للعـلـى مـشـغـول دوام فـكــره
    مشتـاق للصبـاح ديـدن غنـاي شـكـره
    وياريت كت بقدر أسوي شوقي جناح

    هيفاء
    عضو جديد
    عضو جديد

    عدد المساهمات : 22

    رد: اشعار شيخ العاشقين .. عبدالله محمد خير

    مُساهمة  هيفاء في الجمعة يناير 01, 2010 2:23 pm

    يا زمان بالله اشهد


    ليك بتمنى السعاده وليك بقول إن شاء الله تسعد
    وأرضى بالمقسوم لى من حبيب ببعد
    يا زمان بالله اشهد
    هاك آخر الرسائل ومانى داير منك الرد
    فيها اشواقى وحنانى هديه للخد المورد
    لا تقول الزول طرانى ولا تقول الشوق تجدد
    اصلو كامن فى ضميرى وفى ضميرى كامن مؤبد
    يا زمان بالله اشهد
    ديمه بطراك ومستحيل انساك والخبر المؤكد
    اني شايل ليلى بى ذكراك منكد
    ما فى يو ما ببكي لا من ليلى هود
    وكيف تعيش الم العلى الالام تعود
    يا زمان بالله اشهد
    أصلو ياهو نصيبى اسهر وحضنى من ألامو يسهد
    وابنى لى ماضينا فوق واحاتوا معبد
    وانت فى عشك سعيد هانى وممجد
    ما بهمك طرفى عمره يعيش مهجد
    يا زمان بالله اشهد
    يبقي عشكم انتو جنه طيروا غنا وروضو فرهد
    فيهو تتهنوا وتنالوا سعادة أزيد
    يا زمان بالله اشهد
    قلبى من فارق حنانك كم تأوه وكم تنهد
    من دريبك شال خطاه عساه يبقي سعيد ويخمد
    كم كتمت الشوق وكت جواى عربد
    واختنق فى قلبى زى الغيم وارعد
    يا زمان بالله اشهد
    الوداع مجبور عليهو وليهو ردد
    الوداع زولى الرزين يا ناير الخد
    الوداع يا أغلى زول يا احلى مشهد
    الوداع وخلينى لى سهرى البلاحد
    الوداع ومناي ليك إن شاء الله تسعد
    يا زمان بالله اشهد

    هيفاء
    عضو جديد
    عضو جديد

    عدد المساهمات : 22

    رد: اشعار شيخ العاشقين .. عبدالله محمد خير

    مُساهمة  هيفاء في الجمعة يناير 01, 2010 2:28 pm

    اصحيى وصحي المشاعر

    اصحى وصحى المشاعر لبيهو نداء قليبك
    ابني طريق من أزاهر يصل بينك وبين حبيبك
    معاك تصفي الدنيا تحلى يطيبها يا طيبه طيبك
    تعيش سطور السماحه وخيال الناس يحييبك
    متل بالحب ماابتلاني الله بعدو الريد يصيبك
    تباري خطاى تتبعيني ده انا الكليت فوق دريبك
    شياطين شعرى سون فى وقبل ما يبقي جوابك لبيبك
    اذا جفى مدادى قوافى فلا شك يكون ده عيبك
    دريباً كان منى ساقك هو نفس الدرب البجيبك
    متل ماعاد لى حبيبي بعود لى ضرعك وجيبك
    تعالى تعالى وانثري درر قوافي وشعر صافى يكون حليبك
    يعاود روضك نضاروا ويزينو غناء عندليبك
    قريب يا دار الحبايب معانا ينقز دليبك
    يقلّب فى الدار صيدك عجيب يا داره قلّيبك
    حسان الانس والجن بنات الحور اباهيبك
    سماح الكون بيك يبدا وسماح وعقب ينتهيبك
    عشان كدي يا نور عيوني صباحى مساي الاهيبك
    مصيري خلود فى جنانك ما خد حقى انا في لهيبك
    دموع عيني الهميله انا كفاى وكفاكن صبيبك
    دحين ارتاحى من عذابك خلاص ولى زمن نحيبك
    رموش افراحى الجميلة الله لا جاب ايام مغيبك
    بحر عطفك فاض غمرنى على زادن مناسيبك
    معاجيز وآيات جمالك تخلى الوراء يقتديبك
    خدودك كرز معتق يحدثبوا حساء نديبك
    وزارات صدرك تخوف قريبن تب مو قريبك
    كسي الارداف بي ظلامن بحر واتهادى وضيبك
    احبك وقادني لى حبك حياء ادبك وتهذيبك
    احبك واعشق دلالك غرورك وحتى تعذيبك
    احبك ويفرحنى صدقك بطرب لى اكاذيبك
    احبك وغاية مناى اني اكون آخر مجاذيبك
    احبك وكيف ما احبك حبى قدرك ونصيبك

    هيفاء
    عضو جديد
    عضو جديد

    عدد المساهمات : 22

    رد: اشعار شيخ العاشقين .. عبدالله محمد خير

    مُساهمة  هيفاء في السبت يناير 02, 2010 12:51 am

    اخوانيات

    الدابى مالك ساكت

    شال محبوبتى سافر بيها كيفن عاد بعيش لولاها
    بابور البحر مو عارفى شايل اعز زول جواها
    ماهماها حالى ألبى ما دام نوره وضواها
    تشتكى بالعلي عيونى أهمله ما سمع شكواها
    اللحكيلك ألماك عارفو كيف مسخت بلدنا ورآها
    كان كاتمه الشجن في وداعه ال دموعه مو ساتراها
    وأيه فايدة حياتى البعده آخوى أتقلب مجراها
    تقصر او تطول ايامى دى إنا لأمن أموت بطراها
    من يومة رحيله السمحه خلت فى العيون ذكراها
    خلت فى القليب بصماته أحرف كل يوم بقراها
    ****************************
    ما بتحمل حبيبتى الغربه لا له وحاته مو قادراها
    وكيف حاله إن مشت فى بلدا حاره وناسا مو شاكراها
    كان فات المحطات جمله يا حسن القرير بقشاها
    قوم يوم التلاتاء أندله بى تالا الرصيف تلقاها
    ما تعاين كتير وتشبه ديك إياها ديك مو ياها
    باينه حبيبتى من بسماته والنور يضوى من محياها
    *************************
    يا حسن أنت فوق أوصافه جيب أبيات وقول معناها
    واوعك ترتبك فى وداعه ذى ما نحن ودعناها
    واكتب لى جواب طمنى لا يبقى السفر أعياها
    ما بتقدر عليها الدرجه إلا غلب عليها حياها
    هاك منى الرسالة التالته وعينى بالدموع راوياها
    تلقاك حافظى للبيناتنه وتبقى العشره مو نا سياها
    إن كنت ما بخاف عزالى آزول كت بقوم ابرأها
    لكين بخشى قلنا وقالو وحالى السمحه عارفه براها

    هيفاء
    عضو جديد
    عضو جديد

    عدد المساهمات : 22

    رد: اشعار شيخ العاشقين .. عبدالله محمد خير

    مُساهمة  هيفاء في السبت يناير 02, 2010 12:53 am

    البريد

    روح بالبريد شيل من قليبي سؤالو
    روح للصعيد شوف الحبيب كيف حالو
    ***
    روح بالله اسأل عنو .. عن أحوالو
    واسألو شوفو مالو شمالنا شن سوالو
    ***
    خديري الفي الجريفات كنت بندلالو
    مجيهو سيدو من الجيهي ماخلالو
    عطش ما شافو جراي منحدر شلالو
    هباب مالو نقر للجرس دلالو
    ***
    يالخرطوم تشيلي حبيبي مالك ومالو
    هو أبانا ولا كتير علينا جمالو
    يميل كل ما النسيم هز الضفاير مالو
    وصدرو تقيل تقيل بالله يتخمالو
    ***
    يا ناس حوا ما ولدت غزال قبالو
    ينساب ديسو فوق اكتافو ينكبالو
    كل ما دق بابو خطيب أبوهو أبالو
    خلو يضري ما دام النسيم هبالو
    ***
    الناس قالو لي وقالو لي وقالو
    قالو نساني قالوا أنا ذكري راح من بالو
    خلو دموعي من بعد التجمل سالو
    خلو قليبي خف وأنقطع تقالو
    ***
    الذوق والأدب خل الخلوق ومشالو
    أما جمالو الله من الفراديس شالو
    يا ناس ذني ايه أنا قلبي لو شاشالو
    بس قولو لو مبروك العرف نشالو
    ***
    زولي الراسي بي هجراني مين اوحالو
    سابني مع الغرام خايض براي اوحالو
    أسعدي يا ظروف في حلو في ترحالو
    أصلي انا كل ما يغلط معاي بمحالو

      الوقت/التاريخ الآن هو الخميس ديسمبر 14, 2017 11:23 pm