نفاج

نفاج

مساحة للوصل ونفاج نفتحه..بيننا جميعا وعبره..نحكي.. نتواصل..نتعارف..نتآلف..لنكون معا..نهر الحياة الخالد

دخول

لقد نسيت كلمة السر

المواضيع الأخيرة

» أفضل وأسهل وأكثر أنواع التجارة ربحية على الإطلاق أمان 100%
الإثنين فبراير 02, 2015 6:27 am من طرف الأميرلاي

» بستـــأذنك...
الخميس يوليو 03, 2014 8:08 pm من طرف الشاعر السماني حسن

» عاش من شافك
الثلاثاء يونيو 17, 2014 3:16 pm من طرف hamadvip

» ابدأ دخولك بالصلاة علي النبي (صلي الله عليه وسلم)
الثلاثاء يونيو 17, 2014 3:11 pm من طرف hamadvip

»  كيف يفكر الرجل ؟؟ وكيف تفكر المرأه ؟؟
الإثنين يونيو 16, 2014 1:00 pm من طرف hamadvip

» قصيدة جديدة ........ دنيا
الإثنين يونيو 16, 2014 12:53 pm من طرف hamadvip

» طيارة جات بي فوق .......... قصيدة جديده لهاشم صديق .. حفظه الله
الإثنين يونيو 16, 2014 12:49 pm من طرف hamadvip

» عشة أم حجل - هاشم صديق
الإثنين يونيو 16, 2014 12:47 pm من طرف hamadvip

» هاشم صديق - ما جاب المطر بنزين
الثلاثاء يونيو 10, 2014 5:41 am من طرف عثمان تباكي


    نفاج الحلنقي

    شاطر

    سماح
    عضو نشيط
    عضو نشيط

    عدد المساهمات : 55

    نفاج الحلنقي

    مُساهمة  سماح في الثلاثاء يناير 26, 2010 3:43 am

    كسلا المدينة الأنيقة .. كسلا التي يتجول في أرجائها التاريخ... ذاكرة الشعوب.. ويفوح عبق الماضي في طرقاتها ودروبها...
    ويلقي الإنسان حينما يزورها غلالة منسوجة من دُعاش التاكا الأبية ويلاحقك أينما كنت ..
    كسلا التي تنوم وادعة في شرق السودان تتيه علي سائر مدنها بعمرها المديد الموغل في العراقة . .
    كسلا ..التي تلبس في كل زمان أردية السحر والجمال وهذا يمنحها فرادة وتميز ..
    الأهازيج التي تطوق خصر كسلا متغنية بها اختصار للمسافة بين زائرها وبين الولوج إلي قلبها..

    .......
    تحت..

    سماح
    عضو نشيط
    عضو نشيط

    عدد المساهمات : 55

    رد: نفاج الحلنقي

    مُساهمة  سماح في الخميس يناير 28, 2010 1:03 am

    اسحق الحلنقي قطعة من كسلا ...
    هو سمرة من جبالها وخضرة من مروجها وبسمة في عيون أهلها ...
    عبر الحلنقي عن كوامن دواخله وأبرز كيف التواشح مع الجمال والتسامح والتناسخ مع المواقف فجاء شعره الغنائي متسم ببساطة الصدق وحرارة العاطفة ويسر الكلمات والمقاطع فأصبح علي الألسنة ترديداً وهتافاً فكسلا الوطن الصغير الملاذ الذي احتمي به الحلنقي...
    أخذ من قوس قزح المتدني فوق جب التاكا الأشم الذي يسترضع القمر ويتدلي علي دائرة الظل علي هامش نبع توتيل السلسبيل وركائم السحائب تشق طريقها لتنسم حبات الندي المتساقط صبحاً اخذ جماله وسماحته ... ونام الحلنقي في هذا المشهد المتكرر فكان الشعر الموهبة أول القيد عند الحلنقي الأبيض ضميرك ثم توالي تناثر الدرر ..

    اواصل ..
    avatar
    سماهر
    عضو مشارك
    عضو مشارك

    عدد المساهمات : 152

    رد: نفاج الحلنقي

    مُساهمة  سماهر في الأحد يناير 31, 2010 3:27 pm

    شكرا سماح ..
    بت كسلا .. الهدندوية الاصيلة ..
    هي كسلا دايما محط الابداع والجمال ..
    وحبيت عشانك كسلا ..
    عشانك انتي بالذات يا سماح ..
    في انتظار ابداغات الحلنقي وبالله صدري لينا قصايدو
    بي
    يا أعز الناس حبايبك نحن ...
    زدنا قليل حنان ...
    و...
    انت مافي .
    اي حاجة بتبقى مافي
    الشمس تلقاها مافي
    والبحر من غير مرافي
    والمدن بتكون منافي
    والحبيب يبقى جافي
    العسل ما ببقى صافي
    وانت مافي
    و ...
    اسمعنا مره وحاتنا عندك اسمعنا مره
    الدنيا تبقى مافيها مره
    والكون يلالي بهجه ومسره
    حن في عمرنا كايسنو مره
    وان قلت لا لا هم واستمره
    و في انتظارك
    دمتي وتقبلي مروري
    avatar
    روان
    عضو مشارك
    عضو مشارك

    عدد المساهمات : 115

    رد: نفاج الحلنقي

    مُساهمة  روان في الأحد يناير 31, 2010 3:42 pm

    دوري دوري
    يا أيام يا أشواق عدينا
    نحن الليلة للحبان
    من سفرا بعيد جينا

    على رمل الطريق من بيتنا
    جابنا الشوق في سكتكم
    وصح الذكريات فينا
    مواكب الغيم لحارتكم
    بعد ما قلنا نحن نسينا
    ايه ذكرنا سيرتكم
    نعم في انتظارك الغالية سماح ..
    وفي انتظار الحلنقي .. ذلك المرهف ..

    سماح
    عضو نشيط
    عضو نشيط

    عدد المساهمات : 55

    رد: نفاج الحلنقي

    مُساهمة  سماح في الأحد يناير 31, 2010 3:48 pm

    شكراالغاليات جدا سماهر وروان ..
    شرا مروركن الجميل ويا سماهر ما تستعجلي .. كلو حييجي
    ... بس خليني امهد ليهو بتعريف ليس تقليلا لشأنه فهو اشهر من علم علي رأسه نار ولكن ليكون العمل كاملا

    جاية ..
    avatar
    شاهندا عمر
    عضو ممتاز
    عضو ممتاز

    عدد المساهمات : 95
    الموقع : جدة - المملكة العربية السعودية

    رد: نفاج الحلنقي

    مُساهمة  شاهندا عمر في الثلاثاء فبراير 02, 2010 4:03 am

    تسلمي ياغالي
    وفي انتظارك..
    كل الود

    سماح
    عضو نشيط
    عضو نشيط

    عدد المساهمات : 55

    رد: نفاج الحلنقي

    مُساهمة  سماح في الجمعة فبراير 05, 2010 2:45 am

    تكرمي يا شهد..
    شكرا للمرور ..
    وما ح اطول عليكم..

    سماح
    عضو نشيط
    عضو نشيط

    عدد المساهمات : 55

    رد: نفاج الحلنقي

    مُساهمة  سماح في الجمعة فبراير 05, 2010 2:50 am

    الكروان

    لـيه يا كروان خليت عشك

    بـاريت الـغربة الـبتغشك

    فـارقـت الـبلد الـبتريدك

    بـالصندل كـانت بـترشك

    لـيه يا كروان سبت ديارك

    ومـشيت خـليتهم سـمارك

    دي الـغربة الـحتت نوارك

    مـا تـسيبها تـقلل مقدارك

    دا الـبعد الحاصل كان منك

    ليه نرمي اللوم على اقدارك

    لـيه يا كروان خليت ناسك

    ومـشيت لـلناس الماناسك

    انـت المعروف بين جلاسك

    مـعروف بي رقة احساسك

    ليه تنسى عيون النيل والليل

    والـريد الـحابس انـفاسك

    لـيه يـا كروان بعدك طول

    ومـا عـاد تغريدك زي أول

    انـا عارفو حنينك ما تحول

    عـشق الأوطـان ما بتاول

    اصلو الانسان ما بكون انسان

    لـو بنسى قديم زمنو الاول

    سماح
    عضو نشيط
    عضو نشيط

    عدد المساهمات : 55

    رد: نفاج الحلنقي

    مُساهمة  سماح في الجمعة فبراير 05, 2010 2:51 am

    عصافير الخريف

    هـجرة عـصافير الـخريف
    فـى مـوسم الـشوق الحلو
    هـيج رحـيلا مـع الـغروب
    احـساس غـلبنى اتـحملو
    وكتمت اشواق الحنـيـن
    داير الدموع يتـقـلـو
    ورجعـت خليت الـدموع
    يـنسابو ..مـنى ويـنزلو
    ليـه يا عصافيـر الخريف
    خضرة مـشاعـرى اشيلا صيف

    تـحت الـغمام شـايف
    مـواكب الـهجرة اتـلاشت سراع
    ليه يـا عـصافير ليه الاسف
    مين علمك أسف الوداع
    وعارف دا ما اول سفر
    لبلاد بـعيدة بـدون مـتاع
    زى ما بتخافي مـن الرياح
    بنخاف كمان انحن الضياع
    ليه يا عصافير ليه الضنى
    صفقة جناحك احزنها

    غـايـب الـسنين الـليله
    مالو غنا العصافير غـلبو
    طراهو زولا كان ولوف
    كم رضا خاطرو وطيبو
    سمع قليبو كـلام حـنين
    هـدهد مـشاعرو ودوبـو
    الـناس سعيدم فى الـحياة
    لا ضاق فراق لا جربو
    وانا حالى فى بعد الوطن
    دفـعنى ضي العين تمن

    سماح
    عضو نشيط
    عضو نشيط

    عدد المساهمات : 55

    رد: نفاج الحلنقي

    مُساهمة  سماح في الجمعة فبراير 05, 2010 2:53 am

    قطر الندى

    الريد جو قلبي بحبك بدا
    ياطيبة حياتي يا قطر الندي
    ما كان في خيالي تتنكر كدا
    أيامن الجميلة ليه بتنكدا
    جربت هواهم
    قليبي انكوى
    تاريهم جاروا
    وماصانو الهوى
    حاولت اسيبك واتناسى المضى
    أيامك معاي ساعات الرضى
    المكتوب علي أنا قلبي ارتضى
    ياريت الليالي عطفو يعوضا
    جربت هواهم
    قليبي انكوى
    تاريهم جارو
    وماصانو الهوى
    الكلمة الحنينة مشتاق اسمعا
    روحي خلاص جفيتا والشوق لوعا
    الدمعات
    عيوني كيفن تمنعا
    وانا شايف سنيني جورك ضيعا
    جربت هواهم
    قليبي انكوى
    تاريهم جاروا
    وماصانو الهوى
    يومي الشفتك انت حسيت بالهنا
    طويت يا حياتي شمعاتي انا
    بعد الحب دا كلو يا أجمل منى
    لي بكيتني تاني عاودت الضنا
    جربت هواهم
    قليبي انكوى
    تاريهم جاروا
    وماصانو الهوى

    سماح
    عضو نشيط
    عضو نشيط

    عدد المساهمات : 55

    رد: نفاج الحلنقي

    مُساهمة  سماح في الجمعة فبراير 05, 2010 2:54 am

    اسمعنا مرة

    اسمعنا مره وحاتنا عندك اسمعنا مره
    الدنيا تبقى مافيها مره
    والكون يلالي بهجه ومسره
    حن في عمرنا كايسنو مره
    وان قلت لا لا هم واستمره

    ان درنا نشكي وين نشكي ليكا
    وين نلقى دنيا تجمعنا بيكا
    كنت بتجينا ياحليل مجيكا
    وان ضاع عمرنا محسوب عليكا

    انت البتنهي وانت البتأمر
    ان قلت نشقى نشقى وان قلت نصبر
    زي الفراشه في سمانا تخطر
    نادر وجودك في الدنيا يندر

    نحن المشاعر جنات حبيبه
    بسمتنا راحه وعالمنا طيبه
    دايرين عيونك تصبح قريبه
    شان كل حلوه في الكون نجيب

    سماح
    عضو نشيط
    عضو نشيط

    عدد المساهمات : 55

    رد: نفاج الحلنقي

    مُساهمة  سماح في الجمعة فبراير 05, 2010 2:56 am

    وسط الدايرة

    وسط الدايرة أجمل نايرة
    خلي قلوبنا تطير
    وارحلي بينا فراشة حنينة
    بين زينات وعبير
    ولما الخصلة تدور طربانة
    تبقي حرير في حرير
    فرحي خلق الله واتّنّي ياشبه القمرة
    وارقصي رشي عبيرك فينا وفتحي يا زهرة

    أرقصي زيدي الساحة سماحة
    نحن معاك نشيل
    نغني غناوي ..نحكي حكاوي
    لما ندوب في الليل
    لا ترتاحي لا تريحينا
    لسة الوقت طويل

    عمرك كل فرح يا زينة
    شيلي من الأفراح وادينا
    راقصي البسمة راقصي النسمة
    خلي الموجة تدور بينا
    أوعي تهدي
    كمان اتحدي
    يلا جميلك تمي علينا علينا

    سماح
    عضو نشيط
    عضو نشيط

    عدد المساهمات : 55

    رد: نفاج الحلنقي

    مُساهمة  سماح في الجمعة فبراير 05, 2010 2:57 am

    المشكلة

    الروح تروح ما مشكلة وتزيد جروحي علي جروح مامشكلة
    المشكلة ريدتك بقت هي المشكلة وأديني حل للمشكلة

    ينسي الفراش عطر الربيع ما مشكلة
    وينسي الوديع زولو الوديع ما مشكلة

    الشاري لو فكر يبيع لو ضاعت الأعمار تضيع ما مشكلة
    المشكلة ريدتك بقت هي المشكلة وأديني حل للمشكلة

    لا تبين شمس لا يهل قمر ما مشكلة
    يبقي السحاب من غير مطر ما مشكلة

    يرموني في نص البحر لا يجيبو لي الناس خبر مامشكلة
    المشكلة ريدتك بقت هي المشكلة وأديني حل للمشكلة

    لو هز صمت الليل برق ما مشكلة
    والقاش رحل خلاّ الشرق ما مشكلة

    لو عمري بالشوق يحترق ولو رحت ماجبت الفرق ما مشكلة
    المشكلة ريدتك بقت هي المشكلة وأديني حل للمشكلة

    الدنيا تبقي بدون جليس ما مشكلة
    وتبقي الليالي بدون ونيس ما مشكلة

    لو تنسي ليلي حبيبها قيس تنسي العروس اسم العريس ما مشكلة
    المشكلة ريدتك بقت هي المشكلة وأديني حل للمشكلة

    سماح
    عضو نشيط
    عضو نشيط

    عدد المساهمات : 55

    رد: نفاج الحلنقي

    مُساهمة  سماح في الجمعة فبراير 05, 2010 3:05 am

    امرك ياقدر

    مشي امرك ياقدر انت احكامك مطاعه
    لوحصل نحن افترقنا والليالي الهم اضاعا
    همسة الذكرى المعاي تبقى زاد روحي ومتاعا
    *****
    الزمن كان مبتسم والليالي جميله حالمه
    كانت الايام بتمضي حلوه ريانه ومسالمه
    لا اشتكينا من الزمن لا لا التقينا في لحظه ظالمه
    بي حنانا الدنيا كانت ياحبيب العمر عالمه
    ******
    فجأه من غير نحن نشعر يافراق طليت علينا
    واصبحت كل الليالي الطيبه والايام حزينه
    وارتسم ظل في جبين ايامنا ظل آهات سجينه
    كان طريق مكتوب نسيرو نحن سرناهو ومشينا
    *******
    عدت من بعدك رجعت عشت متغرب وحيد
    وابتديت اشعر بزهر العمر بيتساقط بعيد
    ياحليلك انت والايام ربيع اخضر سعيد
    كنت ببكي عليك بعمري والدموع بس ما بتفيد

    سماح
    عضو نشيط
    عضو نشيط

    عدد المساهمات : 55

    رد: نفاج الحلنقي

    مُساهمة  سماح في الجمعة فبراير 05, 2010 3:06 am

    وقفة على قبر تاجوج

    اليوم عدت اليك يا كســـــــــــلا
    وبمقلتى تعاسة المتــــــغــــرب
    فى كل شبر ضجة وتأســــــــــف
    أنكرت بعدى جفوتى وتغربى
    أنا ان رجعت الى غد لاتأســـفى
    فالمجد بعض من فضائل مذهبى
    هذى الجبال عبادتى فى صمـتها
    شمخت كمحبوب عزيز المطلب
    وبقبر تاجوج اصطحبت عبادتى
    صليت فى قبر جريح متعــــب
    والقاش ممتـد بعينى هــــــائم
    بسط الذراع يلم لون المـــغرب

    سماح
    عضو نشيط
    عضو نشيط

    عدد المساهمات : 55

    رد: نفاج الحلنقي

    مُساهمة  سماح في الجمعة فبراير 05, 2010 3:07 am

    فايت مروح وين ما لسه الزمن بدرى

    فايت مروح وين وين ما لسه الزمن بدرى
    خليك شوية معاى عشان جنبك يطول عمرى

    دار الفرح والريد تلقانى من اهلا
    لى الما بيعرف طيبة شباب كسلا
    بين الضفائر بان وجه القمر طلا
    وكيف قلبى يتصبر صبرنى يا الله
    فايت مروح وين
    يا اجمل الحلوين يا احلى ياسمينا
    ما لينا غيرك اهل انت الاهل لينا
    لمتين مراكبنا ترسى وترسينا
    على وادى اسمو القاش والغيم حوالينا
    على نسمتك يا قاش بالريد تعدينا
    فايت مروح وين
    باقى الجميل تموا اصلو العمر مرّ
    وانا كم صبرتا معاك فى الحلوة والمرة
    اطرح جبينك لى خليهو ينفرّ
    وانت البيدور ضرك انشاء الله ينضرّ
    فايت مروح وين
    يلاك بعيد نرحل على دنيا حنية
    نعيش لوحدينا والسيرة منسية
    واوسدك قلبى وارعاك بعينيا
    واسقيك مياه توتيل عشان تعود ليا
    فايت مروح وين سايبنى رايح وين
    لسه الوكت بدرى
    خليك شوية عشان جنبك يطول عمرى
    عارف الولف كتال وانا قلتا عزرى
    وارحم بخاطرى انا ارحم تعب قلبى

    سماح
    عضو نشيط
    عضو نشيط

    عدد المساهمات : 55

    رد: نفاج الحلنقي

    مُساهمة  سماح في الجمعة فبراير 05, 2010 3:09 am

    وعد النوار

    ياريت من أول وريتنا إنك يمكن تتأخر يوم
    كان غايتو إطمنّا شويه وبحرك ياليل ما طفنا نجوم
    بيقولو الغايب عذره معاه وفى غيابك ياما نشيل اللوم
    *****************
    مرت لحظات وكمان ساعات طالت وحياتك منتظرين
    لو وشوش صوت الريح فى الباب يسبقنا الشوق قبل العينين
    ونعاين الشارع نلقاه تائه فى دموع المغلوبين
    *****************
    العيد الجاب الناس لينا ما جابك
    يعنى نسيتنا خلاص
    مع إنك إنت الخليتنا نغنى الحب ذكرى وإخلاص
    صبحت دمعتنا وسادتنا كدى حاول اعرف لينا خلاص
    *****************
    شال النوار ظلل بيتنا
    من بهجة وعدك ماجيتنا
    وفضلنا وحاتك منتظرين
    شوف وين روحتنا وديتنا ... وين

    سماح
    عضو نشيط
    عضو نشيط

    عدد المساهمات : 55

    رد: نفاج الحلنقي

    مُساهمة  سماح في الجمعة فبراير 05, 2010 3:14 am

    جاي تاني

    جاى تانى ...
    جاى تسأل عن حنانى ..
    ما خلاص اصبح حكاوى ..
    و اللى فات بقى عهد فانى ..

    جاى تتوسل و ترجى الزمن ..
    يجمعنا تانى ..
    لا لا ما تصدق مشاعرك ..
    شلت سيرتك ..من لسانى ..

    ياما قاسمتك سرورى ..
    و فيك بديت نظم المعانى ..
    كنت بستناها جيتك ..
    كنت بحلم بالامانى ..
    من امس بستنى ..بكرة ...
    يا الرجيتك كل زمانى ..
    جيت لقيتك خنت ودى ..
    صد قلبك و ما طرانى ...,

    جاى تانى ...

    جاى يا الفُتّ و رميتنى ..
    جاى تشمت .. فى رفاتى ,,
    ماخلاص اخترت غيرى ..
    ناسى اجمل ذكرياتى ..
    شلت من صوتى الاغانى ..
    كل ماضى .. و كل آت..
    و الحقيقة بقت خديعة ..
    فيها ضاعت امسياتى ..

    جاتى تانى
    ..

    سماح
    عضو نشيط
    عضو نشيط

    عدد المساهمات : 55

    رد: نفاج الحلنقي

    مُساهمة  سماح في الجمعة فبراير 05, 2010 3:16 am

    أصلو ما ممكن

    ممكن وللا ما ممكن
    أسيبك اصلو ما ممكن
    اسيبك كيف بعد ريدك
    صبح من روحي متمكن
    ****
    ممكن تختفي الأبراج
    ويبقى النيل بدون أمواج
    يغيب الكوكب الوهاج
    وتبقى الزهرة من غير تاج
    عارف شوقي ما بهدن
    واسيبك أصلو ما ممكن
    ****
    ممكن يرحلوا النيلين
    ويمشوا يهاجروا مغتربين
    وممكن يجرح الياسمين
    والزيتون يجافي التين
    إلا الأصلو ما ممكن
    نعيش انا وانت مفترقين
    ممكن أي حاجة تكون
    وحرف النون يكون ما نون
    وممكن تاني يظهر لون
    يضيع لون دهب شيبون
    إلا الأصلو ما ممكن
    غلاوتك عندي مرة تهون

    سماح
    عضو نشيط
    عضو نشيط

    عدد المساهمات : 55

    رد: نفاج الحلنقي

    مُساهمة  سماح في الجمعة فبراير 05, 2010 3:17 am

    رحتا خليتنا

    رحتا خليتنا
    تاني ما جيتنا
    لو مغالطنا ما مصدقنا
    اسال العنبه الراميه فوق بيتنا
    خاينا يا دنيا
    وقاسيا يا دنيا
    قلنا نصبر
    لا لا لا ما بنقدر
    مالصبر قاسي
    والمحبه قدر
    خاينه يا دنيا وقاسيا يا دنيا

    الزمن غدار
    ظلمه ما بندار
    حني يا دنيا
    واقبلي الاعذار
    خاينه يا دنيا
    وقاسيه يادنيا
    قاسيه يا دنيا
    وخاينه يا دنيا
    قلنا يا قمره سافري من بكره
    ختي في قلبو صورت الذكره
    خاينه يا دنيا
    وظالمه يا دنيا
    انت عارف الغذاب شفنه
    والشقه و
    غشنا

    سماح
    عضو نشيط
    عضو نشيط

    عدد المساهمات : 55

    رد: نفاج الحلنقي

    مُساهمة  سماح في الجمعة فبراير 05, 2010 3:19 am

    اقابلـك

    أقابلك
    في زمن ماشي
    وزمن جاي
    وزمن لسة
    بشوف الماضي فيك باكر
    أريت باكر يكون هسة

    وقصر طول مشاويرنا
    ورقش بالفرح جلسة على النيل
    والقمر مرات يبين في الموج ويدسة
    ونحن نقابلو زي طفلين
    كلامم كلو بالهمسة
    وزي عصفورة قلبها دابو حنة
    وبالولف حسَّ

    أي عيون بتتقابل
    إلا عينيكي ما بتتفات
    في عينيك بتوه
    كيفن في حلاة البسمة في القاسيات
    وعطر الصندل المستني
    يفرح بيكي فرحتو جات
    وحاتك خلي منو شوية
    شان يتكاحل السمحات

    بلاك النجمة
    لا بتتعلا لا بتتدلا
    فوقا هلال
    عليكي الريدة طلي علينا
    يالختينا فيكي آمال
    تجينا فرح ترفرفي فوقنا
    نستناكي بالموال
    والشوق بيني بينك انتي
    زي ماتقول نظرة طال

    سماح
    عضو نشيط
    عضو نشيط

    عدد المساهمات : 55

    رد: نفاج الحلنقي

    مُساهمة  سماح في الجمعة فبراير 05, 2010 3:20 am

    الشمس

    صدق أمس ..

    شفت الشمس

    بضوى فى حفلة عرس

    وطبعا ده اصلو المستحيل

    تطلع شمس والدنيا ليل

    لكن وحات وطنى الجميل

    والخضره والظل الظليل

    شفت الشمس بعيونى ديل

    فى الحفلة بتغنى وتشيل

    شفنا العريس قام قوًمها

    حلف عليها وخصمها

    بس رقصة واحدة تقدمها

    واتدللت متبسمه ...

    قامت عزيزه مكرمه ..

    وبى خطوه حالمه منغمه

    الخطوه جات متقسمه

    خلت قلوبنا مقسمه ..

    دى هديه جاتنا من السما

    وحفلتنا بيها .. بنختمها

    سماح
    عضو نشيط
    عضو نشيط

    عدد المساهمات : 55

    رد: نفاج الحلنقي

    مُساهمة  سماح في الجمعة فبراير 05, 2010 3:23 am

    avatar
    سوهندا
    عضو ممتاز
    عضو ممتاز

    عدد المساهمات : 77

    رد: نفاج الحلنقي

    مُساهمة  سوهندا في الجمعة فبراير 05, 2010 2:06 pm

    شكرا سماح علي اضافتك نفاج الحلنقي ونتمني نلقي هنا كل اشعار هذا المبدع..
    دمتي ..
    avatar
    علياء
    نائب المدير العام
    نائب المدير العام

    عدد المساهمات : 152

    رد: نفاج الحلنقي

    مُساهمة  علياء في الجمعة فبراير 05, 2010 2:16 pm

    جميل يا سماح ..
    ونتمني ان لا يقتصر البوست علي اشعار الحلنقي فقط وانما علي حواراته واحاديثه والتوثيق له ..
    واصلي جهودك
    وفي انتظارك دائما

      الوقت/التاريخ الآن هو الإثنين نوفمبر 20, 2017 7:32 pm