نفاج

نفاج

مساحة للوصل ونفاج نفتحه..بيننا جميعا وعبره..نحكي.. نتواصل..نتعارف..نتآلف..لنكون معا..نهر الحياة الخالد

دخول

لقد نسيت كلمة السر

المواضيع الأخيرة

» أفضل وأسهل وأكثر أنواع التجارة ربحية على الإطلاق أمان 100%
الإثنين فبراير 02, 2015 6:27 am من طرف الأميرلاي

» بستـــأذنك...
الخميس يوليو 03, 2014 8:08 pm من طرف الشاعر السماني حسن

» عاش من شافك
الثلاثاء يونيو 17, 2014 3:16 pm من طرف hamadvip

» ابدأ دخولك بالصلاة علي النبي (صلي الله عليه وسلم)
الثلاثاء يونيو 17, 2014 3:11 pm من طرف hamadvip

»  كيف يفكر الرجل ؟؟ وكيف تفكر المرأه ؟؟
الإثنين يونيو 16, 2014 1:00 pm من طرف hamadvip

» قصيدة جديدة ........ دنيا
الإثنين يونيو 16, 2014 12:53 pm من طرف hamadvip

» طيارة جات بي فوق .......... قصيدة جديده لهاشم صديق .. حفظه الله
الإثنين يونيو 16, 2014 12:49 pm من طرف hamadvip

» عشة أم حجل - هاشم صديق
الإثنين يونيو 16, 2014 12:47 pm من طرف hamadvip

» هاشم صديق - ما جاب المطر بنزين
الثلاثاء يونيو 10, 2014 5:41 am من طرف عثمان تباكي


    اروع اشعار اسماعيل حسن (اسمعين ود حد الزين )

    شاطر
    avatar
    طارق عبد العزيز
    عضو نشيط
    عضو نشيط

    عدد المساهمات : 34

    اروع اشعار اسماعيل حسن (اسمعين ود حد الزين )

    مُساهمة  طارق عبد العزيز في الجمعة يوليو 16, 2010 1:35 am

    رجعت ليك

    رجعت ليك بعد إغـــــتراب
    بعد الأسى وطول العـذاب
    سافرت شـــديت الرحـــال
    في الغربة أصبح حالي حال
    في اللحظة ديك ياروحـــــي
    مليت الغياب
    ورجـــــعت ليــــــك مـــــولــــود جـــــديد
    متل الندي المدلوق علي شدر الصعيد
    جيتك وحيد متل الفجـر
    وبداية للصبح الـــــجديد
    متل النسيـــــم فرحان أنقر كـــــل باب
    ياأهلي جيت
    يانسي جيت
    مـــدولي إيدكن حــــــباب
    قالدوني نســـوني الغياب
    ما أغلى شئي في الدنيا
    ياكن والـــتراب
    ياسلام !!!


    عدل سابقا من قبل طارق عبد العزيز في الجمعة يوليو 16, 2010 1:50 am عدل 2 مرات
    avatar
    طارق عبد العزيز
    عضو نشيط
    عضو نشيط

    عدد المساهمات : 34

    رد: اروع اشعار اسماعيل حسن (اسمعين ود حد الزين )

    مُساهمة  طارق عبد العزيز في الجمعة يوليو 16, 2010 1:37 am

    خفافيش

    الخفافيش
    في البيوت السمحة
    بتكــــوس الجــــحور
    لابــــدة
    ما بتقدر تواجه الدنيا
    إذا ما بقة نــــــــــور !
    زي جمــاعة البوم
    بتنعق في الخراب
    لما العمار يصبح قبور
    ياسلام
    avatar
    طارق عبد العزيز
    عضو نشيط
    عضو نشيط

    عدد المساهمات : 34

    رد: اروع اشعار اسماعيل حسن (اسمعين ود حد الزين )

    مُساهمة  طارق عبد العزيز في الجمعة يوليو 16, 2010 1:39 am

    قصة حياة

    طيرة حلوة ..
    لونا زي لون الشفق
    كانت بتبني بيتا بالأقصان
    ومفـــــروش بالصــــــــفق
    هبهبات جــناحات
    وقــــــــــع الشوق
    بزغرد في الــورق
    تمت البيت بالتعب
    وختت الـــــــــبيض
    وفي حشاهو كان
    جنين الغيب بنقر ما مرق !
    جــــاها واحـــــد دون سبب
    فك نار بالحرقة
    والعش إنحرق
    يا ســــــــلام
    avatar
    طارق عبد العزيز
    عضو نشيط
    عضو نشيط

    عدد المساهمات : 34

    رد: اروع اشعار اسماعيل حسن (اسمعين ود حد الزين )

    مُساهمة  طارق عبد العزيز في الجمعة يوليو 16, 2010 1:42 am

    الفرق

    الحياة ومضــــة
    إذا يوم إنطفت
    مستحسيل تلقانا
    أو نلــقاها تاني
    أصلو ما معروف
    منو الفايت أخوهو
    يمـــــكن إنت أو انا
    وربما بيناتنا كانت
    بس ثواني
    كـــــل جــــاهـــــك مـــــا بفيــــدك
    وانا برضك .. زي زيك ..بس بعاني
    وانت مــــا قادر تعــاني !!
    والعجيبة والباقي أعجب
    اني عارف الـــدنيا زايلة
    وأنت ما قادر تصـــــــدق
    أنو كــــل الدنيا فاني !!
    ياسلام !!
    avatar
    طارق عبد العزيز
    عضو نشيط
    عضو نشيط

    عدد المساهمات : 34

    رد: اروع اشعار اسماعيل حسن (اسمعين ود حد الزين )

    مُساهمة  طارق عبد العزيز في الجمعة يوليو 16, 2010 1:44 am

    تأمل

    كنت بتأمل وجوه الناس
    على الدرب الطـــويل
    والوجوه صفحة كتاب
    تعكس السر الدخيل
    بعضها كانت تعـــاني
    من مرارة الدنيا والرزق القليل
    رغم دا كانت صبورة ومطمئنة
    وراضية بالرزق القليــل
    والغريب والباقي أغرب
    أوجه النـاس الغنـــــايا
    برضو توشل بالعــــرق
    تعكس الالام وتحكي
    ماها راضية بي غناها
    ولا القروش تعكس رضاها
    ياسلام
    avatar
    طارق عبد العزيز
    عضو نشيط
    عضو نشيط

    عدد المساهمات : 34

    رد: اروع اشعار اسماعيل حسن (اسمعين ود حد الزين )

    مُساهمة  طارق عبد العزيز في الجمعة يوليو 16, 2010 1:45 am

    حال

    عـــنـــــــدو دكــــان كــــــان
    مستف بالملابس والحراير
    والخلق مالــــيهو تزحــــف
    كل يــــوم مـــــزحوم وفاير
    والــزبايــــن
    ديه جــــاية
    وديه فايتــة
    وديه شايل
    وداك يتـــفــــرج وزائر !!
    المهم أحـــوالو طيبـــة
    والزمن في صفو ساير
    يوم من الأيام لقيتـــو
    للرفوف الفـــــــاضيـــة
    ينــــفـــض وحــــــــاير
    قلت شن حاصل عليكم ؟
    قالي ما جار الزمان
    قلــــــت كيـــــــف ؟
    قالي رأس المال غـــــرق
    في بطون امات ضفاير !!
    يا سلام
    avatar
    طارق عبد العزيز
    عضو نشيط
    عضو نشيط

    عدد المساهمات : 34

    رد: اروع اشعار اسماعيل حسن (اسمعين ود حد الزين )

    مُساهمة  طارق عبد العزيز في الجمعة يوليو 16, 2010 1:47 am

    المستحيل


    لو بإيدي كنت طوعت الليالي
    لو بإيدي كنت زللت المحال
    والأماني الدايرة في دنياي ماكانت محال
    دي الإرادة ونحن ما بنقدر نجابه المستحيل
    دي الإرادة والمقدر ما بنجيب ليه بديل
    دي الإرادة أجبرتني في هواكم من قبيل
    ***
    غصبا عني وغصبا عنك
    انت حبيتني وهويتك
    لو بإيدنا من زمان
    كنت خليتني ونسيتك
    والنهاية ..
    انت عارف وانا عارف
    لو بإيدي كان هديتك
    ***
    أصلو حبي أقوى وأكبر من إرادتي
    وانا حاسس في جحيم نارك سعادتي
    والهيب البكوي في روحي
    في ذاتي
    هو إنت
    قلبي دايرك
    حبي عارفك
    في شبابك في صباك
    في جمالك في وفاك
    في شبابك في وفاك
    يا المسير وماك مخير
    انت ياصابر عند الله جزاك
    avatar
    طارق عبد العزيز
    عضو نشيط
    عضو نشيط

    عدد المساهمات : 34

    رد: اروع اشعار اسماعيل حسن (اسمعين ود حد الزين )

    مُساهمة  طارق عبد العزيز في الجمعة يوليو 16, 2010 1:48 am

    لي

    انت ليه ماخد فى خاطرك
    قولى ليه ماخد فى خاطرك
    من كليمه وبالغلط جات فى لسانى
    كبروها الناس عشان تزعل
    تفوتنى.. يوم تفوتنى
    مين بيسأل عنى تانى
    فى الحقيقة قبل أحبك
    عندى ماضى
    مستحيل .. مستحيل
    أرجعلو تانى
    فى الحقيقه ودى الحقيقه
    قصدى بس يا حبيبى
    امتحن احساس عواطفك نحو
    لو حبيت غيرك
    فى الحقيقه ودى الحقيقه يا حبيبى
    أعيش يا حبيبى فى المنابع
    جوه فى أعماق شعورك
    لو بتعرف كيف بحبك
    كيف بعزك
    كيف بدورك
    يا حبيبى
    كل كلام الناس
    وحاتك ما بضيرك

    avatar
    طارق عبد العزيز
    عضو نشيط
    عضو نشيط

    عدد المساهمات : 34

    رد: اروع اشعار اسماعيل حسن (اسمعين ود حد الزين )

    مُساهمة  طارق عبد العزيز في الجمعة يوليو 16, 2010 1:49 am

    دموع المسافرين

    دياركم خاليه عاد كيفن نجيها
    قبيل قالو الطيور هجرت تقيها
    سألتك بالذى فى كل جيهه
    بالصلاح وبى أهل النديهه
    وحات أبوى.. حليفة تعرفيها
    ترجعى لى بلدنا تشرفيها
    يانور السبعتين وتنوريها
    ورك حياتنا ما عاد نشتهيها
    بلدنا خزينى خلعت لى حليها
    شن بتقولى عاد بس توصفيها
    تمورنا العاليه ضلت فى عليها
    نسيمات الصباح ماعاد تجيها
    حليل قمريه دى الفاتت جنيها
    جروف اشواقنا يبست الحقيها
    قوافل ريدنا طول الليل مشيها
    على درب ام السماح بتزيد جريها
    يا القمره البعيده نشابى ليها

    avatar
    طارق عبد العزيز
    عضو نشيط
    عضو نشيط

    عدد المساهمات : 34

    رد: اروع اشعار اسماعيل حسن (اسمعين ود حد الزين )

    مُساهمة  طارق عبد العزيز في الجمعة يوليو 16, 2010 1:51 am

    يا سمره

    الليله يا سمره.. ياسماره الليله ياسمره
    أنا بحكى ليك وانت لى تحكى
    أنا أبسم ليك انت لى تبكى
    ***
    ليه الزعل يا سمره
    أطرى الامل يا سمره
    ***
    لونك بديع طبعك وديع
    وخدك يفوق زهر الربيع
    ***
    كيف الوصال
    خلى الدلال
    ***
    ديمه الجميل شوفو القليل
    ياحليل حليل ليالى الهنا
    ***
    وين العهود
    وعهد الخلود
    الليله يا سمره

    avatar
    نورالدين
    مشرف
    مشرف

    عدد المساهمات : 261
    العمر : 45
    الموقع : مروى

    رد: اروع اشعار اسماعيل حسن (اسمعين ود حد الزين )

    مُساهمة  نورالدين في الجمعة يوليو 16, 2010 2:06 am

    كنت بتأمل وجوه الناس
    على الدرب الطـــويل
    والوجوه صفحة كتاب
    تعكس السر الدخيل


    شكرا طارق عبد العزيز ولانقول رقم.
    على نشر هذه الاشعار الجميلة للشاعر الكبير اسماعيل حسن التى تعبر عن الواقع
    avatar
    طارق عبد العزيز
    عضو نشيط
    عضو نشيط

    عدد المساهمات : 34

    رد: اروع اشعار اسماعيل حسن (اسمعين ود حد الزين )

    مُساهمة  طارق عبد العزيز في الجمعة يوليو 16, 2010 2:09 am

    لو بهمسه

    لو بهمسه... لو ببسمه قول أحبك
    لو بنظره ...نظره حتى لو عابره قول أحبك
    لو بتحلم فى منامك قول أحبك
    لو ترسل لى سلامك قول احبك
    ***
    كل كلمه من شفايفك أحلى غنوه
    كل نظره من عيونك فيها سلوى
    كل نسمه من ديارك فيها نجوى
    كل همسه يا حبيبى عندى حلوه
    ***
    يا حبيبى عمرى كلو ..كلو أهديتو لحبك
    يا حبيبى انت عارف والغرام يشهدبو ربك
    يابدورى فى الظلام والظلام يحجب لى ربك
    نارى بعدك والحنان والجنه قربك
    انت عارف أنا يا روحى بحبك
    ***
    خوفى منك.. خوفى تنسانى وتنساها الليالى
    يا حبيبى أنا خايف ياما بعدك أنسى حالى
    أبقى تايه والغرام يصبح حكايه
    والأمانى الحلوه دى كانت بدايه
    تبقى أشواك فى طريقى فى النهايه
    avatar
    طارق عبد العزيز
    عضو نشيط
    عضو نشيط

    عدد المساهمات : 34

    رد: اروع اشعار اسماعيل حسن (اسمعين ود حد الزين )

    مُساهمة  طارق عبد العزيز في الجمعة يوليو 16, 2010 2:10 am

    بينى وبينك والأيام


    بينى وبينك والايام قصة حب طويله
    شيدتاها بالامال والعشره النبيله
    ***
    ديمه الناس تفرق تجمعنا التلاقى
    جمر البين يحرق ويزيد فى اشتياقى
    يامسافر مشرق وين.أيامكم حليله
    ***
    كانت فى خيالى ألحان فى شعورى
    أسرار المحنه بتعذب ضميرى
    حلفتك بربك لو فى الطيف تزور
    ***
    ان طالت ليالى وان جارت علينا
    برضنا نحن احنا روح واحده بقينا
    ومن قول العوازل سيبك ما علينا
    avatar
    طارق عبد العزيز
    عضو نشيط
    عضو نشيط

    عدد المساهمات : 34

    رد: اروع اشعار اسماعيل حسن (اسمعين ود حد الزين )

    مُساهمة  طارق عبد العزيز في الجمعة يوليو 16, 2010 2:11 am

    ما بنساك

    لو بالصد أبيتنى أو بالنار صليتنى أنا لا ما بنساك
    ***
    مهما جرت صديتنى دون أسباب بكيتنى
    على درب الهوى والشوق براى ياناسى خليتنى
    نعود من تانى نتلاقى واه لومره صافيتنى
    ***
    لو تعرفنى انى أمين أنا ريدك براعيهو
    قلبى الراجى ليك سنين ما ممكن تجازيهو
    كان راجيك وبتالم كيفين كنت ناسيهو
    ***
    لو حاولت تهجرنى أو تنسانى من تانى
    ترجع يوم تجد حبك بدد شكى أحزانى
    وبدل همى فى الدنيا عاد بالفرحه ألحانى



    avatar
    طارق عبد العزيز
    عضو نشيط
    عضو نشيط

    عدد المساهمات : 34

    رد: اروع اشعار اسماعيل حسن (اسمعين ود حد الزين )

    مُساهمة  طارق عبد العزيز في الجمعة يوليو 16, 2010 2:14 am

    شكرا نور الدين ..
    لك التحايا بقدر روعتك
    رقم هناك ..
    طبعا سجلت هنا برقم
    بس شايف الادارة اصرت ع الاسم الحقيقي
    لك الود ثانية ودم رائعا
    avatar
    طارق عبد العزيز
    عضو نشيط
    عضو نشيط

    عدد المساهمات : 34

    رد: اروع اشعار اسماعيل حسن (اسمعين ود حد الزين )

    مُساهمة  طارق عبد العزيز في الجمعة يوليو 16, 2010 2:16 am

    بلادي انا


    بلادي أنا بلاد ناسا مواريثم
    في أول شي .. كتاب الله
    وخيل مسروج، وسيف مسنون حداه درع
    كتاتيبم تسرج الليل مع الحيران
    وشيخا في الخلاوي ورع
    وكم نخلات تهبهب فوق جروف الساب
    وبقرة حلوبة تتضرّع وليها ضرع
    بلادي أنا
    تشيل الناس ، كل الناس وساع بلحيل وليلا يسع
    وتتدفق مياه النيل على الوديان
    بياض الفضة في وهج الهجير بيشع
    بلادي سهول ، بلادي حقول بلادي الجنة للشافوها
    او لي البرّة بيها سمع
    بلادي بلاد وناسا كرام تكرم الضيف
    وحتى الطير يجيها جعان ومن أطراف تقيها شبع
    بلادي انا بلاد الصفقة والطنبور وداراتن تشق الليل
    وبنوتن تحاكي الخيل
    يشابن زي جدي الريل
    بلادي أمان ، بلادي حنان وناسا حُنان
    يكفكفوا دمعة المفجوع
    يبدّوا الغير على زاتم
    يقسموا اللقمة بيناتم
    ويدّوا الزاد حتن كان مصيرم جوع
    يحبّوا الجار
    يموتوا عشان حقوق الجار
    يضوقوا النار عشان فد دمعة
    وكيف الحال لو شافوها سايلة دموع ..؟!
    ديل أهلي .. وديل أهلي

    البقيف في الدارة واتنبر
    وأقول لي الدنيا. كل الدنيا ديل أهلي
    عرب ممزوجة بي دم الزنوج الحارّة
    ديل أهلي .. ديل قبيلتي لمّن أدور أفصل للبدور فصلي
    ديل فصلي ..
    أقول بعضي ..
    ألاقيهم تسرّبوا في مسارب الروح
    بقوا كلي ..
    أسياد روحي والإحساس
    وسافر في بحار شوقهم زمــــان عقلي
    محل قبّلت ألقاهم معاي ، معاي زي ضليّ
    أنا لو ما جيت من زي ديل كان آسافاي ، وآمأساتي وآزّلي
    تصوّر كيف يكون الحال لو ما كنت سوداني...
    وأهل الحارّة ما أهلي
    تصوّر ..!!!

      الوقت/التاريخ الآن هو الإثنين نوفمبر 20, 2017 7:37 pm