نفاج

نفاج

مساحة للوصل ونفاج نفتحه..بيننا جميعا وعبره..نحكي.. نتواصل..نتعارف..نتآلف..لنكون معا..نهر الحياة الخالد

دخول

لقد نسيت كلمة السر

مواضيع مماثلة

المواضيع الأخيرة

» بستـــأذنك...
الجمعة يوليو 04, 2014 4:08 am من طرف الشاعر السماني حسن

» عاش من شافك
الثلاثاء يونيو 17, 2014 11:16 pm من طرف hamadvip

» ابدأ دخولك بالصلاة علي النبي (صلي الله عليه وسلم)
الثلاثاء يونيو 17, 2014 11:11 pm من طرف hamadvip

»  كيف يفكر الرجل ؟؟ وكيف تفكر المرأه ؟؟
الإثنين يونيو 16, 2014 9:00 pm من طرف hamadvip

» قصيدة جديدة ........ دنيا
الإثنين يونيو 16, 2014 8:53 pm من طرف hamadvip

» طيارة جات بي فوق .......... قصيدة جديده لهاشم صديق .. حفظه الله
الإثنين يونيو 16, 2014 8:49 pm من طرف hamadvip

» عشة أم حجل - هاشم صديق
الإثنين يونيو 16, 2014 8:47 pm من طرف hamadvip

» هاشم صديق - ما جاب المطر بنزين
الثلاثاء يونيو 10, 2014 1:41 pm من طرف عثمان تباكي

» دوبيت مسدار البنات
الإثنين ديسمبر 23, 2013 11:30 am من طرف الشاعر السماني حسن

    قصائد للشاعر حاتم حسن الدابى

    شاطر

    نورالدين
    مشرف
    مشرف

    عدد المساهمات: 261
    العمر: 41
    الموقع: مروى

    قصائد للشاعر حاتم حسن الدابى

    مُساهمة  نورالدين في السبت أغسطس 07, 2010 5:10 am


    مــرام
    حاتم حسن الدابي

    ::::::::::::::::::::::
    مرام مرقت على الجيران
    ومرن ديل كم ساعات
    غابت نجمة الضيفان
    واكتست الارض ظلمات
    مرام ما جات…!!
    حكاية كان وياما كان
    حكاية تشيب الولدان
    حيرت الانس والجان
    وبرهنت انو ما في امان
    رجع وأد الطفولة زمان
    زمن عبدة(هبل)و (اللات)
    بعد لبست جديد في جديد
    ******
    مرام مرقت تبارك العيد
    وقفت سمعتنا نشيد
    حلاوة موبايلا الفي الايد
    مع التسريحة والباندات
    اتاريهو الغدر منصوب
    مسطر ومافي منو هروب
    برغم رضانا بالمكتوب
    ده غدر ما وراهو سكات
    بدون إنزار..بدون اسباب
    مرام غدروها جمب الباب
    مرام هجمت عليها ذئاب
    طباعم من شريعة الغاب
    ملاكاً حولوهو رفات
    قلوب لا رحمة لاإحسان
    مدبجة بي صفات شيطان
    وظهرت قدرة الرحمن
    محل اسنانها هو الاثبات
    دريبها على الارض منقوش
    سريرها من العصر مفروش
    معالمو باقية وسط الحوش
    ملابس الروضة واللبسات
    بعد شمس العصاري تغيب
    مرام كانت تودي تجيب
    عندها بسكويت وحليب
    في تلاجتن راقدات
    وحيدة اخوانا والوالدين
    عليها يخافو متمنين
    تتعلم تتم الدين
    وليها يوزعوا الشربات
    *******
    يا صاحباتها وينها مرام
    سماح يادوبو فرهد قام
    عمير ما تم خمسة اعوام
    ملازماها البراءة سمات
    عيال الروضة ياسمحين
    لمن جيتو متماسكين
    ما شفتوها راحت وين
    مرام سرقت منام العين
    مرام حرقت حشا الامات
    وليه بتقول مرام ما جات
    *******
    مرام كلما وجيها يلوح
    تبق جوانا احساسات
    مرام بقت القلب والروح
    سحابة تخدر البلدات
    مرام غصة حلق مجروح
    تقوقيها القميريات
    مرام صفحة كتاب مفتوح
    يقروه الطلبة والطالبات
    مرام عصفور يئن مجروح
    ما شفعها الدمعات
    مرام جزء من (محمد) و(نوح)
    و(تبارك) و(عم) و(النازعات)
    مرام شربت محاية ولوح
    وفي ساعة المغيب بخرات
    مرام دعاء للجميع مسموح
    بعد ما تكمل الصلوات
    مرام حاتظل سؤال مطروح
    جوه بيوتنا والطرقات
    مرام حاتظل سؤال مطروح
    وسط اولادنا في الجامعات
    مرام حاتظل سؤال مطروح
    موجه للشباب بالذات
    وليه بدت السماحة تروح
    إرث اجدادنا والعادات
    *******
    اخيرا داير اجيز القول
    منو المسؤول..؟؟!!
    تقول دي ثقافة البتر
    ولا سيف العولمة المجهول
    الدجتل مع المحمول
    افلام فاضحة والمسكول
    عموماً…….
    بيوتنا في فك غول
    مخيف اسموا الفضائيات
    ومرام ما جات..!!

    نورالدين
    مشرف
    مشرف

    عدد المساهمات: 261
    العمر: 41
    الموقع: مروى

    رد: قصائد للشاعر حاتم حسن الدابى

    مُساهمة  نورالدين في السبت أغسطس 07, 2010 5:12 am


    معذرة.. لو معاك منى الكلام حـــــره .. معليش الخطاب كاتباهــــــو مضطرة
    حـــــــــــرام والله مننـــا إنت تتبرا .. خمسة سنين تفوت تجى فيها فد مرة
    وراك أنا كم شقيت وعشت فى مرة .. وتعبـــت مع البطان الهم للعيون غرة
    بيخاف الغرق الغاص ورا درة .. قالو أدب الصغار والعقــــدة من خدرة
    حليلى أنا الزمن ضى فاطرى ما انفر .. وخمسة سنين غياب مابتحملن حرة
    أنا الحاضنة العذاب وآمالى محتضرة.. وإنت الفى النعيم ما خات حساب بكرة
    مسكينة التقول فى الإغتراب سترة .. وتتناسى القروش فى يوم تكون ضرة
    حليل زمنك وكت عايشنا بالأُجــرة .. يا ريــــت لا عرفـــــــت ولا مرق برة
    **********

    الكاتما فى جواى كتير متملك الجوف والعصـب.... وما كت دايرة أقولو ليـك لكن لسان الحال غلـب

    ما بنسى يـوم ودعتـنا وسافـرت فى غـرة رجـب. ...خلـيت وراك الـدار حـزين يتباكـا والدمع انسكـب

    أعذرنى والله العظيـم لو ما الضـرورة أنا ما كـتب.... وأنا خايفـة فى بعـدك يكون الضاع هو ضعف المكتسـب

    اليومـة داك ناس البلـــد هنونى شايقيــــــى وعرب.... قالو لى مبروك خير وجاك يكتب سلامــــتو الإغــترب

    قالو لى دوب نجم السعد طلاكى من بعـــــد إحتجــب.... يا دوبا بالك يستريح وتنسى العـــــــذابات والتعــــب

    فضّلت أحسب فى الشهور قاعدالى فوق نيران لهــب.... صابرة وحريصة على العيال لا بيقو للريح فى المهـب

    سديت خانتك مــن مشيت قايمـابو واجبــــى كأم وأب....والأســــرة يضنيها المسير .. وتتهاوى لو ما فيها رب

    والله ما بنــــكر جميلك برضـــــــــو لينا ثناك وجب.... موكب هداياك ما انقطع .. كان سترة فى الزمـن الصعب

    لابسين وماكلين والنعيم كايلنا فى يوم ما نضب .....وعايشين معيشــــــــــــة المترفين .. طولنا والطبع إتخرب

    البيت مفرش بالحرير ومليانة إيدى بالدهب.... لكن خسارة على محل .. عاش سيدو خمســــــــــة سنين عزب

    الشى المهم ما قلتو ليك وليهو إنت ما ظنيت حسب.... كبرو الصغيرونين خلاص .. خايفالم الطبــــــــــع الكعب

    وصولوها مرحلة الخطر .. والأمن ما زال مستتب.... وانا كتّ قادراهم زمان لكـــــــــــــن بعد كبــــــرو اتغلب

    حصلنى قبل الجد يفوت .. دوبنهم فوق العتب.... قبال نحصـــــــــــــــد الخير ندم .. ومابيجدى كان لمت وعتب

    خايفالم الطيش فى الدروس .. ومابرضى لو واحد رسب.... خوفنى المتعبنى الكبيـــــــــر بعدين يمرقو بلا أدب

    وريتك الحاصل على لا فيهو ثورة ولا غضب ....شان الحديث مايبقى نى .. والواحــــــــــــــــــة يكتنفا الجدب

    أنا قلبى مازال لسة حى .. ونجمو الملاهج ماغرب..... وآخر كلامى ترد على .. لا أبقة بكـــــــــــــرة أنا السبب


    ما كنت دايــــرة اقولو ليك .. لكن لسان الحال غلب ..

    نورالدين
    مشرف
    مشرف

    عدد المساهمات: 261
    العمر: 41
    الموقع: مروى

    رد: قصائد للشاعر حاتم حسن الدابى

    مُساهمة  نورالدين في السبت أغسطس 07, 2010 5:18 am

    الرواسي
    شعر: حاتم حسن الدابي
    بدر مدر يا رواسي نحن بعاد لحقنا القيفة
    انت مدبج ونحن نقاسى فى برد امشير والموج والزيفة
    مركبك الماليها مطارق تمشي تقيف تسرح بى كيفه
    مرة مغارب ومرة مشارق وانت تخاف الريح وحفيفه
    ساوها زينة وفوقها بيارق وانت مدبج توب وقطيفة
    فيها المات والضاربه الفالق والسلمين فى حالة مخيفة
    كل الناس ترزح في كفة وانت وناسك فوق الدفة
    الدايشين والراسهم لفة والشاخصين فى المدى للضفة
    صوف افضالك فوقهم جوة فوق الموية وريقهم جفة
    من العطش النص اتوفى وباقى النص الفضل جيفة
    ....
    ضاقوا المر والحال استعصى الشغال واللاحق الحصة
    الواصال للرحم اتقصة والهداي مو لاقى الفرصة
    الرساي سافر ما وصى خلى محمد واحمد وحفصة
    الاطفال العرفو القصة سدت جوة حلوقهم غصة
    من الجوع الدم اتمصة واصبح كل الحلم رغيفة
    .....
    كل الراكب شاف احلامه دون احساس ماتت قدامه
    فنُ كتابه وكسر اقلامه لا الوالدين لا جار ما لامه
    ناس الحلة القعدوا وقاموا اصر والح يمشى كلامه
    هزموهو اخوانه البى الجوع نامو وكم خريج ما لاقى وظيفة
    .......
    يا الفكيتها وقلت لها سيرى وعارف انه الدنيا دميرى
    لا فى ضفاف لا شفنا جزيرى لا فى الحيرى ولا في الطيرى
    كسرت جناحها وقلت لها طيرى اتملكت الكانت ميرى
    يا السودت الناصع وجيرى ايد الحق صابونى وليفة
    ......
    قبلك كم متعلم وقاري عكس الريح فكولو الصارى
    مشدوهين متعشى وحارى ريسها شلته والبحارى
    كم سنوات علام البارى واقفى وهم شايفنها جارى
    بقينا هلاك والقيف متضارى لا حجار لا دوحة وريفة
    .....
    حسك عينك ما تتمادى وتنسى الراكب عنده ارادة
    الاهوال الشافها وخاضها كان فى مدرسة والا عيادة
    شفنا الايد الكان اجوادة يا مبتورة يا شحادة
    وياما رقاب كانت سدادة علمت الله من التعريفة
    ......
    يا ريسنا قدر مديرك فك الدفة وادها غيرك
    احفظ نفسك ترضى ضميرك وقف اوع تواصل سيرك
    كان طاوعتنى شن بيضيرك عرض اكتافك وفك البيرك
    لا هنى شكرا وكتر خيرك وكل انسان في الارض خليفة

    نورالدين
    مشرف
    مشرف

    عدد المساهمات: 261
    العمر: 41
    الموقع: مروى

    رد: قصائد للشاعر حاتم حسن الدابى

    مُساهمة  نورالدين في السبت أغسطس 07, 2010 5:23 am

    السودان مشاكلو اتحلت..................................
    وفكوا للقيد الفوقو متلت.................................
    وقلنا للجميع والداير اتفلت...............................
    معليش ياخي رصاصتك جلت..............................
    راجع نفسك اقسم واضرب وتعال المركب...................
    والداير اركب ياهو دا السودان بطولو وعرضو.............
    سياستو زمان بيها الناس مرضو..........................
    زي الحوت ياكل في بعضو................................
    احنسو ديلا وديل ما يرضو................................
    اوفقو ديلا وديل اعترضو..................................
    يقعدوديلا وديل انتفضو....................................
    وسايدة سياسة الديك والثعلب...............................
    وجات المركب الداير اركب مليون مرحب.....................
    والما داير يركب شرب المقلب...............................
    نحنا الآن داخلين في فترة..................................
    بعيد عن قيصر وايوان كسرى..............................
    مع التوحيد والنهضة البكرة................................
    نحتاج صدق وامانة وخبرة.................................
    قبل اللون والجاه والمنصب.................................
    وتمشي المركب............................................
    الداير يركب مرحب مرحب..................................
    والما داير اركب شرب المقلب...............................
    الساحات اصلاً ما بتفضى...................................
    من الشايت بره العارضة....................................
    ومن العندو معاكسة مرضة.................................
    قسماً عظماً قط لن نرضى..................................
    اباحة الفتنة ونبش الفوضى................................
    حجر السور جربتو الارضة ..غلبت!!.......................
    هل بتقدو العقرب؟!! يصعب................................
    راي الكل في الشجرة اتلما.................................
    كانت شورى وراي انتما...................................
    عشان نرتاح وعشان ننجما.................................
    يا حاكمين في رقابكم ذمة..................................
    صحة وتعليم ومأكل ومشرب...............................
    وسوقو المركب...........................................
    الداير اركب مرحب مرحب.................................
    والما بيركب ابقى اتمقلب..................................
    السودان في اعناقكم امانة.................................
    اتوحدنا والله معانا........................................
    لو الناس بتحب سودانا...................................
    النيران نخمد دخانا.......................................
    لا في قنابل لا جبخانة....................................
    شمال وجنوب متماسكين سوا.............................
    شروق وغروب بتمثل قوة................................
    التوحيد عنوان للخوة.....................................
    يقوي صفوفنا ازيدنا مروة................................
    يا أولاد آدم وبنوت حوا..................................
    سو السودان خامس مذهب................................
    وقودوا المركب الداير اركب مليون مرحب..................
    المؤتمر الوطني يمين ماقصر..............................
    المؤتمر الوطني يمين ما قصر.............................
    والسواهو من البال اكبر..................................
    لا بتوصف ولا بتفسر.....................................
    ولو لفضلو الجاحد انكر...................................
    شمس العزة محال ما بتتحجب.............................
    وتمشي المركب الداير يركب مليون مرحب..................
    ليه الناس اخوان اتقسمو..................................
    ومتناحرين يوم ما ابتسمو.................................
    السودان بمساحتو واسمو..................................
    لازم اكبر ولازم يسمو......................................
    وربنا قال بحبلو اعتصمو..................................
    والمعصوم بالله بيكسب.....................................
    وتمشي المركب...........................................
    نحنا شعوب طيبة وبتسامح................................
    ونية اليوم بتزيل البارح...................................
    باب العودة الطول فاتح....................................
    للبكافح وللبصافح.........................................
    هذا الشعب الصابر وكادح..................................
    اخلقو منو مواطن صالح...................................
    ونحنا بنكتب للبستوعب....................................
    وسقنا المركب.............................................
    الداير يركب مليون مرحب..................................
    والما بيركب ابفى اتمقلب...................................
    ياما بكينا علي ماضينا......................................
    زمناً كنت منكس رأسك......................................
    ومادي ايديك...............................................
    داك يطردك وداك اديك......................................
    يوم بريطانيا ويوم امريكا...................................
    ما دام الله رفع لوشيكا......................................
    تاني قسم ما نفرط فيك.....................................
    وحا تظل راقي وجميل وهذب...............................
    وحا تظل راقي وجميل ومهذب..............................
    ياها دي المركب الداير يركب اركب..........................
    والما داير اركب...........................................
    ان شاء الله ما اركب..ان شاء الله ما اركب

    نورالدين
    مشرف
    مشرف

    عدد المساهمات: 261
    العمر: 41
    الموقع: مروى

    رد: قصائد للشاعر حاتم حسن الدابى

    مُساهمة  نورالدين في السبت أغسطس 07, 2010 5:43 am

    الزواج العرفي

    الشاعر حاتم حسن الدابي

    :::::::::::::::::

    انا الغلطان وكت غشيم وعدتك والوعد بوفى
    بانك تكملى التعليم حلفت وداير ابر حلفى
    درجتك بعقل سليم وامك واقفى فى صفى
    دريج الرياح للغيم يبل عطش الارض يشفى

    هندمتك حنان هنديم وغتنك تياب عطفى
    وسولبت الكسانى قديم غضبى وثورتى وعنفى
    قلبك كان سديد وصميم ومن الموبقات معفى
    ترباة ريفنا احلى اديم ورزقا من حلال كفى

    دخلتى الجامعة والله عليم بالفرح الغلبنى اخفى
    كأنو مذاقو من تسنيم وقلت خلاص غمد طرفى
    امك ليله كلو تقيم تشيل حر النهار تشفى
    فراقك علما التنجيم وقليبه براكى بتعرفى

    بتسأل الله والله كريم يعينك والمراد تلفى
    يكسيك ثوب عفاف يا ريم وبى توب عافى تتلفى
    كل الناس زمان سين جيم يخافو عليك زى خوفى
    خلوهو السؤال فى الليم ومننا قطعو العرفى

    عرفو بناى بدا الهديم ولا سريقه وما واقفى
    واتاريك اتخذتى نديم واخرته كان زواج عرفى
    لانك عمتى فى تيار معاهو بقيتى تنجرفى
    بهرنك مدن وانوار وفيها سرحتى وا اسفى

    وانا الناسى الزمن غدار ومانى قايلك بتنحرفى
    اتاريك ضل ضحى وديار تركنى انا فى الهجير مكفى
    نظرات البعيد والجار يوسوسو بى كلام مخفى
    يوقد فى قليبى النار حى لكنى متوفى

    كلام فى غيبتى ما هو اسرار يولع فى البلد ويطفى
    واتسرب وصل للدار لا صدقتو لا بنفى
    عمت فى البلد اخبار بقت جهرا قبيل خلفى
    بقت نمه وبقت مسدار على وتر العصب عازفى

    نسيت انا فى النهار الحار اكابد لى نجاح جرفى
    اطارد فى الجراد والفار وانضف منو فى الطرفى
    بعد خدر ملا النوار كساهو سماح يفوق وصفى
    اتاريهو المتيربو عدار والسلكتو قام حلفى

    انا الودرته عمرى ودار ومنك ما وقف صرفى
    ليكى غزلت عرقى ازار وفى الشتاء بيه تندفى
    مصاريفك على كتار وانتى تقولى ما بتكفى
    واخافلك تقطعى المشوار أقولك اصبرى حقك فى

    لاخليتى حق إيجار وحق المعهد الصيفى
    تصرى تقولي جانى انذار وحقك تاخدى متكفى
    تشيلني حرارة الإصرار وأعكر دمى شان تصفى
    واصغر نفسى للتجار ديونا راقدى فوق كتفى

    حليل زمن العلم أنوار موقدى نارو ما بتطفى
    وحليل زمن القلم مزمار حلات نغماتو متوالفى
    حليل امك وقليبه الطار رقدت بى شلل نصفى
    ورغم انى اكتسيت بالعار ابوكى أنا رغم عن انفي

    نورالدين
    مشرف
    مشرف

    عدد المساهمات: 261
    العمر: 41
    الموقع: مروى

    رد: قصائد للشاعر حاتم حسن الدابى

    مُساهمة  نورالدين في السبت أغسطس 07, 2010 5:47 am


    ما راعت شعورك
    حاتم حسن الدابي

    *************
    مادام هي لا راعت شعورك ولا ضميرة هي استحه
    انساها والبكا مابيفيد قشقش دموعك وامسحه
    *****
    كلمني شن وداك قبيل تفرد مشاعرك تفضحة
    خليتا حي السوق رياض يانعة وزهورة مفتحة
    طولت ايدك لي قطوف زهرة وغميصة مسارحة
    زي ماهي عاشقي الاغتراب برضو انت عاشق ملمحة
    *****
    صح كت يامسكين زمان دايما تشكرة تمدحة
    مابترضى لو كان بالغلط بي كلمة انسان يجرحة
    ما قتا فوق كل البنات تسرق محاسنة تشرحة
    كانت عواطف انسان ضعيف ساكت جناحي مجنحة
    *****
    انشاء الله منها تتعظ وتكون خطاك تتوشحة
    كانت حساباتك غلط في القسمة والضرب اتمحة
    اتأنى في جبر الكسور براحة اجمعة واطرحة
    واخر شي كان تعرف براك حتى الغرام بقا مصلحة
    *****
    بت حوة يا مظلوم بقت للمال عقولة ملقحة
    يا ريت عقول الناس بعد ما تحب تخش المشرحة
    يقروا اللي كان مافي القلوب كيف الشرايين تنضحة
    ويتراجع النطقو اللسان صح ولا زي ضل الضحة
    *****
    مغرورة ما دارت سكون بلدا شقاوة ودردحة
    لا تمشي تنزل بي تحت لا حتا ارضك تنقحة
    لابوقة لا موية شراب لا واطة ماها مصلحة
    لا شلت للمحرات سطور لا شتلة ماها مصفحة
    *****
    كانت قبيل طمعاني فيك فارس جيوبو متمسحة
    دايراك يوم جيت للعرس نار الله في الناس تقدحة
    الشيلة بالشنط الكبار مبطوحة راقدي مبطحة
    دي الحلي والناس جات تشوف راجين متين تجي تفتحة
    كان بالة في شهر العسل طول الزمن ما يبرحة
    تسكن معاك في بيت كبير موكيت وحيطو مسلحة
    عربيتك الملك الحلال جلد النمر والملفحة
    بوتوجاز مولع وديب فريزر واب ريموت والمروحة
    *****
    تسرق مناها قبل يتم كل المشاعر تجرحة
    يا جعفر الحياة مدرسة دايما مقررة في الصحة
    ممكن نعينك في الدروس لو انت غلبك تشرحة
    واعرف بانو اول درس الزول بياكل المملحة


    نورالدين
    مشرف
    مشرف

    عدد المساهمات: 261
    العمر: 41
    الموقع: مروى

    رد: قصائد للشاعر حاتم حسن الدابى

    مُساهمة  نورالدين في السبت أغسطس 07, 2010 5:48 am

    مراكب الريد

    يا الراحلة مني بلا وداع ما تقولي لي متأسفة
    يا حوا أدمنتي الخداع يكفيني تجربــتي وكـفـى
    أنا في رجاكي زمن طويل نشف سنين عمري الجفــا
    وارتج في جوفي القصيد والــكلمة هربت أحـــرفــــه
    سبتيني وحدي في هجير بعد الـــظلال الـــوارفـــــــه
    وماتت أغاني الريد خلاص يوم فتي من شاطي الوفا
    طلوحتي في الموج والرياح ودي الليك كت أنا خايفه
    ضربت مراكبك فــي عبــاب ما كنــا بدري بنــعرفــــه
    ســبـتـيـنـي لـلـبـرد الـشـديد كانت مضاجعي الأرصفة
    متقتي بــي كـــذب الــوعود وفـــارش الأماني الزائفة
    ابحرت في نهــر الــخــداع بـعـدت مراكــب شــايــفــه
    طلوحتي وإتعدم الشراع وهبت عليكــي الــعــاصـــفــة
    بعتيني بي أرخص تمــن بــعــد إنــعــدام الـعــاصفــــة
    وشفتي الدنانير ليها ناس لو هي الدنـانـيـر منــصفــة
    شركتي للسبعة الكرام فـاكـره الـمـشــاعــر نــاشــفــة
    يا سلعه ما بين التجار في سوق تـجـارتــه مـكـاشـفـه

    نورالدين
    مشرف
    مشرف

    عدد المساهمات: 261
    العمر: 41
    الموقع: مروى

    رد: قصائد للشاعر حاتم حسن الدابى

    مُساهمة  نورالدين في السبت أغسطس 07, 2010 5:50 am

    كلمات للحبيب
    كلمات: حاتم حسن الدابي

    لاكنين فى العرف تنفع ولا الدموع فيها استفاده
    ياحبيب كل شى قسمه واراده
    فى الحروف يادمعه شفتك تعشق الداكن سوادا
    وفى دروب عابره وكنين وجارى حفيان فوق وهادا
    عامل الاحزان مطيتك شادو سرجك فوق جيادا
    ده المخلى العيشه عندك صوره من عام الرماده
    صح مبادى الريده عندك فى الصغر قويت عمادا
    شلت نغمات قيس وعنتر فى كنينه الماضى عادا
    كم سنين بى فوقنا فاتت وحتى ماعارفين عدادا
    لى كنين فى الكير تفتش وانت فتها فى المخاده
    لوصحيح كانت تبادلك ريدك الصار ليك عباده
    رغم انها سامعه صرخات صوتك الفى جوفا نادا
    ياكنين ريدك هلكنى واورث العين سهادا
    على الاقل كانت تقولك ريدى بالاكتر زياده
    سامعه كل القلتو فيها هاديه بعد انتم مرادا
    عايشه فى خيره ونعيما وزاهيه فى حلل السعاده
    وراهنه تنعم بى دلالا وبى رفيق دربا وبلادا
    حليل خيوط احساسا بيك وين كتاياتا وودادا
    كل ماجيت فوق ديارا نوخت ابلك قصادا
    تبكى اطلال سيدا سافر بالسنين ماطال بعادا
    لالقيت الغايبه منك لاالسنين لميت حصادا
    ناسى والايام بتاكل فى عمرنا خيوت نجادا
    يارفيق الدرب ارجع وخلص الروح من عنادا
    ماتلين تكسر جموحك وشدو حيلك فى جهادا
    زيدا من جرعات صمودك واليقين اليبقى ذادا
    وحزر المثل البقولك موت عشان الحب زيادا
    ابدا قبل العمر يكمل حصل انحل والندادا
    ابتسم تبسم ورودك وافرش الافراح وسادا
    صيده كان اصطادا غيرك مابيحللك اصطيادا
    حكمه لو كان الف طائر منو اخير فىالكف جرادا

    نورالدين
    مشرف
    مشرف

    عدد المساهمات: 261
    العمر: 41
    الموقع: مروى

    رد: قصائد للشاعر حاتم حسن الدابى

    مُساهمة  نورالدين في السبت أغسطس 07, 2010 5:52 am

    حبل الوصال
    كلمات: حاتم حسن الدابي

    تاريـهـو ريــدك كــان كـلـو جــور ونـفـاق
    كذابـه ضاحـكـه عـلـى يــا نـاكـره للميـثـاق
    ويـــن جـــدول التـحـنـان الـكــان بيـرويـنـا
    الضحكـة ليـك عـنـوان يــا حلـيـل عناويـنـا
    بـدلـتــى كــــل الــكــان مــاتــت أمـانـيـنــا
    كانت هى فى الأحضان اليوم على الأعناق

    ضاعـت عهـود الـريـده لـيـه تبـقـى كـذابـه
    حلـم العديـل والـزيـن اصـبـح حـكـم غـابـة
    يــا زهــرة الياسمـيـن مــا عـدتـى خـلابــه
    دهبـن لقيتـو لجـيـن الـحـق عـلـى الصـيـاغ

    كان الضمير مرتاح من جـور بنـات حـواء
    قـلـب الـهــوى الـنـبـاح لا حـــول لا قـــوة
    سمكـرتـو و المفـتـاح ضيعـتـو فــى هـــوة
    لا قلتـا لـزول ضـاع لا يــوم فتحـتـا بــلاغ

    تـاريـهـو جـــرح مابـيـبـرى بـــى دكـتــور
    كــل التـسـوى الـلـيـد يتحـمـلـوا المـجـبـور
    جرحـاً صبـح تأبيـد جـوه القلـيـب مهـجـور
    تلـت علـي القيـد زعزعنـى فــى الأعـمـاق

    التوبه يـا قاسيـن لـى تانـي مـا فـى رجـوع
    واشكى العلى لى مين والبوح حرام ممنوع
    اخفيهو تانـى يبيـن عبـرة وسـروح ودمـوع
    قالـوا القلـب والعيـن بحـر الـهـوي الـلـداغ

    اسف زمانى الضاع درب الرجـوع قاسـى
    وانا تانـى مـا بنصـاع لـى لوعـة احساسـى
    سـر الدواخـل زاع وانـا زولـى لـى ناسـى
    قلـب المحـنـة خــداع إنـشـره فــى الآفــاق

    نورالدين
    مشرف
    مشرف

    عدد المساهمات: 261
    العمر: 41
    الموقع: مروى

    رد: قصائد للشاعر حاتم حسن الدابى

    مُساهمة  نورالدين في السبت أغسطس 07, 2010 5:55 am

    --------------------------------------------------------------------------------

    الواقع المرير
    كلمات: حاتم حسن الدابي

    تاني ما بندسه الخبر نحن قدام واقع مرير
    فى البنات زي السوس نقر يا خى دنيا اخر زمن
    عوانس فى المجتمع ديل بقن للبنوت عبر
    قبلهن كم الات سماح ضاعن واخير ياخدن الحذر
    الزواج صح قسمه ونصيب حكمة مما خلقوا البشر
    بيهو كم عاشقين ضاقوا مر مؤمنين بيهو قضاء وقدر
    اوعه ما تخدعك الوجوه المندية متل الزهر
    تبدو مبتسمه فى الصباح وفى الدواخل عدوان وشر
    السماح ماهو سماح عيون واقعه متمتعه بالحور
    ماهو عود نادى ومستقيم نامي فوق عز وفوق بطر
    ما تقول سمحات الشفاه المنديه زى الزهر
    ما بتأكدوا ليك الكتوف المردم فوق الشعر
    ما تقول سمحات الشفاه الكلامن يهز الوتر
    ما بتأكدوا ليك الكتوف المردم فوق الشعر
    السماح فى العفة والدين القناعه وغض البصر
    دي القناعه وكنز الزمان واحتمال نكبات الدهر
    البنات تابعات الهوي مغرمات بالليل والسهر
    الغرام بقى بس بي الجيوب والبيوت والطين والمتر
    الواحدة تتعلق بالدروس والمراوغة منذ الصغر
    تنتظر لن تقضي الدروس وتسهى لمن يفوتها القطر
    حتي كان قلتا الامهات العرس سونو متجر
    اصبحن للدنيا العبوس وللقروش سعرانات سعر
    يا حليل زمن الابهات كانوا غسالين للصقر
    الزمام صار عند الحريم صار عديل البيع فى المهر
    فات زمان الحن والحنين الفضيلة وعاها اندثر
    لا تهم يا اخوي إن سمع قالوا قام شوك للعشر .

    نورالدين
    مشرف
    مشرف

    عدد المساهمات: 261
    العمر: 41
    الموقع: مروى

    رد: قصائد للشاعر حاتم حسن الدابى

    مُساهمة  نورالدين في السبت أغسطس 07, 2010 5:57 am

    مشورة
    كلمات: حاتم حسن الدابي

    يا خلا دلوني الطريق قايدني بيكم مشورة
    عاشق يهد ليل فوق نهار أسعد عيون أسهرة
    ***
    زولاً متيم من زمان كم شاب طالب المشترى
    لكنو ماعرف الوصول واقدامة ثابتات في الترى
    تابع دريب زولا حنين في دربو كم ساسك جرى
    وغلبو اصطياد قمريتو حد مادودرى
    ***
    الله على زولاً هلك في عتبة قدامو ووراه
    يتباكو كل ماذكروا مدرسة ولا قالو مذاكرة
    انت الأماني الفي القليب آمنا بيك يا جوهرة
    لمتين رجوعك للقرير صبحت بلاك مكدرة
    ***
    انا زولي ضاوي وجيهو زي القمرة نايري مدورة
    والعود نداوتو الخيدران والقامة زي المسطرة
    خلقي وعيونو مكحلات يوم بي كحل ماجرجرة
    مافيش شبيهو بلا المحيط في كل مداها ومحورة
    ***
    حزمة سبيب للعاشقين مردوم مدفق بي ورة
    أما الشفاه لهجن عسل كلمات يقطر سكرة
    أما القوام قايم يداب موجو زي نهر أدبرة
    بشتني خلى الناس تقول مجنون دا قبالو وبرة

    روان
    عضو مشارك
    عضو مشارك

    عدد المساهمات: 115

    رد: قصائد للشاعر حاتم حسن الدابى

    مُساهمة  روان في الأحد أغسطس 08, 2010 6:47 am

    نور الدين سلامات

    مع احترامي الشديد للمجهود الذي تبذله ولكن هذا الرجل لا يستحق ان تقرأ له حرفا
    انه نموذج للشاعر المرتزق والمترزق وشاعر المناسبه..
    شاعر يفتقد للانسانية في ابسط معانيها وخير مثال لما اذكر هو هذه القصيدة مرام ماجات ..
    انه يقلب المواجع علي اهلها كلما سمعوها ..
    وقصيبدة الرواسي التي انكر انه قالها ونسبها الي ابيه مثبتا انه انسان جبان وبلا مواقف
    قصيدة مرام كنت اتمني لو كتبت والقصد من ورائها معالجة مشكلة اغتصاب الاطفال
    لك الود ومن كل قلبي اتمني ان لا تورد مزيد من قصائده

    سماح
    عضو نشيط
    عضو نشيط

    عدد المساهمات: 55

    رد: قصائد للشاعر حاتم حسن الدابى

    مُساهمة  سماح في الإثنين أغسطس 09, 2010 6:44 am

    نور سلامات
    ازيك يا روان
    اضم صوتي لصوتك
    وبالتأكيد حاتم حسن الدابي لا يملك ثقافة والده الواسعه ولا صدقة ولا احساسه
    الشاعر حسن الدابي شيخ شعراء الشمال خلد قصائد كثيرة وله اخوانيات جميلة مع الشيخ العاشق الراحل المقيم عبد الله محمد خير
    وهذا الشاب في رأي هو يريد ان يتكسب من الشعر كما قلتي ولذا تأتي قصائده باهته وغير مفهومة وهشة وتفتقد الموضوعية


    ود الحوش
    عضو ممتاز
    عضو ممتاز

    عدد المساهمات: 97

    رد: قصائد للشاعر حاتم حسن الدابى

    مُساهمة  ود الحوش في الإثنين أغسطس 09, 2010 4:55 pm

    سلام وتقدير وحترام
    نور الدين
    روان
    وسماح
    بي صراحة انا ما بعرف الكتير عن الشاعر حاتم حسن الدابي
    وحقيقة ما عارف اهدافه من نظم الشعر ولكن في اعتقادي الشخصي
    لسان الحال قلب و الزواج العرفي مشاكل اجتماعية موجودة بكثرة
    في المجتمع ممكن قصائد ذيهم تخلي الوحد يفكر لو مر في نفس الظرف
    قبل ما يفوت الزمن
    تقبلوا فائق الود
    [b]

    نورالدين
    مشرف
    مشرف

    عدد المساهمات: 261
    العمر: 41
    الموقع: مروى

    رد: قصائد للشاعر حاتم حسن الدابى

    مُساهمة  نورالدين في الإثنين أغسطس 09, 2010 8:17 pm

    قصيدة للشاعر الجميل / حاتم حسن الدابي يروي ان هنا من قال له انت كسار تلج للمؤتمر الوطني وللرئيس البشير فإنفعل وجادت قريحته بتلك القصيدة الجميلة






    سؤالك رغم إنو بيوحي إستهتار
    وللأسف الشديد بتقولو بي إصرار
    فيهو عمي بصيرة وزيد عمي أبصار
    تسألني الرئيس أداكة كم مليار
    اذا الوطنية تبقالة القروش معيار
    وإذا الوطنية صوتك يبقي بالإيجار
    وإذا الوطنية صبحت ملفحة وجرجار
    علي الدنيا السلام ومتين نكون أحرار
    شكرا ليك رغم القلتو ياحقار
    وشكرا ليك يالوصفتة قصيدتي جلباب عار
    ووصفتني اني سلعةبتداولة التجار
    وقلتة علي إني انا للتلج كسار
    وإتلبستة بالوطني وبقيت سمسار
    برضو أنا مني ليك والله شكرا حار
    لأنك صح هبشت مكامن الأسرار
    أنا أوريك الرئيس (أدانة) كم مليار
    يكفي إنو الرئيس بقي للبلد دي شعار
    غرس الشجرة ومنها إتفرعت أشجار
    وقفولة الرجال وسقوها دم حار
    وإنت الإستفدتة سماح وضل وثمار
    يكفي إنو الرئيس أدانة إستقرار
    وخلي وطنا سيد نفسو عندو قرار
    ولبسو توب جديد نالنهضة والاعمار
    وجزب كل الدول جات دايرة إستثمار
    يكفي إنو الرئيس علمنا نبقي كبار
    رفع هاماتنا بعد ماكنا نحنة صغار


    يوم أوكامبو من بلادو قرار

    وقال بنمسكو فى الطيارة وين ماطار
    وخايفين كنا نتلفت يمين ويسار
    وايدنا على قلبنا من البعيد والجار
    يمين فى الدوحة زي اسد الخلا النتار
    من الطيارة تلب كبر ياء ووقار
    وقدل فى مطارة لامن صفقو الزوار
    مالاقيتة فى دربك دة عربية فى مشوار
    فوقة اسم(جياد)مكتوبة حروفة كبار
    مالاقيتة فوق شاحنة او ملاكى او دفار
    كلو دة انت مالاقاكةفى الشارع وكت جيت مار
    والله دة مابتشوفوهو انتو ماختنو خلف ستار
    عليك اسم الله فى بيتك دة ماولعتة للأنوار
    سدود كمية داااابة بداية المشوار
    سد مروي الشريك وماشين على كجبار
    تعلية الرصيرص جبل اولية وسنار

      الوقت/التاريخ الآن هو الأربعاء أغسطس 20, 2014 12:39 pm