اديني عفوك يا والدة (قصيدة)

حيرتيني معاك يا منقة
خليتيني احب الفوضى
ذي طفل مشاغب في الروضة
لا شايل هم العيش والكسرة
ولا عندو هموم في الدنيا
نسيتيني الحاضر والماضي
وكل وقتي بفكر في بكرة
بعدت عن الناس الحبوني
واديتك كل العمر هدية
لا اوفيت بي وعدي للست الطيبانة
الضحت بشبابا عشان المستقبل
ربتني وكانت عدمانة
لاملت يوم مني لا قالت تعبانة
دا انا من ما صحيت من نومي
لقيتا عشاني دايما شقيانة
ا***************
انا جد اسف يا حاجة حليمة
انا غلطان في حقك سامحيني
ونصيحتك كانت في مكانا
لكن انا جد حبيتا وبامانة
لكنها طلت واطية و سجمانة
واتاكدت انو نفسها عيانة
**************
قررت اسيبك يا فلانة
معرفتك غلطة ودرس خصوصي
علمني كيف اتعامل من تاني
كفاية على حبك يا مي
جد ما بتقصري يا حبيبة
ح احققو حلمك يا غالية
واتخرج بكرة من الجامعة
وتفرحي بي يا محبوبة
واشوفك دايما فرحانة
واريحو بالك من هم العيشة
**********
نا جد اسف يا والدة اديني عفوك
اصلك عني دوام رضيانة
لكن برضي بقول انك زعلانة
وبطلب منك تديني رضاك
شان الدنيا علي تبسم واتعلى مكانة
وعدا مني اسيبك انت التختاري
واكيد ح تصيبي يا انسانة
وانا رضيان بي زوقك يا رايعة
يا احسن ام في الدنيا اعفيني
**************
انا ليك مشتاق يا كل الحب
وفي بعدك بتالم وبعاني
ودايما نار شوقك حارقاني
وعايش كل الحاضر بتذكر
لما اصحى واشوفك بتصلي
وتصحينا قومو صلاتك يا اولاد
وتسقينا الشاي بالحنية
ونصابح الناس بفرايحية
ونتوكل كلنا شان ندرس
وننجح كلنا بتفوق
***********
يا ست يا طيبة
رجاءا سامحيني
انا كل منايا احقق حلكمك واتفوق
واشوفك دايما رضيانة
واشفوك رايعة وراعيانا
واشوك طيبة ودايما رضيانة