نفاج

نفاج

مساحة للوصل ونفاج نفتحه..بيننا جميعا وعبره..نحكي.. نتواصل..نتعارف..نتآلف..لنكون معا..نهر الحياة الخالد

دخول

لقد نسيت كلمة السر

المواضيع الأخيرة

» أفضل وأسهل وأكثر أنواع التجارة ربحية على الإطلاق أمان 100%
الإثنين فبراير 02, 2015 6:27 am من طرف الأميرلاي

» بستـــأذنك...
الخميس يوليو 03, 2014 8:08 pm من طرف الشاعر السماني حسن

» عاش من شافك
الثلاثاء يونيو 17, 2014 3:16 pm من طرف hamadvip

» ابدأ دخولك بالصلاة علي النبي (صلي الله عليه وسلم)
الثلاثاء يونيو 17, 2014 3:11 pm من طرف hamadvip

»  كيف يفكر الرجل ؟؟ وكيف تفكر المرأه ؟؟
الإثنين يونيو 16, 2014 1:00 pm من طرف hamadvip

» قصيدة جديدة ........ دنيا
الإثنين يونيو 16, 2014 12:53 pm من طرف hamadvip

» طيارة جات بي فوق .......... قصيدة جديده لهاشم صديق .. حفظه الله
الإثنين يونيو 16, 2014 12:49 pm من طرف hamadvip

» عشة أم حجل - هاشم صديق
الإثنين يونيو 16, 2014 12:47 pm من طرف hamadvip

» هاشم صديق - ما جاب المطر بنزين
الثلاثاء يونيو 10, 2014 5:41 am من طرف عثمان تباكي


    ما كل صاحب صديق وما كل صديق صاحب وماكل صديق صديق

    شاطر

    hanonah
    عضو جديد
    عضو جديد

    عدد المساهمات : 11
    العمر : 22

    ما كل صاحب صديق وما كل صديق صاحب وماكل صديق صديق

    مُساهمة  hanonah في السبت أكتوبر 23, 2010 11:56 am

    مرحباااا لكل الاعضاااء

    ندخل في الموضوع طوالي
    الايام دي انتشرت جملة انو الزمن ده مافيهو اصحاب والصحبة صحبت مصلحة وبس

    العبارة دي خاطئة مع انو ممكن احيانا تصدق

    المفروض عشان نمحي العبارة دي من قاموسنا الى الابد انو كل واحد يبدأ ويكون صديق لنفسو وتكون فيهو كل صفات الصديق الحقيقي

    الصديق الحقيقي هو الصديق الذي تكون معه .. كما تكون وحدك ( أي هو الإنسان الذي تعتبره بمثابة النفس )..

    ** الصديق الحقيقي هو الذي يقبل عذرك .. ويسامحك إذا أخطأت بحقه .. ويسد مسدك في غيابك ..

    ** الصديق الحقيقي الحقيقي هو الصديق الذي يظن بك الظن الحسن وإذا أخطأت بحقه يلتمس لك العذر ويقول في نفسه لعله لم يقصد ..

    ** الصديق الحقيقي هو الذي لا يصدق كلام الناس فيك إلا إذا تأكد من ذلك بما لا يدع مجالا للشك .. ثم يفاتحك بالموضوع ليسمع وجهة نظرك مع إحسان الظن بك ..

    ** الصديق الحقيقي هو الذي يرعاك في مالك وأهلك وولدك وعرضك ..

    ** الصديق الحقيقي هو الذي يكون معك في السراء و الضراء في الفرح والحزن في السعة والضيق في الغنى والفقر ..

    ** الصديق الحقيقي هو الذي ينصحك إذا رأى منك عيبا ويشجعك إذا رأى منك خيرا .. ويعينك على عمل الخير والعمل الصالح ..

    ** الصديق الحقيقي هو الذي يؤثرك على نفسه ويتمنى لك الخير دائما ..

    ** الصديق الحقيقي هو الذي يوسع لك في المجلس .. ويبدأك بالسلام إذا لقاك .. ويسعى في حاجتك إذا احتجت إليه ..

    ** الصديق الحقيقي هو الذي يدعو لك بظهر الغيب .. ودون أن تطلب منه ذلك ..

    ** الصديق الحقيقي هو الذي يحبك بالله وفي الله دون مصلحة دنيوية مادية أو معنوية ..

    ** الصديق الحقيقي هو الذي يفيدك بعلمه وصلاحه وأدبه وأخلاقه ..

    ** الصديق الحقيقي هو الذي يرفع شانك بين الناس .. وتفتخر بصداقته ولا تخجل مصاحبته والسير معه ..

    ** الصديق الحقيقي هو الذي يفرح إذا احتجت له .. ويسرع لخدمتك دون مقابل ..

    ** الصديق الحقيقي هو الذي يتمنى لك ما يتمنى لنفسه ..

    ولذا قيل "الكنز ليس دائما صديق ولكن الصديق دائما كنز "..

    " ومن السهل أن تضحي لأجل صديق .. ولكن من الصعب أن تجد الصديق الذي يستحق التضحية " ..



    كل واحد يكتب عن تجربة مر فيها مع اي صديق ويكتب لينا هو استفاد شنو من التجربة دي
    انا حبدأ واكتب ليكم تجربتي ...

    مرة في وحدة من صحباتي انورطت في مشكلة مع انها ما كانت مشكلة كبيرة بس انا ما حبيت انها تكون فيها فشلتا عنها المسؤلية وتحملتا انا المشكلة وطلعتها منها لكن لما كبرت المشكلة واتورطت انا فيهاا اكتر مع انو ما كان لي دخل في الموضوع هي ماوقفت معاي ولا حتى قالت انو هي اللي عملت كل شي بل بالعكس قالت انو دي انا وهي ماليها اي دخل ....

    في اليوم ده انا اتصدمت منها شديد لانها كانت اقرب انسانة لي بس استفدت حاجات انو في ناس مابتستاهل انك تضحي عشانهم مع انو في ناس عيوننا تفداهم وفي مواقف بتعرف فيها الصديق الحقيقي عشان كدا الانسان ما يتسرع في اختيار اصدقاؤ ولا يحكم عليهم بسرعة ...

    وفي نفس اليوم انا عرفتا منو هي اللي كانت مفروض تكون صحبتي وصديقتي وكل حاجة لانها هي الوقفت معاي وساعدتني مع انو معرفتي بيها كانت محدودة ...

    عشان كل انسان يجد صديق صدوق ومناسب لازم يكون هو صديق للحولينوو ولنفسو اهم حاجة

    يلااا خلونا نشوف تجاربكم واستفتدوو منها شنو
    Cool Cool
    avatar
    روان
    عضو مشارك
    عضو مشارك

    عدد المساهمات : 115

    رد: ما كل صاحب صديق وما كل صديق صاحب وماكل صديق صديق

    مُساهمة  روان في السبت أكتوبر 23, 2010 12:10 pm

    اهلا بيك هنونه في منتدانا نفاج وما شاء الله نشاط جم نتمني ان يتواصل
    الموضوع جميل ورائع و فعلا ..
    المستحيل ثلاثة الغول والعنقاء والخل الوفي
    جاياك وح احكي تجربتي ال ح تكون اصعب من تجربتك يا هنونه ..

    hanonah
    عضو جديد
    عضو جديد

    عدد المساهمات : 11
    العمر : 22

    رد: ما كل صاحب صديق وما كل صديق صاحب وماكل صديق صديق

    مُساهمة  hanonah في السبت أكتوبر 23, 2010 12:15 pm

    اهلين فيكي رونااا اهلين بمشاركتك وانتظر تجربتك ياعسل ... cat
    avatar
    نورالدين
    مشرف
    مشرف

    عدد المساهمات : 261
    العمر : 45
    الموقع : مروى

    رد: ما كل صاحب صديق وما كل صديق صاحب وماكل صديق صديق

    مُساهمة  نورالدين في السبت أكتوبر 23, 2010 1:02 pm

    مرحبا بك هنونا (انشءالله اكون ترجمة الاسم صاح)
    فى منتديات نفاج كلما زكرتيهو من صفات للصديق صحيح
    ونادر جدا الصديق الصدوق الذى يكون اقرب لك من اخيك
    موضوع جميل تشكرى عليه وطبعا الصديق لا تستطيع ان تعرفه
    الا عند المواقف الصعبة لانها هى التى تكشف معادن الناس عشان
    كدى انا رأى الشخص لا يكشف جميع اوراقه لاى صديق حتى يتاكد
    من معدن الشخص الذى يتعامل معه يظهرذلك كما اوضحت سابقا
    فى المواقف الصعبة


    _________________
    عش ما شئت فإنك ميت ، وأحبب من شئت فإنك مفارقه ، واعمل ما شئت فإنك ملاقيه
    avatar
    ود الحوش
    عضو ممتاز
    عضو ممتاز

    عدد المساهمات : 97

    رد: ما كل صاحب صديق وما كل صديق صاحب وماكل صديق صديق

    مُساهمة  ود الحوش في الإثنين أكتوبر 25, 2010 10:37 am

    احيي فيك النشاط وحسن الاختيار للمواضيع الهادفة وجميلة

    وذي ما ذكرتي الصديق الصدوق موجود بس نادر شوية

    وتجربتي هي مع صديق وقريب في نفس الوقت وهي
    اني كنت في السعودية في المنطقة الشرقية وصديقي في الشمالية
    وكنت شغال شغل مقطع تمشية حال ويوم اتصلت عليه اشوف
    اخباره وبعد ما عرف ظروفي طلب مني ان اركب بكرة واذهب
    اليه وفعلا حصل وتوسط لي واشتغلت بس ما طولت اختلفت مع
    مدير المحل المهم بعد ما تركت العمل اعطاني سيارته الخصوصي
    وملاكي اشتغل بيها اجرة وطبعا ممنوع وانا اصلا مخالف
    اولا بعيد من كفيلي وما شغال معاهو والسيارة ما باسمي وشغال اجرة
    والقانون لو اتمسكت اسفروك وكل من تعاون معك وبعد ده كل
    جاء يوم وقال لي لو اشتريت ليك مكونات بقالة تشتغل فيها قلت ليهو مافي مانع
    وعملنا البقالة وبي معرفته وعلاقاته ملينا البقالة من مناديب الشركات
    وبعض المواد بالكاش طبعا دفع هو . وكنت اسجل كل شي
    وبعد شهرين طلبت منه ان يراجع الحساب اللينا والعلينا تعرفوا قال شنو
    البقالة بقالتك خسرت ليك ربحت ليك وتاني ما تسالني
    ومرت الايام بعد ما حلينا كل الفواتير وبقت البقالة صافية
    وقع في مشكلة وورطوه فيها بعض السعوديين وكان ممكن ينسجن
    بي هنا هنا تحوت لي قروش وينتهي الموضوع وصرف كل ما
    يملك مع انه ما حكى لي الموضوع بس كنت بلقط اخباره من برة
    المهم موقفي كان بعت البقالة كاملة ولم استلم ريال واحد من الشاري
    واستلمها هو وحل المشكلة والحمد لله
    وحتى الان لم اندم علي موقفي
    لا اعتبره جميل بل رد للجميل
    ممكن انسا كثير من التفاصيل في القصة بس ما بنسا كلامه ولامين اموت
    * البقالة بقالتك ربحت ليك خسرت ليك *
    عاطر ودي

    hanonah
    عضو جديد
    عضو جديد

    عدد المساهمات : 11
    العمر : 22

    رد: ما كل صاحب صديق وما كل صديق صاحب وماكل صديق صديق

    مُساهمة  hanonah في الأربعاء أكتوبر 27, 2010 12:07 pm

    مشكور نور الدين ويسلمو على الرد
    والترجمة صح مشكوور على المرور

    hanonah
    عضو جديد
    عضو جديد

    عدد المساهمات : 11
    العمر : 22

    رد: ما كل صاحب صديق وما كل صديق صاحب وماكل صديق صديق

    مُساهمة  hanonah في الأربعاء أكتوبر 27, 2010 12:10 pm

    شكرا ود الحووش

    تجربة حلوة وجميلة والاحلى منك انو اعتبرتو رد للجميل وانك ما نكرتا ليهو حاجة هو عملا معاك ودي وحدة من صفات الصديق الحقيقي

    مشكورمرة تانية

      الوقت/التاريخ الآن هو الخميس ديسمبر 14, 2017 11:13 pm