نفاج

نفاج

مساحة للوصل ونفاج نفتحه..بيننا جميعا وعبره..نحكي.. نتواصل..نتعارف..نتآلف..لنكون معا..نهر الحياة الخالد

دخول

لقد نسيت كلمة السر

المواضيع الأخيرة

» أفضل وأسهل وأكثر أنواع التجارة ربحية على الإطلاق أمان 100%
الإثنين فبراير 02, 2015 6:27 am من طرف الأميرلاي

» بستـــأذنك...
الخميس يوليو 03, 2014 8:08 pm من طرف الشاعر السماني حسن

» عاش من شافك
الثلاثاء يونيو 17, 2014 3:16 pm من طرف hamadvip

» ابدأ دخولك بالصلاة علي النبي (صلي الله عليه وسلم)
الثلاثاء يونيو 17, 2014 3:11 pm من طرف hamadvip

»  كيف يفكر الرجل ؟؟ وكيف تفكر المرأه ؟؟
الإثنين يونيو 16, 2014 1:00 pm من طرف hamadvip

» قصيدة جديدة ........ دنيا
الإثنين يونيو 16, 2014 12:53 pm من طرف hamadvip

» طيارة جات بي فوق .......... قصيدة جديده لهاشم صديق .. حفظه الله
الإثنين يونيو 16, 2014 12:49 pm من طرف hamadvip

» عشة أم حجل - هاشم صديق
الإثنين يونيو 16, 2014 12:47 pm من طرف hamadvip

» هاشم صديق - ما جاب المطر بنزين
الثلاثاء يونيو 10, 2014 5:41 am من طرف عثمان تباكي


    قصيدة الشايقي السرق ملاياتو الحرامي!! (تعيقني أنا)

    شاطر
    avatar
    نورالدين
    مشرف
    مشرف

    عدد المساهمات : 261
    العمر : 45
    الموقع : مروى

    قصيدة الشايقي السرق ملاياتو الحرامي!! (تعيقني أنا)

    مُساهمة  نورالدين في الأربعاء أكتوبر 27, 2010 10:29 am

    واحد من الشوايقه الحرامي نط بالليل وسرق بيتو ..
    وصاحبنا زعل زعلاً شديد وقام يشتم في الحرامي

    تعيقني انا ؟؟
    يعيقك الله يا مجرم ..وكيف هسع تسرقني ؟؟
    تسرقك بطنك ان شا الله ..تخليك ديمه متألم
    حضيري ان شا الله يبراك ..وفلساً للجيوب يخدم
    والعطش اليحرق الجوف..يخليّ الفقرا قايمي وقاعدي ليك تعزم
    تعيقني انا ؟؟
    يعيقك الله يا مجرم..بمدفع كلاشنكوف ..يواليك في المسيمع عاد
    يخليك لاسمع لا شوف
    تعيقني انا ؟؟
    نان بالله لو سألوك ..نان عميان من الاسواق ؟؟؟
    تسوق اروتّي في ساقيه تورها يقطّع الخناق
    تسوق لك داف تدقشوا ترلّه في عقبه .يخليك لاضهر لا ساق
    حكمت تجيني انا المسكين ..البلقط بي قرش وقرشين
    تقرشك عقرباً تلقاك فوق الريق يكون جسمك مرطب تب
    تقرشك سمومة صيف ..تخلي وشيك قايم حب
    وقرشاً يبلعك يسرع يلف بي جده والصومال ويجيبك لينا تاني هنا
    يرميك في الرصيف بي جاي يخليك بس عضام وعصب
    تعبقني انا ؟؟
    تطرشق ليّ برنامج اخطط فيه لي سنين ؟؟
    يطرشق فيك كمبرسور يخليك انت بس سردين
    يطرشق فيك بوتوجازاً يكون جمبك صفيح بنزين
    وترقد ما نشوف لنا زول يقول لنا ماشي في تحسين
    تعيقني انا ؟؟
    كمان تسرق ملاياتي المن كيسها ما انفكت ؟؟
    ولا عارف نقوشهن كيف ؟؟يفكك مننا الله اليوم قبل باكر
    يخليك لاف صيف وخريف ..
    يفك ضلعك ..تفارق عقلك تسك الماشي فوق عدلك
    زي جملاً عشاه الزيف
    نفسك فاااااااااتحي ترقد فوق ملاياتي
    ترقد يابا في عنبر نصيحو يشابي كايس ايدو
    ترقد يابا في قبراً اعوذ ربي من هولو وعذاب سيدو
    ترقد يابا في غرفه ..تكون مفروشه بالصرفه
    ونملها يخمّو بالقفه ..
    ولا تشوف جنّه بي عينك ولا في العتبه تتعتب
    عشان عملك تملّي كعب ..تسرق الجيب
    تسوي العيب
    انت حرامي ود الكلب.
    منقول.


    _________________
    عش ما شئت فإنك ميت ، وأحبب من شئت فإنك مفارقه ، واعمل ما شئت فإنك ملاقيه

    hanonah
    عضو جديد
    عضو جديد

    عدد المساهمات : 11
    العمر : 22

    رد: قصيدة الشايقي السرق ملاياتو الحرامي!! (تعيقني أنا)

    مُساهمة  hanonah في الأربعاء أكتوبر 27, 2010 12:16 pm

    هههههههههههههههههههههههههههههههههه

    حلو شديييييييييييييد لكن والله الحرامي غلطان مالقا يسرق الا الشايقي دي
    مشكوور على الموضوع ياذوق
    avatar
    نورالدين
    مشرف
    مشرف

    عدد المساهمات : 261
    العمر : 45
    الموقع : مروى

    رد: قصيدة الشايقي السرق ملاياتو الحرامي!! (تعيقني أنا)

    مُساهمة  نورالدين في الأربعاء أكتوبر 27, 2010 12:19 pm

    شكرا على المرور ياامورة


    _________________
    عش ما شئت فإنك ميت ، وأحبب من شئت فإنك مفارقه ، واعمل ما شئت فإنك ملاقيه
    avatar
    ود الحوش
    عضو ممتاز
    عضو ممتاز

    عدد المساهمات : 97

    رد: قصيدة الشايقي السرق ملاياتو الحرامي!! (تعيقني أنا)

    مُساهمة  ود الحوش في الخميس أكتوبر 28, 2010 8:44 am

    ده كل في ملايات
    اسي الدعوات الدعها لي الحرامي كان كانت دعوات
    انه ربنا يعوضه مااحسن
    شكرا ابو النور

      الوقت/التاريخ الآن هو الخميس ديسمبر 14, 2017 11:21 pm