نفاج

نفاج

مساحة للوصل ونفاج نفتحه..بيننا جميعا وعبره..نحكي.. نتواصل..نتعارف..نتآلف..لنكون معا..نهر الحياة الخالد

دخول

لقد نسيت كلمة السر

المواضيع الأخيرة

» ابدأ دخولك بالصلاة علي النبي (صلي الله عليه وسلم)
الثلاثاء مايو 22, 2018 4:35 pm من طرف ابراهيم الصغير

» أفضل وأسهل وأكثر أنواع التجارة ربحية على الإطلاق أمان 100%
الإثنين فبراير 02, 2015 6:27 am من طرف الأميرلاي

» بستـــأذنك...
الخميس يوليو 03, 2014 8:08 pm من طرف الشاعر السماني حسن

» عاش من شافك
الثلاثاء يونيو 17, 2014 3:16 pm من طرف hamadvip

»  كيف يفكر الرجل ؟؟ وكيف تفكر المرأه ؟؟
الإثنين يونيو 16, 2014 1:00 pm من طرف hamadvip

» قصيدة جديدة ........ دنيا
الإثنين يونيو 16, 2014 12:53 pm من طرف hamadvip

» طيارة جات بي فوق .......... قصيدة جديده لهاشم صديق .. حفظه الله
الإثنين يونيو 16, 2014 12:49 pm من طرف hamadvip

» عشة أم حجل - هاشم صديق
الإثنين يونيو 16, 2014 12:47 pm من طرف hamadvip

» هاشم صديق - ما جاب المطر بنزين
الثلاثاء يونيو 10, 2014 5:41 am من طرف عثمان تباكي


    خلاص راحت عليك يا حب

    شاطر
    avatar
    الأميرلاي
    شاعر
    شاعر

    عدد المساهمات : 16

    خلاص راحت عليك يا حب

    مُساهمة  الأميرلاي في الأحد مايو 20, 2012 2:05 am

    أكيد بهواك وبتمناك
    وحبك من أماني النفس وأغلاهن
    وريدك دون جميع الناس
    قدر عيني أشقاهن
    بحبك وبشتهيك لازال
    وبتمناك قريب لاكن
    أهم علي الحنين إيمان
    بانو كرامتي أولاهن
    وإذا لا بد أرجع ليك
    أريت عيني أناسهن
    وحات البينا كان من ريد
    عهودك قلبي أوفاهن
    شقيت شانك سنين وسنين
    مشاعري الحزن غطاهن
    ولو لسة الأمل عندك
    بأنو عيوني تلقاهن
    أطمنك إنو ما برجع
    ولا تحلم بلقياهن
    وأأسف يا حبيب عيني
    رجعتلي في زمن ضائع
    ومهما أعيش بلاك حرمان
    وحاتك ما بجيك راجع
    وإذا فكرت إني أجيك زليل
    مكسور ومتراكع
    بعد ما تقبض النجمات
    تعال راجع بجيك راكع
    مدام في يوم قدرت تعيش
    بدوني وكنت ما سامع
    أمش عيش باقي عمرك كلو
    قدامك مجال واسع
    وشن جابك بعد سنوات
    تكوس لي ريدك الضايع
    وصالك يا حبيب أصبح
    محال يحصل في يوم واقع
    محال نرجع كما الأطيار
    ونمرح في الفضا الواسع
    محال ياغالي تاني نعود
    إذا أنطبق السما السابع
    زمان جيتك بكوس عفوك
    معذب والقلب ضايع
    وحلفتك بأغلى عهود
    وكنت عشان رضاك
    خاضع أموت فد مرة شان حبك
    اظل شانك رضي وقانع
    وكنت ظلوم قسيت وجنيت
    وقلتها بي كلام قاطع
    خلاص ياغالي كان الكان
    فراقنا صبح أمر واقع
    مشيت منك جسد لا روح
    وقلبي حزين شقي وضايع
    دفنت هواك حي جواي
    وحزنك في حشاي قابع
    ولكن برضو يا محبوب
    بظل مجنونك الولهان
    وأظل بيك الشقي وهيمان
    ولسة هواك يا معشوق
    جواي لسة ذي ما كان
    بحبك وبشتهيك إدمان
    وبحلم بيك وبتمناك
    ولكن كونو أرجع ليك
    أريتو قليبي يوم ما كان
    عذابك عشت فيه سنين
    أقاسي مرارة الحرمان
    أهش الطير ذي المجنون
    أساهر الليل مع الحيران
    وكنت وكت يجيني الليل
    أئن من وطئة الأشجان
    وضقت الغربة ضقت الحيرة
    ضقت شقاوة الهجران
    وهسة بعد نسيتك
    جاي تاني تجدد الأحزان
    أريتني اموت قبل ارجع
    إذا كان في الرجوع إمكان
    بعد ما فت مني نسيت
    صبح عندي الأمر سيان
    وحاتك لالا ما تحلم
    في يوم يجمعنا تاني مكان
    ولا تفكر بأنو نعيد
    زمان الوصل يافتان
    ولو لا زال في قلبك حب
    أخير داويو بالنسيان
    ولو فاكرني برجع ليك
    بتحلم ذي حلم همان
    خلاص راحت عليك
    يازول سجم خشم البحب
    إنسان يكون جاير ظلوم زيك
    وجاي يعاتب الحبان

      الوقت/التاريخ الآن هو الإثنين يوليو 16, 2018 6:09 pm