نفاج

نفاج

مساحة للوصل ونفاج نفتحه..بيننا جميعا وعبره..نحكي.. نتواصل..نتعارف..نتآلف..لنكون معا..نهر الحياة الخالد

دخول

لقد نسيت كلمة السر

المواضيع الأخيرة

» أفضل وأسهل وأكثر أنواع التجارة ربحية على الإطلاق أمان 100%
الإثنين فبراير 02, 2015 6:27 am من طرف الأميرلاي

» بستـــأذنك...
الخميس يوليو 03, 2014 8:08 pm من طرف الشاعر السماني حسن

» عاش من شافك
الثلاثاء يونيو 17, 2014 3:16 pm من طرف hamadvip

» ابدأ دخولك بالصلاة علي النبي (صلي الله عليه وسلم)
الثلاثاء يونيو 17, 2014 3:11 pm من طرف hamadvip

»  كيف يفكر الرجل ؟؟ وكيف تفكر المرأه ؟؟
الإثنين يونيو 16, 2014 1:00 pm من طرف hamadvip

» قصيدة جديدة ........ دنيا
الإثنين يونيو 16, 2014 12:53 pm من طرف hamadvip

» طيارة جات بي فوق .......... قصيدة جديده لهاشم صديق .. حفظه الله
الإثنين يونيو 16, 2014 12:49 pm من طرف hamadvip

» عشة أم حجل - هاشم صديق
الإثنين يونيو 16, 2014 12:47 pm من طرف hamadvip

» هاشم صديق - ما جاب المطر بنزين
الثلاثاء يونيو 10, 2014 5:41 am من طرف عثمان تباكي


    امنيات سياسية

    شاطر
    avatar
    عثمان تباكي
    عضو جديد
    عضو جديد

    عدد المساهمات : 19
    العمر : 37
    الموقع : امدرمان - الموردة

    امنيات سياسية

    مُساهمة  عثمان تباكي في الخميس أغسطس 16, 2012 6:33 am


    بتذكرك وقت القمرا بتنور فوق شوارع الحله ..
    وفي نورا وتحت ضلو بيلعب الشفع ..
    شليل وينو ..؟ وشليل وين راح !!!
    وأنا الرايح أكوس في شليل !!
    ولا لاقيتو لا خابرو وين راح ..
    أفتش في ضلام الليل اكان ألقاهو في القمرا..
    وأسال فيها ؟؟
    هيا القمرا أقلبي السنسنه الحمره شوفي شليل هناك ماجا..!!
    وبتذكرك وقت العصر ..وقت الظهر ..
    ووقت العشاء وساعه السحر ..
    وأسافر في عيون الشوق ..
    وأركب في بحار الريد ..
    شان أرسي في شواطئ الشوووف ..
    وأشووفك بكره في الموعد ..Smile
    ألاقيك وتلاقيني ...أحاكيك وتحاكيني ..
    حكاية فاطمه السمحه بت النور وسمح طبعها واوصافا...
    حكايه أمونه بت الشيخ ..حكايه الزين ..
    حكاوي الطيبه والإلفه .
    .وقت يتلموا ناس الحله ..تحت ضوك يا قمرا ..
    وتبدأ النضمه حبوبه :
    (حجيتكم مابجيتكم خيرن جانا وخيرن جاكم أكل عشانا ومشي خلاكم ...)
    القصه :
    كانت في بلدن واسع وزين ..
    طيبين أهلو وباشين ..
    ومافي فرق بين موسي وجاادين ..
    مالناس واحد والحال واحد والرب واحد
    (وكلنا أولاد تسعه )...
    ويوم داك كان في دوار العمده ضيوف ..!!
    جوهو الليله وهسع داخلين ..
    وكل الحله بتتحدث ؟؟ ضيوف ؟؟ ضيوف العمده شوفتوهم ..!!
    ايي .. وضيف العمده نائب الدائره ..جاء يوري الحله وشيهو ..
    ماالساقيه بدت في دورتها ..والثور تعبان يمشي ويعرق وينهد ..
    ويضربو فيهو .. ويجلدوا فيهو ويرجع لي نفس الدوره ...
    والحله بدت تنضم (هسي ده الجابو شنو ..؟؟
    كليماتو وضحيكاتو عرفناها وخبرناها...
    وناس تانين : شن جابك يالمركوب لابتجدع لابتجيب الطوب .؟
    وناس الحله إتسدروا ليهو ...
    حالفين هالمره مايصوتو ليهو ..
    (والكلاب بتسك العربيه )..؟؟
    وفي ناسا من الحله ..أدوهم وحلوهم وفكوهم ..
    يغشغشوا في ناس الحله ويشكروا ليهم ..
    (وشكارتها نبازتها )..
    والحله تنضم في الموضوع داك زيين ..
    ويوما جابو ولدا شاب في الحله ..
    غريبآ من دار تانيه ..
    ولدا هاشي وباشي يقالد داك ويكلم داك ...
    وحكيما ومتعلم وزين ..
    وقعد من الأعوام عقدين ..
    يعلم ويوعي في ناس الحله ..
    عن حق الرعيه من سلطانه ..
    وعن عدل الله في أكوانه ..
    وعن جور العبد مع أخوانه..
    عن حب الغير ... وحب الخيير ..
    وعن بلد واحد يشارك الجمييع فيهو ..
    من نيالا لي كسلا ومن ام كتي لي ملكال ونمولي و واو..
    وطن واحد .. وطن شاسع ..
    يلملم فوق كفوفو الناس كييد واحده ...
    تزغرد لي فرح واحد ..
    وتبشر بي فجر واعد ..
    وناس الحله إتوعو Smile
    وبقو يتناضمو بالوحده والهويه والمواطنه والعداله الإجتماعيه Smile
    حكيآ كبار بالحييل ..
    شيتآ سمح بالحييل ..
    ولمن تدي الفكره لجييل .. يوعي ويعرف ..
    وهج الشمس وضلام الليل ..
    ونور العقل وطريق السير ..
    يمشي في درب الحق وشارع الخيير ..
    داير عزه بلدو ونهضتها بالحييل ..
    ختام النص :
    القصه ماقصتي ولاقصتك القصه قصتنا ..Smile والبلد بلدنا Smile
    وحنحابيها وننميها ونربيها ونتباهي بيها ..Smile
    يمكن عمري يخلص وما أشوفها عرووس (ناهضه )
    ولكن كل نهايه عمر معاها بدايه حياه جديده ..
    وجييل جديد .. ورايه لرايه بنصل
    (وعشاااااااااااااااانك إنت يابلدي ..

      الوقت/التاريخ الآن هو الخميس ديسمبر 14, 2017 11:10 pm