نفاج



انضم إلى المنتدى ، فالأمر سريع وسهل

نفاج

نفاج

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
نفاج

مساحة للوصل ونفاج نفتحه..بيننا جميعا وعبره..نحكي.. نتواصل..نتعارف..نتآلف..لنكون معا..نهر الحياة الخالد

دخول

لقد نسيت كلمة السر

مواضيع مماثلة

المواضيع الأخيرة

» ابدأ دخولك بالصلاة علي النبي (صلي الله عليه وسلم)
مجموعة قصائد للاستاذ مصطفي ود المأمور Emptyالثلاثاء مايو 22, 2018 4:35 pm من طرف ابراهيم الصغير

» أفضل وأسهل وأكثر أنواع التجارة ربحية على الإطلاق أمان 100%
مجموعة قصائد للاستاذ مصطفي ود المأمور Emptyالإثنين فبراير 02, 2015 6:27 am من طرف الأميرلاي

» بستـــأذنك...
مجموعة قصائد للاستاذ مصطفي ود المأمور Emptyالخميس يوليو 03, 2014 8:08 pm من طرف الشاعر السماني حسن

» عاش من شافك
مجموعة قصائد للاستاذ مصطفي ود المأمور Emptyالثلاثاء يونيو 17, 2014 3:16 pm من طرف hamadvip

»  كيف يفكر الرجل ؟؟ وكيف تفكر المرأه ؟؟
مجموعة قصائد للاستاذ مصطفي ود المأمور Emptyالإثنين يونيو 16, 2014 1:00 pm من طرف hamadvip

» قصيدة جديدة ........ دنيا
مجموعة قصائد للاستاذ مصطفي ود المأمور Emptyالإثنين يونيو 16, 2014 12:53 pm من طرف hamadvip

» طيارة جات بي فوق .......... قصيدة جديده لهاشم صديق .. حفظه الله
مجموعة قصائد للاستاذ مصطفي ود المأمور Emptyالإثنين يونيو 16, 2014 12:49 pm من طرف hamadvip

» عشة أم حجل - هاشم صديق
مجموعة قصائد للاستاذ مصطفي ود المأمور Emptyالإثنين يونيو 16, 2014 12:47 pm من طرف hamadvip

» هاشم صديق - ما جاب المطر بنزين
مجموعة قصائد للاستاذ مصطفي ود المأمور Emptyالثلاثاء يونيو 10, 2014 5:41 am من طرف عثمان تباكي

بحـث

 
 

نتائج البحث
 

Rechercher بحث متقدم

ازرار التصفُّح

 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث

+5
شاهندا عمر
صخر
سوهندا
علياء
روان
9 مشترك

    مجموعة قصائد للاستاذ مصطفي ود المأمور

    روان
    روان
    روان
    عضو مشارك
    عضو مشارك


    عدد المساهمات : 115
    • مساهمة رقم 1

    مجموعة قصائد للاستاذ مصطفي ود المأمور Empty مجموعة قصائد للاستاذ مصطفي ود المأمور

    مُساهمة  روان الخميس سبتمبر 17, 2009 7:38 pm

    الجاية وخري

    كنتي وين جاياني وَخْرِيّ ْ
    بعدما جَفًتٌ سنيني ؟
    جيتي بعد العُمْرِّّ ولي َّ
    من زمان مفروض تجيني
    و الحُرَّهْ في الآخر بتظهر
    و إنتي في اَللَفَّهْ بْتبَيني
    ولأنك انتي حضرتي وَخرَّي
    كنتي أنْضَجْ ما تكوني
    بي احترامك ... و احتشامك
    و الجمال ذَاَكَ المصوني
    و الحجاب الخافي دِيسِكْ
    يشَهَّي عندك صدقيني
    بيه يسمو يزيد جمالك
    و بيهو تسمو الروح و ديني
    لما أطراك و انتي هَاَّلهْ
    و شوقك الطامح يجيني
    غير سلامك .. و غير كلامك
    عندي شي بلهم فنوني
    ياحنون الضُقْتُو بعدك
    نار بتلهب في عيوني
    لو بترغب في شفايا
    سِيٍبْ عيونك يحدثوني
    و أهدي لي شي من حنانك
    وَرِقَّةْ الوُرْقَ الحنوني
    و سيبني أرشف من دعاشك
    و أَرْوَيَ في الغيمْ الهتوني
    خَدَّرْ الروح و المشاعر
    ده الَمَحلْ عَجَّلْ منوني
    لما فُتَّكْ مانسيتك
    أنسي كيف نِنَّاتْ عيوني
    أنسي كيف وفراقك يِنْنتَحْ
    خفي نَتَحِكْ أرحميني
    أنا لحظة أصلاً مانسيتك
    و كل لحظه بْتُوجْعي فيني
    يا حنينه وَدًعْتِكْ الله
    وديعة البينك و بيني
    للعنده ما بِتْضِيعْ وديعه
    يحفظك و ودعتو ديني
    • الرجوع الى أعلى الصفحة
    روان
    روان
    روان
    عضو مشارك
    عضو مشارك


    عدد المساهمات : 115
    • مساهمة رقم 2

    مجموعة قصائد للاستاذ مصطفي ود المأمور Empty رد: مجموعة قصائد للاستاذ مصطفي ود المأمور

    مُساهمة  روان الخميس سبتمبر 17, 2009 7:41 pm

    أغنيه للزرافه

    عشان شفافتك واللطَافَه

    وإهتمامك بي قصايدي

    أزِلْتِي من الروح جَفَافَه

    مافي زول غيرك دفعني

    أعاود الفن والشفافه

    وأرجع أَنْظُمْ في القصايد

    أجاري "معروف الرصافه "(1)

    البحور ناظمتو فيها

    نَثَرْتَ دُرَرِي علي ضِفَافَه

    ومافي زول غيرك دفعني

    أعاود الفن والشفافه

    وأقولْ كلام ما قالو غيري

    حروفو مَرْصُوصَه وقيافه

    شِعْرِي ليك أطْرَبْ ...وغنِّي

    ياجمالْ إلقاك لفني

    روعةْ الحِسْ لو تَصَافَي

    أقري لي زيديه روعه

    خِرِمْتَّ مِتْقَريِّفْ لِسَمْعَه

    فيها من نَفَسِكْ إضَافَه

    مين سواك أداهو قيمه

    لو بقيت في شِعْرِي ديمه

    أَنْسِجْ الغُنَي بى حَرَافَه

    أو بقيت فنان وشاعر

    مُرْهَفْ الحِسْ والمشاعر

    ما بجاريك في الرَهَافَه

    ناس كُتَارْ شافوكي غيري

    بَسْ براي شايفك تنيري

    تضِّوي زي نار الشرافه

    شفت فيك رِقَّهْ طِفوله

    الهَيْبَه شُفْتَها يَاكا زولا

    خُلِقْتِي صَلْبَه وفيك رَهَافَه

    جوز عيونك لما تَبْرُقْ

    والمعانِّي الفيها تَمْرُقْ

    أي زول يِرْهَبْ و يخافا

    السهام المن رموشا

    ياتو زول يِقْدَرْ يحوشَا

    أو يِجُرْ في النَمَّه قافا

    كل شيء في الثَغْرِّ بَاسِمْ

    واللاليء ...جَلَّ من رَصَّاهَا نَاظِمْ

    بالقياسات والمسافه

    الفَلَجْ زاد من بَهَاهَا

    و العِنَبْ زَيَّنْ شفاها

    مغَلِّفْ الشفتين غِلافَه

    أما جِيدَا .....

    هو البِخَلِّي الناس تريدا

    الماوُجِدْ عِنْ زول خِلَاَفَه

    والشَعَرْ عندك مَطَرْطَشْ

    لو تَسَّرحْ أو تَنَكَّشْ

    حَدُّه فايت لى كِتَافَا

    أما لونك ....

    الأصيل الزَاهِّي دونك

    لونه زي خمر السُلافه

    إيدك البَضَّه النديَه

    الأنامل فيها زي شمع الخليه

    ليْنَه إتْخَلَقَتْ خُرَافَه

    والفريع بانَّه وبهيَّه

    دا الشموخ في الطول هَويَّه

    مين يطولك يا الزرافه

    زينه تَقْدِلِي وإنتى مَاشَّه

    السحابه الفوقنا هاشَّه

    عِزَّة المشي في طَوافَه

    القوام عندك مَنَظَّمْ

    أوسط الناس المَقَسَّمْ

    لا تَرَهُلْ لاَنَحافَه

    جـاتني مـــرة ....

    زيّْ حِلِمْ ثانيه أستمرَّ

    وما في زولاً غيري شَافَا

    فجأة هَلَّتْ ...

    همسه قالت لي ووصَّتْ

    زَيَّنْ الأحرف قوافا ..

    لما شفتك دون توصِّي

    جاني خاطر فيكي هسِّي

    القصايد تبقي قَافَا

    وأبقَي صائد للقوافي الَاحِقْ الشارد وجَافَه

    ولو لقيت ورقه ودوايه

    كان كتبت قصيده آيه

    في جمالك واهتمامك ...و الشفافه

    مافي زول أدهشني زَيِّكْ

    لما تَلْبَسِّي فيها زَيِّكْ

    يِخَلُّو ليك إنتي القيافه

    كيف بتلبس ؟؟

    شافك الأبكم تَحَدَّثْ

    والضرير شاف لما شَافَا

    كيف وأنا ......



    أذهب وشأنـــــــي

    وما أقول فيك الأغاني

    وأعاود الفن بي حرافه

    البلد واحشاها شوفتك

    لسَّه " بورتسودان " عروستك

    لابسه تيجان النظافه

    البحر سآلني عَنَّكْ

    لو نسيتي ما أظنِّكْ

    تنسي لَمَّانْ موجُه صَافَه

    والموجه قامت لى قدومك

    شان تَعَبِّرْ ... بَلَّلَتْ جزء من هدوِمكْ

    وأهْدَتِكْ أَنْدَرْ صُدَافَه

    أجمعيها ... واحفظيها

    في بعادك أسأليها

    حاولي فهمها وإكتشافا

    ذكري من بلداً حبيبه

    لما نَكْبَرْ وتِعْتَلِّي مَفْرَقْنَا شيبه

    أبقى ورينى الصُدَافَه

    ما في زول غيرك دفعني

    أعاود الفن والشفافه

    إستمري عشان أغنِّي

    لو لقيتك يِثْرَي فنِّي

    و القلوب أَهْتِكْ شِقَافَا

    ولو لقيتك في جواري ...تدفعيني

    أقول قصايد ..

    وأصلو مايِنْضَبْ معينى

    لأني فيك زايد حَرَافَه

    بالله يالشامخه الزرافه

    كل قصايدى أتأمليِّها

    هل في واحده لقيتي فيها

    زي قصايدك ....

    نكهة التين والخُشَافَه

    ما أظن يا نور عيوني

    زي غناك دُرْ في فنوني

    في الوَصِفْ أو في القَوافَا

    ووالله يالشامخه الزرافه

    مافي زول غيرك دفعني

    أعاود الفن والشفافه

    هل أجازيك بالقصايد

    لو نشرتها في الحواري ...

    والاذاعات والصحافه

    ما أكون اوفيتو وَصْفِكْ

    إنتي صورتك في الخيال قَبْاَّلْ أعرفك

    وأعرف النحو و الصرافه

    بالله يالشامخه الزرافه

    إستمري تدفعيني ...

    وأبقي مهجة شِعْرِ فيني

    بيكي إخضَّرَتْ سنيني

    وإنْمَحَا صيفا وجفافا

    في الختام لو حَدِّي شَاَفا

    فارعةْ الطول القيافه

    كاملةْ الزوق و اللطافه

    وصيتي لازم يغْنَّي ليها

    ويدُوبِي مَوَّالْ الزرافه
    • الرجوع الى أعلى الصفحة
    روان
    روان
    روان
    عضو مشارك
    عضو مشارك


    عدد المساهمات : 115
    • مساهمة رقم 3

    مجموعة قصائد للاستاذ مصطفي ود المأمور Empty رد: مجموعة قصائد للاستاذ مصطفي ود المأمور

    مُساهمة  روان الخميس سبتمبر 17, 2009 7:45 pm

    ماهَامِيِّكْ …


    ومَاكْ عَارِفْ أَنِحْنَا
    كِتِلْنَا في عينيك ؟؟

    وبَرْضَكْ إنتَّ ماهاميك !!

    أنحْنَا وَكِتْ نشوفك

    نَنْسَي أرواحنا ونَحَصِّنْ فيك

    ويوم نرجع نقول نَكْتِبْ

    نلاقي حروفنا زيَّ السيل تَمَجِّدْ فيك

    قصيده حروفا لي شَعَرَكْ

    قصيده حروفا لي خَدَيِّكْ

    قصيده بْتَمْدَحْ أوْصَافَكْ

    كَمْ منظومه سَاوَّهَا ليك

    وبَرْضَكْ إنت ماهاميك ؟؟؟

    يوم ما عْرِفْنَا فيك عينيك

    عِرِفْنَا معاَها سَهَرْ الليل

    يوم ننساها يِقْصَرْ ليلنا

    ويِطْوَلْ ليلنا يوم نَطْرَاهَا ويبقي طويل

    نموت بالغيره

    يوم نسماتو بتْدَاعْبَكْ

    تسالم شَعَرَكْ وتماسيك

    وتَعَدِلْ فيها ماهاميك

    دا نِحْنَ الليل عشان ما بْغَازِلْ الخُصْلاَتْ

    نَحْفَظْ ليُّه ألْفِ جميلِ

    وليلِكْ إنتي يوم ما طَاوَلْ الكتفين

    قصيتيه و إتعذرتي إنو طويل

    بعد ما كان وريف وظليل

    ونَحْلَمْ نحن فوق ضُلُّه

    ونَقَيِّلْ قيل ..
    وننسي شقانا .. ننسي همومنا
    مهما تكون مَكَيَّلَه كيل
    نسيتي الناس وقصيتيه ماهاميك !!

    وَشِكْ يِطَرِّى بالقَمْرَه

    قَدُرْ ما نشوفها تملأ العين

    وتفرح بينا يوم ما نجري فيها صغار

    نتابع فيها محتارين

    وتضحك لينا .. تفرح بينا

    يوم تلقانا مسرورين

    وَتَحِدرْ لينا ..تَغْمِزْ لينا

    هي الورتنا غَمْزَ العين

    وإنْتَ كمان ..

    وَكِتْ نلقاكَ تضحك لينا

    تفرح بينا نَقْعُدْ ليك مسرورين

    وَشِّكْ زين ..

    والعَاجِبْنَا ماهاميك

    قَبُلْ نَلقاك ..

    نَفَتِّشْ فيكي نلقاك كيف

    ومن نَلْقَاك يجينا الخوف

    نشوف فوق وَشِّكْ ألَفْ سؤال

    وما نَعْرِفْ نقولهم كيف ؟

    ونبدأ بي سؤال معروف

    عيونك ديل نَجَفْ للزَينَّه

    وليّ عشان لزوم الَشُوفْ ؟

    بخاف عينيك مِتْلَ النيل

    وَكِتْ ما يخاف وقوع القيف

    ويخاف الناس علي قيفاتو

    تمشي تقيف ..

    ونحن نخاف سواد عينيك

    ونتعمد نجيها قريب

    وهِيْ الهَدَّامَه زي القيف

    بريئه وغامضه زي الليل

    تَبْهَرْ وحاده زي السيف

    يوم شفناك غلبنا نقول

    لأنو الفرحه يوم ما تزيد

    تَخَلِّي الزول يِغَلْبُه القول

    وإنتي اللينا كنتي الوَحَيّْ

    وكت مايجيني نص الليل

    يصحيني وأجيب قلمي

    وأقول فيك قول

    وإنتي الناسيه ماهاميك

    لانك كامله خاتيه القول

    قبل القاك وتسمعي مِنِّيْ حلو القول

    كَتَبْتَ كتير وكُتَّ شجاع

    ومن شفتك جيتك أسبق الخطوات

    شايل اللهفه بين إيدي

    وقلت الليله ساعه أقول

    ومن سَلَّمْتَ طَارْ القول

    طار القول ..

    وعارفك إنتي نَبْعَ القول

    وعارفك كامله خَاتْيَّه القول

    وبرضو رزينه ماهاميك

    وأَحْسَنْ تَبْقِي ماهاميك

    عشان نعرف نَسَوِّي القول
    • الرجوع الى أعلى الصفحة
    روان
    روان
    روان
    عضو مشارك
    عضو مشارك


    عدد المساهمات : 115
    • مساهمة رقم 4

    مجموعة قصائد للاستاذ مصطفي ود المأمور Empty رد: مجموعة قصائد للاستاذ مصطفي ود المأمور

    مُساهمة  روان الجمعة سبتمبر 18, 2009 3:12 am

    قلبي التِعِبْ

    أَحَيَّ يا وَجَعْ القَلِبْ

    الحاسِّي بى نَتَحِيكْ جُوَايّْ

    وراكا في أصْعَبْ دَرِبْ ..

    وأنا حافي في عَتْمَةْ مَسَاى

    عارف قليبي معاك تعب

    ورينِّى شِنْ داير معاى ؟

    * * *

    لما شفتك في مشيكا

    هالىِّ تِتْقَدَّلْ وجَايْ

    كانت أول دُرَّه ليكا

    دُرَّه ما بْتَشَبهْ غناي




    والوحيده الفي عينيكا

    ضُوقَا وإسْتَطْعَمْ غناي

    ضُوقْ قصايد المشتهيكا

    وشوفني لما أنِمْ بَرايّْ

    مِسْتَغرِب إني نَظَمْتَّ ليكا

    وإنت سِنَّكْ زيّْ جَنَاىّْ !!

    يا صغير كلمني عنك

    يا اخي اتونس معاي

    أحكي لي بصفاك وحنك

    احكي لي روق صفاي

    ورّي كيف عيني خشَّنّك

    لما كان أول لقاي

    وكيف بقيت تلهم بفنك

    وتزكي الهامي الجواي

    يا صباح عيد الأضاحي

    يا نَغَمْ من دُفْ ونَايّْ

    ياعِطِرْ روح الأقاحي

    حَرَّكْ الأشعار جُوَايُّ

    يا شَمِسْ تشرق صباحي

    كيف عِشِقْتَكْ زي ضُحَايّْ ؟

    يا أبو الوجه الصباحي ..

    إنت قمة مشتهاي

    كنت قبلك نظمي شَاحِيّْ

    في معاناتي وأسايّْ

    ما بَسَطِّرْ غير نُواحِيّْ

    فَقْدِ حِبَانِّي وجَنَاي

    شفتك إنْدَمَلتْ جراحي

    وعْدتَّ ليّْ إلهام صِبَايّْ

    مافي شيء زاد لي قماحي

    وهدَّ فيني صواب هُدَايّْْ

    إلا عينيك الرِمَاحِيّْ

    نَابْله تتقاذف حِدَايّْ

    يا اخي عينيك الملاحي

    الكاحله زى عين الظباي

    فرطقتْ عَزْمِي وسلاحي

    و جاتني في سَاتِرْ ضَرايّْ

    أنت قمحك زاد قماحي

    مَزْجَةْ اللون فيها آيّْ ..

    * * *




    ما أظن تعرف أظِنَّكْ ..

    إني شاعر من حُكَايّْ

    و الحروف لو ما كَفَنَكْ

    أو رفعتك فوق سماي

    أصلو ما تَدِّيني حِنَّكْ

    أو تساهم في هناي

    في الختام أحلف بأنَكْ

    إنت حَرَّكْتَ الجُواىّْ

    بالله ياوجع القلب

    لمتين حتنتح في جواي ؟
    • الرجوع الى أعلى الصفحة
    علياء
    علياء
    علياء
    نائب المدير العام
    نائب المدير العام


    عدد المساهمات : 152
    • مساهمة رقم 5

    مجموعة قصائد للاستاذ مصطفي ود المأمور Empty رد: مجموعة قصائد للاستاذ مصطفي ود المأمور

    مُساهمة  علياء الجمعة سبتمبر 18, 2009 3:36 am

    ده ابسط شئ من إحساسي

    صَبرتْ كَتِير ...
    أَراكِ و اِكسِير… مُسَوِر بيهُ إِحسَاسِي
    و إحساسي الدّفِين ُبركانَ
    فَوق خمدانَ ...
    وجُّوه لهِيبْ مِن اَشْمَاسي
    و كُلْمَا يِجِينِي خَاطِر قْول
    أحِسْ بي جَهْليِ و إِفلاسيِ
    لاَنْك أِنتْ اشَمل ...
    من كلام بِيْتَرجِم إِحساسِيِ
    وفي جوفِي الكتِير و كتِير
    كتيِر ماَ بِشِيلوُ قِرطاسيِ
    أتحداكِ لو عُمركِ ...
    تجمعِ و تطرحِ و تواسيِ
    تقدرِ تحصرِ المكتوب
    أو الخاتيه في راسي


    ده أنتِ مَعاَي… وفِي جوايْ
    و شِدة مانِي مُشْتَاقْ ليكْ
    شوقاً إنت ماحاسي ..
    و لوْ عَبَّرتْ مُمْكِن أصِيبْ
    أقول ليكِ أنتِ لما تغيبْ
    احِسْكِ داخل أنفاسِيِ
    نحِسَّكْ نِحنَ في الشَّهقة
    و بين الشَّهْقةَ و الَّزفرةْ
    نَحِس بي فَقدِكْ و نقَاسِيِ
    دهْ الحَاسِيُه فيِ صَحِويِ
    ولو كانْ قوليِ فيِك بِيحويِ
    أقولْ ليك ضعفه في نعاسيِ
    ولما أنوم ..!؟
    أشوفكِ في سماَيَّ نِجُومْ
    نِجُومْ بِتْحُومْ ...
    وسِطْ زغْرودةَ أعَراسيِ
    و قال في الرؤياَ ...
    راكِب ليكِ حُصَان جَامِح
    و أنَا مَاسِكْ لِجَامْ الخَيل
    و بيكِ سَابِحْ ...
    أصارعِ مْوجيِ رواسيِ
    تعرفِ ياَ صباَح خيْريِ
    و ياَ آذانِي و أجراسيِ
    انكِ جوَّه فيِ قِليْبِي
    و خاَتِيكْ تاَجْ عَليِ رأسيِ
    بَخْلان بيكِ مِنْ نفسيِِ
    و حِرَّصِي عَليكِ حُبْ دَّاْسِي
    سِنين دَاسيهُ مُتنَاسِي
    طَامرِك ليَّ فِصُّول فَرحِي
    و داخرِك ليّ في القَاسِي
    عَشان لو ضعتِ من ايِِدي
    ياَهاَ نِهاَيتِي و إِفلاسِي
    ما هِميه فقد الناسَ
    ولو عَزلونِي من ناسي ِ
    كِفَاية علي أنتِ براكْ
    تملأ دنيتي بهواك ...
    وتملك كل احْسَاسِي
    كلامِي القُلتو فيكِ كَتير ..
    و كِمين سِمعوا جُلاسِي
    اِنك أنتَ زول مُرهْف
    رَهافتكْ فِيها شي ِمُترفْ
    بِرغم صَلابة الماسِي
    فيكِ شَفافة السُولوفَانْ
    و فيكِ صِفاَتْ مِن الفُرسَانْ
    مِثال العَزم و البَاسِي
    عَظِيم فِي كُل أعَمالكْ
    صَدُوقْ فِي كُل أقوالكْ
    مُرتِبْ عَقلكْ الرَاسي ِ
    و ماَ في غَرابة و أِنتو كِرامْ ..!
    و أُمِك مِن بوادِيَّ الشَامْ
    و هي الاَمويه خاَتيه كلامْ
    و أبُوكْ فِي الحِسْبهَ عَباسِي
    و جِدَّك عَاصر الإسِلامْ
    و كان الدرقه لي و حسام
    و كَضَّب القَال أمِد راَسي ِ
    و أنتِ الليله وسَط الناسْ
    تَحْرثِ و تزْرع ِالإحِساَسْ
    و فوقي ِزرعَتِ إحِسَاسْيِ
    هَوانة الغُربه وأنتِ معاَيْ
    و مَهما تَقسَي فِيهاَ دوايْ
    و أنتِ بتِشفي ياَلآسي ِ
    كِفاية تَجِيني فِيها حَزِينْ
    و تَقرأ لي مِن (يس) ..
    و يَسمُو قَلبِي في التَحْصِينْ
    و يَخُرج كُلَ وسَواسِي
    و تَقُعد لي تَطَايبنِيْ
    تَحدِثنْي و تَونسِنيْ
    و حَدِيثكِ فِيهُ اِينَاسِي
    مَهماَ قُلتْ فِيكِ كَلامْ
    وفُقتْ وصِفْ (أبُو تَماَمْ)
    أكُونْ فِي حُفرتِي وسَاسي ِ
    ولو شِعْري ِالبَقُولُو رصِيَّنْ
    لقِيتْ اِلهَامُو هاَمِي سِنيِنْ
    يوصِف فيَكْ أحَّنْ حَنِينْ
    بُرضِكْ أظِني ماَ اجاَزِي
    و لو أدَّيتِكْ اغَلي شِيْ
    عَطاَياَ فَوقْ حِدُودْ ايِدَّيْ
    و عَددوُ يِفُوق شَعْر راَسِي
    و افَّضَل أعِد و أمِد ايِديْ
    مِليوَّن عاَم يِمرُوا عَلِي
    و أكَون بين تِلتِي و اسَداَسِي
    و أكُونْ ماَ وصلت ميس حَدِكْ
    و لو أقَدر اصِل مدك ..
    اَصِل لنِهاَيتِي وإِفلاسِي
    غِلبْتَ مَعَاكِ في الاجِزاِلْ
    و شَانْ نِتْساوي في الأفَعالْ
    بهديك كُل إحِساَسِي ...
    أقبلوُا مِني يَا إنِسانْ
    دهَ حِسْ شاَعِر نَفسْ رَحمَّنْ
    دهَ ماَ الشَيطاَنْ و ُوسَواَسِي
    ده شِعْري ِالشَايفُو انت جَدِيدْ
    و طاَلِبْ مِنْوُ تَانِي مَزِيدْ ..
    هو أبَسطْ شيْ مِنْ إحِساَسِي
    • الرجوع الى أعلى الصفحة
    علياء
    علياء
    علياء
    نائب المدير العام
    نائب المدير العام


    عدد المساهمات : 152
    • مساهمة رقم 6

    مجموعة قصائد للاستاذ مصطفي ود المأمور Empty رد: مجموعة قصائد للاستاذ مصطفي ود المأمور

    مُساهمة  علياء الجمعة سبتمبر 18, 2009 3:38 am

    سِتَّ العفاف

    الليله يا سِتَّ العفاف
    تَارِكْ هواك نَادِرْ نَدُرْ
    تارك عيون لمّاعَه دُرْ
    ضَوَايَّه زي ليلة القَدُرْ

    سبايب زي ضلام أسود

    علي الكتفين يِجُرْ

    وجوه العيون لَمْعَ النجوم
    والقَمْرَه في نُصَ الشهر

    وطفلاتنا جنب النيل

    يِغَازْلَنْ فيها في ليلة السمر

    وبي فرحه تَحْضِنْ في السحاب

    وتِضَارَّي بين صَفَقْ الشجر

    والليله يا سِتَّ العفاف

    حتى الغُنَا وحتى الشِعِرْ

    من غير وصيفْتِكْ طعمه مُرْ

    وحتى الدريب الجاب خُطَاكْ

    مُزْدَانْ و بيّْ سُنْدُسْ خُضَرْ

    حليل شِعْري وحليلو غناك

    البِهْمِي زَيّْ هَطْلَ المَطَرْ

    وحليل سلامك تاني ليّْ

    بي رَعْشَه من بَرْدَ السَحَرْ

    ويا حليل كلامك والغَزَلْ

    ويا حليل هوانا الاِنْدَثَرْ

    ويا حليل طفولة شِعْرِي فيك

    المِنْ ولِدُّتُه وَهَبْتُه ليك

    وسَاعَةْ صَرَخْ رَضَعْتُّه بيك

    وقَبُلْ إنْفَطِمْ مَاتْ وإِنْدَثَرْ

    والله يا حبي اللي كان

    وَرَاكِي قَصيِّتْ الأَتَرْ

    وعرفت إنَكْ بس بَرَاكْ

    شِعْرِي رَويُّته وانْتَشَّرْ

    و كل الزمان قلناهو فيك

    في خصلتيك وفي وجنتيك

    الأسْمَي من وصف الشِعِرْ

    إنت الرويتُّه وإنتشر

    وحتى الكلام الما أنْسَمَعْ للفصدَّه

    يا ستِّي إنتشر ..

    وحتى شُفَعْنَا الصغار

    كان في الفريق ..كان بَرَّه هم عِرْفُوا الخبر

    والليلة في لسان الكبار

    في لحظه إِتْقَالْ وإشتهر

    ووأدتي كوخ آمال صغير

    شيدته في عيونك قَصُرْ

    والشي الغريب ..

    في حُبْ بيظهر بالصُدَفْ

    وحُبْ يموت صَرَعُه القَدَرْ

    وزهرات تفرهِّدْ في مَحَلْ

    وغيرها في عِزَّ الخريف

    مات وإندثر ..

    ولكني برضو من هواك نَاذِرْ نَذُرْ

    وحَالِفْ وراك ..

    ما أقول قصايداً في بَشَرْ

    لأني من حبك لقيت

    أنه الشِعِرْ ..

    من غير وصيفتك طعمه مُرْ

    وعرفت فيك إنو الكلام

    لو سبنا سيرتك ما بِسُرْ

    والليله يا سِتْ العفَاف

    تارك هواك ..

    نَادِرْ نَدُرْ     ..
    • الرجوع الى أعلى الصفحة
    علياء
    علياء
    علياء
    نائب المدير العام
    نائب المدير العام


    عدد المساهمات : 152
    • مساهمة رقم 7

    مجموعة قصائد للاستاذ مصطفي ود المأمور Empty رد: مجموعة قصائد للاستاذ مصطفي ود المأمور

    مُساهمة  علياء الجمعة سبتمبر 18, 2009 3:43 am

    رسالة شوق

    عَليكِّي سَلَامْ ..

    سلاماً أغَلَي من غَالْيِّ

    أَكْتَرْ من نجوم الليل

    وأَحْلَي من زلال النيل

    نسيمه الضَحَوه هَباَليِّ

    معذره يا كنوز الدُرْ

    أَلَمْلِمْ شوقي ليك وأَصُرْ

    وأَرَسِّلُه ليكي إجمالي

    هَدَاهُو العام ..

    طَلَّّ وقَامْ ..

    وأنا ما قلت فيكي كلام

    ولا صَوَّرْتَ ليكْ حالي

    لا طَنْبَرْتَ لا غَنيتْ

    لا بَشَّرْتَ لا هَزيتْ

    ولا سَوَّيتْ ..

    عشان عينيك مَوَّالى

    وأنا يا حلوه ماني أبيتْ

    ولاهَا المُهْجَه فوق الليدْ

    ولو ظنيتي إني نسيت

    أوريك إنتي أحوالي

    أحلف ليكي لو جنيت

    وهَدَّوا قليبي بي (دلميت)

    بَرْضِكْ تبقي في بالي

    هَايْ يا نسمه أنساكْ كيف ؟

    وأنا تَرْبالي من الرِّيفْ

    وصادقه فِعَالي وأقوالي

    مشتاق ليك ..

    وجايِّ عليك ..

    وهسَّعْ إنتي في بالي

    تصوري إني كنت بقول

    لو أرجعْ بالزمن كَمْ حُول

    وألآقي الراحوا قبالي

    زي ( الإسكندر الأكبر )

    أساله ليك سؤال مُنْكَرْ

    ليه في بلده مافْضَالي

    ولا شَادْ ليكْ ..

    قَصُرْ في بلده وأهدي ليك

    نموذج يوجِّه الضّالي

    ومره مره إتذَّكَرْ

    وأعضِّي بناني وإتْحَسَّرْ

    عشان الماتو قبالي

    زي (درويش)

    و(سيِّد) مِتْلُه كان مافيش

    وأيضاً مات ومافْضَالي

    كت بدور يِلَحِنْ ليك

    كلام موال ويغني ليك

    وشرط الغنيه موالي

    ومره مره إتذكر

    وأعضِّي بناني وأتحسر

    عشان الماتو قبالي

    كتَّ أَقُومْ ..

    أَكُوسْ في الْلَآخْرَه (أم كلثوم)

    وأجيبها تغنِّي (أطلالي)

    إلا حِليلْ !!

    كل الرحلوا فيها قبيل

    ولا شافوك يا غالي

    دا لو حَضَرِكْ (أبو العباس)

    كان في جَامْعُه لَمَّ الناس

    و أَنْشَّدْ فيكي قُبَاليِّ

    * * * *

    وأنا .....

    أنا ما قُلْتَ فيكي كلام

    دا....

    ده حالتو سَلَامْ

    وشوق لي شَخْصِكْ الغالي

    بقيت مُحْتَار ؟

    وحشني (الرمل) و(كامب شيزار)

    و(المنشيه) في بَالِي

    معاك في (الشاطبي) و(الكورنيش)

    وَقْدَله معاك في (شارع الجيش)

    علي (الازاريطه) طواليِّ

    أريت كان لِسّه كنت هناك

    أَكَمِّلْ ليكي باقي غُنَاكْ

    وأغَرِّدْ وأطْرِبْ أجيالي

    وأشوفك كلما يْهِّلْ يوم

    وتمسحي منيِّ أي هموم

    تجيني تَعَكِّرْ أحوالي

    عليكي سلام

    أَرَسِلُه بالبريد و حمام

    أريت لو ألقي زَجَّالِي

    يلاقيك فيها إنتَ تمام

    و وصِّلْ ليكا منيِّ سَلَامْ

    و يجيبك ليَّ يا غالي
    • الرجوع الى أعلى الصفحة
    علياء
    علياء
    علياء
    نائب المدير العام
    نائب المدير العام


    عدد المساهمات : 152
    • مساهمة رقم 8

    مجموعة قصائد للاستاذ مصطفي ود المأمور Empty رد: مجموعة قصائد للاستاذ مصطفي ود المأمور

    مُساهمة  علياء الجمعة سبتمبر 18, 2009 3:49 am

    هدية للغائبة الحاضرة شهدالمنتدي.. شاهندا

    أنيس الغُرْبَه


    أنيس الغُرْبَه لو تَعْرِفْ ؟

    بَحْسِبْ ليك َ في الأيام

    تجيني و باشِّي فوقي سَلَامْ

    و أهِّزْ فوق زاتِّي مِتْكَيِّفْ

    و أَحَضْنَكْ بالقليب و إيدّيْ

    لو إنت الليله خَرْمَانْ لي

    أنا خلقوني متقريف !

    أنيس الغربه لو تعرف ؟

    كلما يفوت و يِعَدِّي يوم

    يِفُوتْ منِّي الرُقَادْ و النوم

    و أحِسْ بالشَحْتَفَه البِتْهِّفْ

    و إنت هناك لو تَعْرِفْ

    يوم المَوْعِدْ المرسوم

    بقيت في الفِجَّه ديكي أحوم

    أَلَفْلِفْ في زحاما و أَلِفْ

    كلما شُفْتَ شَبَهَكْ أَجِرْ

    و قلبي يِنُطْ صديري و يِفِرْ

    و فَرَّاتْ قَلبي لِحْقَتْ أَلِفْ

    و لِسَّعْ شوقي ليكا كتير

    و كُتْرَةْ ماهو صَابِّي غزير

    أكان رِضْعَ الشَمِسْ ما يْجِفْ

    و هل دي صعيبه لي إنسان ؟

    و صِلْ لي مرحلة إدمان ..!

    و في إدمانه مُتْطَّرِفْ ؟

    صاينك في القلب إيمان

    و حافظك في الصَدُرْ قرآن

    و سَاعيِّ عليك و مُطَّوِفْ

    و موقن أنه مؤمن بيك

    و إيماني الوصفتو إليك

    زاهِدْ فيه مُتْصّوفْ ..

    بس إنت كيف تَجِي وتَعْرِفْ

    و نتسآلْ سؤال غايبين

    ضَيَّعُوا عمرهم طاشِّينْ

    و جوفهم بالَمَحَّنه ضِعِفْ

    و شُوقُمْ كل يوم يزداد

    و هم لافيِّنْ بلا ميعاد

    و عينهم في الجَفِنْ بِتْرِف

    و في صُدْفَة زمان و مكان

    بعد ما أدمنو الأحزان ..

    تكون اللقيا في موقِفْ

    أتصَّوْر لِقَاهُمْ كيف ؟سلامن كيف ؟

    مع الزمن الغريب يِصْدِفْ

    و عارفك إنت في الميعاد

    زي الشُوكَه و العَدَّادْ ..

    علي ميناء الزمن بِتْلِفْ

    ليه الليله ياسيدي ؟

    بعد حدَّدتْ لي عيدي

    خَلَفْتَ و كنت ما بْتَخْلِفْ

    ما عارف بنشتاق ليك

    و في أقسي الظروف بنجيك

    لو في سيل و في عزَّ البَرِدْ بَرْجِفْ

    وراي النار و قدامي العنيف إعْصَارْ

    و مربوط فيه مِتْكَتِّفْ ..

    برضي أطير و أحَلِقْ ليك

    و أسقي المستحيل و أجيك

    و أخَدِّرْ في سَمَاكَ جَرِفْ

    بكره قريب علي الإصباح

    حترجع لينا بالأفراح ..

    ووصِّفْ ليك حالتي وَصِفْ

    و تحكي لي عن سفرك

    و عن بلد الحنين و أهَلَكْ

    و عن ليلنا النجومه خَزَفْ

    و حال الناس وعن أهَلِي البِقَتْ تِنْدَاسْ

    مع اللقمه البِقَتْ بالصَّفْ

    لو عايز كلام عنِّي ..

    ظروف تأخيري ما مِنِّي !

    و أنا الوَلَفْتَ بيك وِلِفْ

    و لو تأخيري أدمي حَشَاكْ

    أنا في غربه بَرْضِي معاك

    و قلبي قَدُرْ دِماكَ نَزَفْ

    كيف نعمل مع الأقدار

    دايماً فارضه فينا حِصَاْر

    تحِتْنَا و فوق سمانا سَقِفْ

    و رغم ظروفنا و الأقْدَارْ

    تَقَبَّلْ مننا الأعزار ..

    كفايه كلامك السَكَّاْر

    علي أوتار قلوبنا عَزَفْ

    سلامه قدومك الميمون

    دي جَيْتَكْ فيها ضَيَّ الكون

    إذا قمر الطبيعه خَسَفْ

    ختام القول يا لون تِبْري (بني شنقول)

    فِكِّي ليّْ قريحتي أقول و فِكيِّ ليّْ معاها حَرِفْ
    • الرجوع الى أعلى الصفحة
    سوهندا
    سوهندا
    سوهندا
    عضو ممتاز
    عضو ممتاز


    عدد المساهمات : 77
    • مساهمة رقم 9

    مجموعة قصائد للاستاذ مصطفي ود المأمور Empty رد: مجموعة قصائد للاستاذ مصطفي ود المأمور

    مُساهمة  سوهندا الجمعة سبتمبر 18, 2009 4:42 am

    شكرا ع القصائد الجميلة للمبدع الاستاذ مصطفي ولسة منتظرين منه الكثير..
    • الرجوع الى أعلى الصفحة
    علياء
    علياء
    علياء
    نائب المدير العام
    نائب المدير العام


    عدد المساهمات : 152
    • مساهمة رقم 10

    مجموعة قصائد للاستاذ مصطفي ود المأمور Empty رد: مجموعة قصائد للاستاذ مصطفي ود المأمور

    مُساهمة  علياء الجمعة سبتمبر 18, 2009 11:06 am

    القلب إتقطع

    يوم نطراك القلب يتقطع

    براهو قليبنا سقيم و موجع

    مين للقدر النازل بمنع?

    ه حال الدنيا تفرق و تجمع

    و بكره قريب الغائب برجع

    ***

    شوف البلد الماهل و أوسع

    ضاق ( بزهير ) و أنا جوه قبرني

    عشت معاي ود بلدي و سني

    و في ممفاك عجزت لأني

    محال للقدر النازل أمنع

    ***

    زهير الروح يوم قمت مودع

    جمال الناس روحتو معاكا

    زهور الدوح ذبلت طارياكا

    (تمارا) تنوح لليوم تتباكا

    وحتي اليوم عينيها بتدمع

    ***

    ات ما الزول البمرق و يقنع

    انت رحيق و خلاصة فني

    و شانك أنت الناس بتغني

    ( زهير ) العود الوترو يوني

    و برضو (كمان ) محزون و موجع

    ***

    يوم ما تعود أهديك مربع

    أنظمو ليك و يتشرف فني

    أنوي النم و حروفك يجني

    أنثرو شعري ( ونادر ) يغني

    و يلحنو ليك البيت و المطلع

    ***

    شعري الفيك ما بزيدك و يرفع

    لأنك أصلاً سامق و عالي

    و قولي الفيك كان دُرْ أقوالي

    طبيعي الدر في العين بيلالي

    و غيرك مين الدر البلمع

    ***

    حتجينا بتين يا صافي المنبع

    انت كريم ود بيت و مطبع

    ( ود النعمه ) البِحَضَرْ وبِدْفَع

    خلي الناس من خيرك تشبع

    هم فقدوك أيتامن و رضع

    ***

    أخوك ( ياكمير ) في قلوبنا تربع

    و في السودان أمثالو شويه

    وقيمة أخوك ما خافيه عليا

    أنشاء الله يعود و قريب الجيه

    و يضوي البلد الضلمه و يسطع

    ***

    و لما تعود ياود يا مجدع

    أجي في البيت ( وجمال ) مستني

    و أقابل ( سيف ) الملهم و فني

    و أجي فرحان ( للفاتح ) أهني

    و ألاقي ( مهير ) و أمال و يجني

    و أشوف ( نفوس ) بمقاما الأرفع

    ***

    زهير الوارث ( أبوه ) مشبع

    جرأه ووارثو عقل متجلي

    محال العين تختاهو تخلي

    أصلو العين المابتصلي

    من السهم النابل أسرع

    ***



    متين يا الغالي تجينا و ترجع

    و بيكا يعود الزمن الأنضر

    و تنسي الزمن العشتو مكدر

    و مهما اليوم لو طال أو قصر

    بكره حتشرق شمسو و تطلع

    ***

    عود ( يازهير ) و الناس تتجمع

    الحبان قاصدين محياكا

    و ماني براي دي الناس حاباكا

    فراش ( سنار ) لاميهو ضياكا

    بخت سنار الفيها ترعرع

    ***

    ( يا سنار ) الام المرضع

    كم أنجبتي نجوم تتساما

    من السلطنه سادو قداما

    لحدي زهير مبدع و علاما

    و غيره كتير في سماك يترصع

    ***

    عود ( يازهير ) بي سرعه و ألكع

    كل الناس مشتاقه لقاكا

    و انت الفتَّ و شوقنا معاكا

    رغم الحال الما بغباكا

    دي برضو بلدنا و أصل المنبع

    ( زهير ) في سمانا النجم البلمع

    و قمره التمّ موهج فينا

    أول دفعتو لما قرينا

    و سابع العشره الشرفو لينا

    لما أذاعو العشره اللُمَّع

    ***

    و في فشفاشنا النفس البطلع

    و باقي الشوف الفي عينينا

    ونن العين الغالي علينا

    ( زهير ) للروح بلسم يشفينا

    ( زهير ) الزهره شذاها تَضَوَّعْ

    ***

    ( زهير ) الروح لا تهم لا تجزع

    كل العُسُر الضقتو و أزاكا

    قدرو يسر مكتوب برجاكا

    و بكره تسوح في سموك و علاكا

    دي حكمة ربك يخفض و يرفع

    ***

    تعال يازول ياذوق يا أروع

    و أجي ألقاك في نعيم متهني

    و الاقي معاك اللحظو طعني

    و الاقي حسان بي وراك ماطرني

    و الاقي الكان لي حنو بنطمع

    ***

    حليلو زمنا الفاتنا و ودع

    و عندي غزال بسعدني هواهو

    معاك ( يا زهير ) اليوم بطراهو

    و كان محبوبي قليل تلقاهو

    لأنو حبيبي غزال و مَلَّوعْ

    ***

    كان في مشيهو يميل و يتْجَدَّعْ

    لما أشوفو و أقولو غناهو

    يغتي و شيهو و باهي ضياهو

    حلاتو حبيبي و ما أحلاهو

    وجّع قلبي العرس و ودع

    ***

    و حتي اليوم في صحراء و بلقع

    شوف الزمن الجاف و قساهو

    هسيَّ حبيبي هناك تلقاهو

    نفسي هواي مكتول بهواهو

    و زي كمان مشتاق لي هسع

    ***

    الخدور يوم مقلتو تدمع

    يخلي دموعي تزاري معاهو

    حبيبي تقيل كاتم لهواهو

    أريت الدنيا تشيلني معاهو

    و بعد الفرقه تلمنا تجمع

    ***

    الخدور ربوه مطبع

    رزانه و روقه و طبعه براهو

    جمال و كمال ربك أداهو

    رغم سنين الفرقه معاهو

    شفتو الليله وزايد أروع

    ***

    ( زهير ) رجعتني زمني الأروع

    و مافكرت بلاك أطراهو

    لأنك عندي الزمن و هناهو

    و عندي مثال الخل و وفاهو

    و أريت الزمن الصادق يرجع
    • الرجوع الى أعلى الصفحة
    صخر
    avatar
    صخر
    عضو نشيط
    عضو نشيط


    عدد المساهمات : 41
    • مساهمة رقم 11

    مجموعة قصائد للاستاذ مصطفي ود المأمور Empty رد: مجموعة قصائد للاستاذ مصطفي ود المأمور

    مُساهمة  صخر الجمعة سبتمبر 18, 2009 12:55 pm

    روان.. علياء .. سوهندا..
    هذا هو مصطفي ود المأمور.. كما نحب..
    كل قصيدة اروع من الاخري..
    والديوان مسموع..
    منتهي الروعه..
    اتمني تستمعوا ليهو..
    ح تستمتعوا للاخر مع هذا الهرم..
    كلمات .. القاء.. حضور..
    شكرا مصطفي وانت تمنحنا هذه الانفاس..
    ودمت رائعا
    • الرجوع الى أعلى الصفحة
    شاهندا عمر
    شاهندا عمر
    شاهندا عمر
    عضو ممتاز
    عضو ممتاز


    عدد المساهمات : 95
    الموقع : جدة - المملكة العربية السعودية
    • مساهمة رقم 12

    مجموعة قصائد للاستاذ مصطفي ود المأمور Empty رد: مجموعة قصائد للاستاذ مصطفي ود المأمور

    مُساهمة  شاهندا عمر الإثنين سبتمبر 21, 2009 4:17 am

    لما شفتك في مشيكا

    هالىِّ تِتْقَدَّلْ وجَايْ

    كانت أول دُرَّه ليكا

    دُرَّه ما بْتَشَبهْ غناي...


    شكرا ع القصائد الجميلة للرائع مصطفي ود المأمور
    • الرجوع الى أعلى الصفحة
    صخر
    avatar
    صخر
    عضو نشيط
    عضو نشيط


    عدد المساهمات : 41
    • مساهمة رقم 13

    مجموعة قصائد للاستاذ مصطفي ود المأمور Empty رد: مجموعة قصائد للاستاذ مصطفي ود المأمور

    مُساهمة  صخر الإثنين سبتمبر 21, 2009 11:09 am

    شكرا وفي انتظار باقي القصائد...
    ويا ريت الديوان كلو
    • الرجوع الى أعلى الصفحة
    mustafa wadalmamour
    mustafa wadalmamour
    mustafa wadalmamour
    مشرف عام
    مشرف عام


    عدد المساهمات : 142
    العمر : 72
    الموقع : http://wadalmamour.com/
    • مساهمة رقم 14

    مجموعة قصائد للاستاذ مصطفي ود المأمور Empty رد: مجموعة قصائد للاستاذ مصطفي ود المأمور

    مُساهمة  mustafa wadalmamour الثلاثاء سبتمبر 29, 2009 4:30 am

    https://www.youtube.com/watch?v=c5ULrntWDhw
    • الرجوع الى أعلى الصفحة
    mustafa wadalmamour
    mustafa wadalmamour
    mustafa wadalmamour
    مشرف عام
    مشرف عام


    عدد المساهمات : 142
    العمر : 72
    الموقع : http://wadalmamour.com/
    • مساهمة رقم 15

    مجموعة قصائد للاستاذ مصطفي ود المأمور Empty رد: مجموعة قصائد للاستاذ مصطفي ود المأمور

    مُساهمة  mustafa wadalmamour الثلاثاء سبتمبر 29, 2009 4:37 am

    https://www.youtube.com/watch?v=huDOZ7AWDU4
    • الرجوع الى أعلى الصفحة
    mustafa wadalmamour
    mustafa wadalmamour
    mustafa wadalmamour
    مشرف عام
    مشرف عام


    عدد المساهمات : 142
    العمر : 72
    الموقع : http://wadalmamour.com/
    • مساهمة رقم 16

    مجموعة قصائد للاستاذ مصطفي ود المأمور Empty رد: مجموعة قصائد للاستاذ مصطفي ود المأمور

    مُساهمة  mustafa wadalmamour الثلاثاء سبتمبر 29, 2009 4:42 am




    ما لانك انتي امي
    • الرجوع الى أعلى الصفحة
    mustafa wadalmamour
    mustafa wadalmamour
    mustafa wadalmamour
    مشرف عام
    مشرف عام


    عدد المساهمات : 142
    العمر : 72
    الموقع : http://wadalmamour.com/
    • مساهمة رقم 17

    مجموعة قصائد للاستاذ مصطفي ود المأمور Empty رد: مجموعة قصائد للاستاذ مصطفي ود المأمور

    مُساهمة  mustafa wadalmamour الثلاثاء سبتمبر 29, 2009 5:01 am

    • الرجوع الى أعلى الصفحة
    mustafa wadalmamour
    mustafa wadalmamour
    mustafa wadalmamour
    مشرف عام
    مشرف عام


    عدد المساهمات : 142
    العمر : 72
    الموقع : http://wadalmamour.com/
    • مساهمة رقم 18

    مجموعة قصائد للاستاذ مصطفي ود المأمور Empty رد: مجموعة قصائد للاستاذ مصطفي ود المأمور

    مُساهمة  mustafa wadalmamour الثلاثاء سبتمبر 29, 2009 10:08 pm

    • الرجوع الى أعلى الصفحة
    علياء
    علياء
    علياء
    نائب المدير العام
    نائب المدير العام


    عدد المساهمات : 152
    • مساهمة رقم 19

    مجموعة قصائد للاستاذ مصطفي ود المأمور Empty رد: مجموعة قصائد للاستاذ مصطفي ود المأمور

    مُساهمة  علياء الخميس أكتوبر 01, 2009 1:47 am

    شكرا استاذنا مصطفي وانت تنثر بيننا هذه الدرر ودمت...
    دمت مبدعا
    • الرجوع الى أعلى الصفحة
    سماهر
    سماهر
    سماهر
    عضو مشارك
    عضو مشارك


    عدد المساهمات : 152
    • مساهمة رقم 20

    مجموعة قصائد للاستاذ مصطفي ود المأمور Empty رد: مجموعة قصائد للاستاذ مصطفي ود المأمور

    مُساهمة  سماهر الخميس أكتوبر 01, 2009 2:12 am

    شكرا جميلا استاذنا الرائع ومربينا ومعودنا الاستماع الي الشعر الاصيل الرائع دوما مصطفي ود المامور...
    شكرا لما تمنحنا من فرح ودمت جميلا
    • الرجوع الى أعلى الصفحة
    سماهر
    سماهر
    سماهر
    عضو مشارك
    عضو مشارك


    عدد المساهمات : 152
    • مساهمة رقم 21

    مجموعة قصائد للاستاذ مصطفي ود المأمور Empty رد: مجموعة قصائد للاستاذ مصطفي ود المأمور

    مُساهمة  سماهر الخميس أكتوبر 01, 2009 2:16 am

    الادمن ابراهيم الصغير الرجاء مراجعة الوصلات التي ارفقها الاستاذ مصطفي....
    اان كان عدم فتحها من المنتدي
    • الرجوع الى أعلى الصفحة
    mustafa wadalmamour
    mustafa wadalmamour
    mustafa wadalmamour
    مشرف عام
    مشرف عام


    عدد المساهمات : 142
    العمر : 72
    الموقع : http://wadalmamour.com/
    • مساهمة رقم 22

    مجموعة قصائد للاستاذ مصطفي ود المأمور Empty رد: مجموعة قصائد للاستاذ مصطفي ود المأمور

    مُساهمة  mustafa wadalmamour الخميس أكتوبر 01, 2009 9:29 am

    الاستاذ ابراهيم مساء الجمال ارجو مساعدتى فى تنزيل القصائد العشره التى ارسلتها على بريدك قبل اسبوع هل وصلت ؟ ٠ وفك الروابط ليمكن فتحها من الموقع ٠ معليش اخوك فى التكنولوجيا محتاج مساعد
    • الرجوع الى أعلى الصفحة
    ابراهيم الصغير
    ابراهيم الصغير
    ابراهيم الصغير
    مدير عام
    مدير عام


    عدد المساهمات : 214
    • مساهمة رقم 23

    مجموعة قصائد للاستاذ مصطفي ود المأمور Empty رد: مجموعة قصائد للاستاذ مصطفي ود المأمور

    مُساهمة  ابراهيم الصغير الخميس أكتوبر 01, 2009 10:34 am

    علم استاذنا مصطفي وسأقوم برفعها
    ولك كل احتراماتي
    • الرجوع الى أعلى الصفحة
    mustafa wadalmamour
    mustafa wadalmamour
    mustafa wadalmamour
    مشرف عام
    مشرف عام


    عدد المساهمات : 142
    العمر : 72
    الموقع : http://wadalmamour.com/
    • مساهمة رقم 24

    مجموعة قصائد للاستاذ مصطفي ود المأمور Empty رد: مجموعة قصائد للاستاذ مصطفي ود المأمور

    مُساهمة  mustafa wadalmamour الجمعة أكتوبر 02, 2009 2:46 am

    https://www.facebook.com/group.php?gid=143278379849
    الشاعر مصطفى ودالمامور فى الفيس بوك
    • الرجوع الى أعلى الصفحة
    علياء
    علياء
    علياء
    نائب المدير العام
    نائب المدير العام


    عدد المساهمات : 152
    • مساهمة رقم 25

    مجموعة قصائد للاستاذ مصطفي ود المأمور Empty رد: مجموعة قصائد للاستاذ مصطفي ود المأمور

    مُساهمة  علياء السبت أكتوبر 03, 2009 6:32 am

    قصيدة الشيما للاستاذ مصطفي ود المأمور في مكتبة الاغنية السودانية
    يشترط التسجيل في المكتبة لقراءتها او استماعها
    • الرجوع الى أعلى الصفحة

      الوقت/التاريخ الآن هو الإثنين أبريل 29, 2024 3:44 am