اعتذارك (قصيدة)

معقولة بس يا حلوة اقبل اعتذار !!!!
بعد الحصل ؟؟؟
العندي ليك وباختصار
شوفي ليك زولاً بلاي
البينا ولى وانتهى
مهما تبكي وتندمي
ما بنرجع زي زمان
اصلو الجرح لو التام
بتفضل عللامتو مدى الحياة
..............
اعتذارك ما بداوي جروح حربنا الانتهت
ولا بداوي الم جريح فقد الامل
المسافة البينا بعدت
والفرق اصبح كبير
بعد المساوات والارض
شوفة النجوم عز النهار !!!
.......................
شيلي اعتزارك وارجعي
واتذوقي طعم الالم
خلي لبك يتكوي
ومرة واحدة اكون انا كاوي القلوب
سبب العذاب طول العمر
بالنسبة لي انت ذكرى
وقصة عابرة
مركونة في رف الخيال
ومكسية بخيوط عنكبوت
..........
مليتو حبك واكتفيت
حرة قلب وضياع عمر
باقي المشاعر ماو ليك
وتاني بقولا ليك
وتالت بقولا ليك
والف مرة بقولا ليك
اعتذارك ما بفيد
وبكرامتك ودعي
.........
اخر وعود مني ليك
محال احن ارجع واجيك؟؟
محال الاقيك باتفاق ؟؟؟
ولو صدفة لمانا القدر
البينا حيكون السلام

جميل يا حافظ
تقبل المرور

اخر وعود مني ليك
محال احن ارجع واجيك؟؟
محال الاقيك باتفاق ؟؟؟
ولو صدفة لمانا القدر
البينا حيكون السلام

قصيدة جميلة حافظ
تشكر عليها
ونحن فى انتظار المزيد
بس خليك حنين
ووحاول ارجع

شكرا لكل من تفاعل معي ... وشكراً لكل من شاركني محنتي
عزيزي جالوص .. هذه هي الدنيا احيانا تجعل من الكريم بخيل ومن الحنين قاسي وانا بشر اولا واخيرا

عزيزي (حافظ انقابو) لك التحية في هذه الرائعة التي بالتأكيد ستملء الدنيا حنيناً وعشقاً بذكرى الحبيب وقسوة المعاناة في المشوار الطويل الذي سلكته مع ملهمتك العذراء التي ربما شغلت قلبك باحضان روحها الدافئة وتخللت في دواخلك عشقاً جميلاً وروحاً طيبة
(انقدك):
عزيزي حافظ والله ربما قد عانيت مع هذه العذراء التي الهمتك كل هذه الطنين(النحل) الذي شغل دواخلك ولكن البيت الذي يقول :
معقولة بس يا حلوه اقبل عتزار
بعد الحصل؟؟؟؟؟؟؟
العندي ليك وبإختصار
شوفي ليك زولاً بلاي
تعقيب:اقولها لك صراحة انت ماذلت تعشقها عشق المجانين لما كتبته فيها من بسيت القصيد /الانسان عندما بحب حباً عذرياً تظل ذكرى محبوبته باقيتاً في قلبه ابد الدهر وعلى مشاوير السنين.. وفي اعتقادي انت مازلت تعشقها كما يغشق الطفل الرضيع امه ولو انك تركتها كما تقول في قصيدتك لما استنبط من ذكراها تلك الابيات..
ولنا يا انقابو عوده وجلسة مطولة على نفاج نشرح فيها دواخلك الخلاقة المبتدعة لذكرى الامك المدفونة