نفاج

نفاج

مساحة للوصل ونفاج نفتحه..بيننا جميعا وعبره..نحكي.. نتواصل..نتعارف..نتآلف..لنكون معا..نهر الحياة الخالد

دخول

لقد نسيت كلمة السر

المواضيع الأخيرة

» أفضل وأسهل وأكثر أنواع التجارة ربحية على الإطلاق أمان 100%
الإثنين فبراير 02, 2015 6:27 am من طرف الأميرلاي

» بستـــأذنك...
الخميس يوليو 03, 2014 8:08 pm من طرف الشاعر السماني حسن

» عاش من شافك
الثلاثاء يونيو 17, 2014 3:16 pm من طرف hamadvip

» ابدأ دخولك بالصلاة علي النبي (صلي الله عليه وسلم)
الثلاثاء يونيو 17, 2014 3:11 pm من طرف hamadvip

»  كيف يفكر الرجل ؟؟ وكيف تفكر المرأه ؟؟
الإثنين يونيو 16, 2014 1:00 pm من طرف hamadvip

» قصيدة جديدة ........ دنيا
الإثنين يونيو 16, 2014 12:53 pm من طرف hamadvip

» طيارة جات بي فوق .......... قصيدة جديده لهاشم صديق .. حفظه الله
الإثنين يونيو 16, 2014 12:49 pm من طرف hamadvip

» عشة أم حجل - هاشم صديق
الإثنين يونيو 16, 2014 12:47 pm من طرف hamadvip

» هاشم صديق - ما جاب المطر بنزين
الثلاثاء يونيو 10, 2014 5:41 am من طرف عثمان تباكي


    أنا غايتو بكره من سكات

    شاطر
    avatar
    الأميرلاي
    شاعر
    شاعر

    عدد المساهمات : 16

    أنا غايتو بكره من سكات

    مُساهمة  الأميرلاي في الأحد مايو 20, 2012 2:19 am

    أنا غايتو بكره من سكات
    أحسن من الناس البتكره في العلن
    بتجرع الأسى والنواح
    بفرش جروحي على الوطن
    لا يوم شكيت ظلم البنات
    لا سهرت هداني الشجن
    صابر مصبر فوق جرح
    باسم برغم شقى الزمن
    شلت السكات برهم جراح
    بمسحبو جرحي وكت يئن
    إيه يعني لو فاتت حبيبتي وعرست
    ما عادي كل الناس بتُبلى وتمتحن
    أو يعني إيه لو عرسها بدون رضاي
    ما كل بنات الحلة فاتن وعرسن
    وأنا كان علي
    عاجباني حالتي بدون عرس
    شن فايدة النوم في سرير
    مادام هي أصلاً ما بتحس
    شن فايدة اللبن العصير
    الباسطة والنوم بي نفس
    شن نلت منها غير شقاي
    إتكتم الأهات وأدي
    وأنا غايتو ما داير عشق
    أحسن لي منهن أنحبس
    بس لا بحب ذي الخلوق
    لا تاني في الريد بنغمس
    ما حبهن ...
    ذي لون هدومن وطرحتن
    ذي الكريم الياما بشتن بشرتن
    ذي نار هجرين ولفحتن
    ذي ضحكتن في فرحتن
    أو صرتن في زعلتن
    ذي التقول ما بعرفن
    معنى الكلام السكتن
    سرفنا قلوبنا أسى ونواح
    سرقنا عقولنا ونضرتن
    نشقى ونعاني كم نموت
    يوم يخلفن في جيتن
    وشربنا من كأس الخداع
    نسجنو من توب خمرتن
    ياخ ما كفاية هوان وزل
    لمتين حنسمع كلمتن
    لو جد رجال أولاد رجال
    ما أظن حنرضى مزلتن
    وين البنات الجد بنات
    ديل باقي حاضرنا النت
    ديل لا بنات لا الله قال
    يا ربي تقطع سيرتن
    ما ذي بناتنا الكان زمان
    ديل فارقن توب ملتن
    عرضن قلوبن بالقروش
    باعن عفافن وعفتن
    ورونا عاد بتفوتو وين
    عاد الله برفع رحمتو
    وين تلقو تاني الإنبساط
    وين تمشو تاني وتقدلو
    والله كان تتهملو
    لا زول بجيكن لي عرس
    لا دينو ذاتو يكملو
    وأنا غايتو ما بتفرق معاي
    عادي الوجع بتحملو
    بس للأسف خايف عليكن يا بنات
    باكر تجو وتتململو
    أها نحنا أعلنا الحداد
    عاد إنتو واصلو وكملو

      الوقت/التاريخ الآن هو الجمعة يناير 19, 2018 4:09 pm