منو الكتر مناحاتك
من الزرف دميعاتك
منو العتم عويناتك
مدام كل المدن وسعت
فليه ضاقت مساراتك
دوام بتقيف براك مهموم
تعيد تستنسخ أهاتك
من السواك خطوط أوهام
منوا لقصقص جناحاتك
منو الطبز عينيك بالضو
منو المسخ عباراتك
سرق منك نهاراتك
زعل منك وكت فاتك
دخل جواك وما ماتك
مرق منك وكت جاتك
مزازيكا وهتافاتك
تصاويرا وحكاياتك
مزاميرا ونكاياتك
ضلال روحا وهداياتك
زوال كونا وبداياتك
قبور الضيق براحاتك
براحا وفرحتا وذاتك
حوانيتا ومطاراتك
جلد غيرا وملاياتك
سودا لونا وبياض ذاتك
تأشيرا وجوازاتك
فيا من كنت فينا جرح
منوا لسكت مناحاتك
منوا لخلاك تكون مرسوم
على الشارع الملطخ دم
تكون مافيش وكت تسكت
تجيك كل الخلوق تنخم
تجيك شان تروى من فيضك
تصن تقعد حداك تنجم
منو السواك بشارة وفال
منو الخرب العلم بالدم
منو البجبرني أشتاق ليك
إذا كان القليب مرغم
نقيف أنا والبحر طابور
نقيف ساعات ولا بنهتم
نورك ليك وكت تسكت
تكورك فينا شان ننطم
تقيف قدامنا تتبسم
ضفاف النيل بتشتاق ليك
قدر ما تشتهيك بتجيك
تجيك تمرق تبحلق فيك
تشيل منك تخش تديك
تشيل وجعك عشان تشفيك
وتبنيلك مأذن نور
من الضلمة الملت رئتيك
فيا حزن الغلابة الطال
كفاك تشكيك
تكون جاهل تكون مجهول
تكون سائل تكون مسؤول
تكون عاقل تكون مخبول
وتتكلم تبوح وتقول
قدر صدق الكلام والقول
قد جم إتساع الطول
قدر قحتنا والبندول
قدر خوف الصغار الغول
قدر ما نشتهيك يا زول
ومالك فت من دنيانا
خليت الوراك عطشانا
ليه غشيتنا ليه غشانا
دوداي السحاب ورانا
إنو الجاتنا ما بتختانا
فرتق لمنا وبكانا
ساقنا وجابنا ليك ودانا
ذكرناك فليه تنسانا
جيت الليلة تتغبانا
ليك سنتين نسيتو هوانا
ليه نطراك وما بتطرانا
ليه إيديك بتتحاشانا
ليه فرحتنا وبكيتنا
ليه جرحتنا وداويتنا
ليه دسدستنا وتاويتنا
ليه أدبرتنا ووليتنا
ليه واعدتنا وما جيتنا
ليه وقفتنا ومشيتنا
ليه حندكتنا وكاويتنا
ليه أعلنتنا وسريتنا
ليه أدمنتنا وخليتنا
ليه من أصلو كان خشيتنا
مادام نحنا من غير باب
يمين لا غاشي لا كضاب
ولا وداي ولا جياب
ولا بتحزن وكت تنصاب
ولا بتخاف ولا بتهاب
حرام يا زول وفي وكضاب
فلا الأيام حتغفر ليك
إذا شاخ الصدق أو شاب
ولا التاريخ حيغفر ليك
ولا حضرك ولا الأعراب
أريت ننساك عشان نرتاح
عشان نمرق نجي وندخل
نشيلك في جوانا سلام
نختك في الورق كلمات
وتنزف دمنا الأقلام
فيا من كنت قبل اليوم
مراكب صالحين وسلام
خلاص أرحل كفاك إجرام
نسفت الجاي والما جاي
أكيد سمك البحر عوام
وقفت قصادنا عشرين عام
وعشقنا كان نهايتو حرام
وكل كلماتنا كان أوهام
كلام في كلام
إذا أنقطعت خيوط ذكراك
أكيد بنساك
مدام ريدك حلال وحرام
مدام بنحج بدون إحرام
بدون ما يكون أمامنا إمام
حننجح كيف بدون أقلام
حنوصل كيف
إذا كان الوراك قدام
إذا كانت تقاريرك
بتنتج عن تصاويرك
بخونك فينا تعبيرك
بتفرح بي حزن غيرك
مشيك أرضك مساميرك
أيادي الكادحين جبراً حتبنيلك
ترش أرضك ويفيض نيلك
وداير برضي أغنيلك
فكيف أقدر أغنيلك
إذا كان الوطن وطنين
إذا كان العلم علمين
إذا كان الألم ألمين
إذا كان الإسم إسمين
ودبابتين وطيارتين
إسم واحد وسط بلدين
تواريخ البلد إتنين
فكيف أقدر أغنيلك
واقيف كيفن وأشد حيلك
وأغازل ضفتك نيلك
وأكوركلك وأناديلك
تزيد تكبر قناديل
بحبك يا شمال جداً
برغم شقاي حغنيلك
من الزرف دميعاتك
منو العتم عويناتك
مدام كل المدن وسعت
فليه ضاقت مساراتك
دوام بتقيف براك مهموم
تعيد تستنسخ أهاتك
من السواك خطوط أوهام
منوا لقصقص جناحاتك
منو الطبز عينيك بالضو
منو المسخ عباراتك
سرق منك نهاراتك
زعل منك وكت فاتك
دخل جواك وما ماتك
مرق منك وكت جاتك
مزازيكا وهتافاتك
تصاويرا وحكاياتك
مزاميرا ونكاياتك
ضلال روحا وهداياتك
زوال كونا وبداياتك
قبور الضيق براحاتك
براحا وفرحتا وذاتك
حوانيتا ومطاراتك
جلد غيرا وملاياتك
سودا لونا وبياض ذاتك
تأشيرا وجوازاتك
فيا من كنت فينا جرح
منوا لسكت مناحاتك
منوا لخلاك تكون مرسوم
على الشارع الملطخ دم
تكون مافيش وكت تسكت
تجيك كل الخلوق تنخم
تجيك شان تروى من فيضك
تصن تقعد حداك تنجم
منو السواك بشارة وفال
منو الخرب العلم بالدم
منو البجبرني أشتاق ليك
إذا كان القليب مرغم
نقيف أنا والبحر طابور
نقيف ساعات ولا بنهتم
نورك ليك وكت تسكت
تكورك فينا شان ننطم
تقيف قدامنا تتبسم
ضفاف النيل بتشتاق ليك
قدر ما تشتهيك بتجيك
تجيك تمرق تبحلق فيك
تشيل منك تخش تديك
تشيل وجعك عشان تشفيك
وتبنيلك مأذن نور
من الضلمة الملت رئتيك
فيا حزن الغلابة الطال
كفاك تشكيك
تكون جاهل تكون مجهول
تكون سائل تكون مسؤول
تكون عاقل تكون مخبول
وتتكلم تبوح وتقول
قدر صدق الكلام والقول
قد جم إتساع الطول
قدر قحتنا والبندول
قدر خوف الصغار الغول
قدر ما نشتهيك يا زول
ومالك فت من دنيانا
خليت الوراك عطشانا
ليه غشيتنا ليه غشانا
دوداي السحاب ورانا
إنو الجاتنا ما بتختانا
فرتق لمنا وبكانا
ساقنا وجابنا ليك ودانا
ذكرناك فليه تنسانا
جيت الليلة تتغبانا
ليك سنتين نسيتو هوانا
ليه نطراك وما بتطرانا
ليه إيديك بتتحاشانا
ليه فرحتنا وبكيتنا
ليه جرحتنا وداويتنا
ليه دسدستنا وتاويتنا
ليه أدبرتنا ووليتنا
ليه واعدتنا وما جيتنا
ليه وقفتنا ومشيتنا
ليه حندكتنا وكاويتنا
ليه أعلنتنا وسريتنا
ليه أدمنتنا وخليتنا
ليه من أصلو كان خشيتنا
مادام نحنا من غير باب
يمين لا غاشي لا كضاب
ولا وداي ولا جياب
ولا بتحزن وكت تنصاب
ولا بتخاف ولا بتهاب
حرام يا زول وفي وكضاب
فلا الأيام حتغفر ليك
إذا شاخ الصدق أو شاب
ولا التاريخ حيغفر ليك
ولا حضرك ولا الأعراب
أريت ننساك عشان نرتاح
عشان نمرق نجي وندخل
نشيلك في جوانا سلام
نختك في الورق كلمات
وتنزف دمنا الأقلام
فيا من كنت قبل اليوم
مراكب صالحين وسلام
خلاص أرحل كفاك إجرام
نسفت الجاي والما جاي
أكيد سمك البحر عوام
وقفت قصادنا عشرين عام
وعشقنا كان نهايتو حرام
وكل كلماتنا كان أوهام
كلام في كلام
إذا أنقطعت خيوط ذكراك
أكيد بنساك
مدام ريدك حلال وحرام
مدام بنحج بدون إحرام
بدون ما يكون أمامنا إمام
حننجح كيف بدون أقلام
حنوصل كيف
إذا كان الوراك قدام
إذا كانت تقاريرك
بتنتج عن تصاويرك
بخونك فينا تعبيرك
بتفرح بي حزن غيرك
مشيك أرضك مساميرك
أيادي الكادحين جبراً حتبنيلك
ترش أرضك ويفيض نيلك
وداير برضي أغنيلك
فكيف أقدر أغنيلك
إذا كان الوطن وطنين
إذا كان العلم علمين
إذا كان الألم ألمين
إذا كان الإسم إسمين
ودبابتين وطيارتين
إسم واحد وسط بلدين
تواريخ البلد إتنين
فكيف أقدر أغنيلك
واقيف كيفن وأشد حيلك
وأغازل ضفتك نيلك
وأكوركلك وأناديلك
تزيد تكبر قناديل
بحبك يا شمال جداً
برغم شقاي حغنيلك
» أفضل وأسهل وأكثر أنواع التجارة ربحية على الإطلاق أمان 100%
» بستـــأذنك...
» عاش من شافك
» كيف يفكر الرجل ؟؟ وكيف تفكر المرأه ؟؟
» قصيدة جديدة ........ دنيا
» طيارة جات بي فوق .......... قصيدة جديده لهاشم صديق .. حفظه الله
» عشة أم حجل - هاشم صديق
» هاشم صديق - ما جاب المطر بنزين