مشكلة دولية ..

فيها كلام كتير يا ابراهيم ياخوى

بس المشكلة في منو
في مصدر الغنية
ولا في البشتري الشريط او ينقلها من الكمبيوتر
ولا في البسمعها
ولا كمان الغنية تعبر عن مشاكلنا وبتعكس حاجات ما عايزين نسمعها

موضوع جميل يا ابراهيم ..
هذا ما يطلق عليه الغناء الهابط
ولا ادري لماذا سمي بهذا الاسم ..
اغاني كثيرة مثل ( قنبلة ومهند ونور ) وغيرها يتناولها الشباب ويتفاعلون معها اكثر من تفاعل احدهم مع العاقب محمد حسن
يا حبيبي ظمأت روحي وحنت للتلاقي
وهفا قلبي الي الماضي وناداني اشتياقي ..
تحياتي

والله ياابراهيم فتحت ليك موضوع اصلا هو بتناقش يوميا بين الناس وحتى الناس وصلو الى تقسيم الغناء الى هابط وغير هابط وكلو زول عندو معيار للتقسيم دى
فى ناس طبعا بيعجبهم الهجيج ولابيفكرو فى الفنان قال شونو الحكاية عندهم جوطة وخلاص وهذه النوعية كثر ودى زى الاغنية السمعتها انت دى
وفى اخرين بيسمعو الاغانى على حسب كلماتها ويفهموها ويفسروها وديل مابيسمعو الاغانى الماعندها معنى وهم اقلية
وفى اخرين ليس لهم شقلة بالاغانى من اساسو
وطبعا لكل نوعية من النوعيات السابقة عندهم شعراء وفنانين
ولكم ودى واحترامى