المريخ يتعادل مع الجيش

المريخ بشق الانفس وبعد تعب شديد جدا يتعادل مع فريق اسمو الجيش
المريخ به اغلى لعيبة داخل افريقيا ويتعادل فى استاده مع الجيش
والله فريق الجيش دى لا عندو كورة ولاعندو علاقة بيها
لكن لقى ليهو حمام ميت اسمو المريخ واتفسح فيه
فريق المريخ دفاعاته شوارع وليس له مهاجمين قال راجى قال
كاسروكا والله دى اسمو يكتبو كيف ماعارف
والله نصيحة اخو لى جمال الوالى قروشك البتدفع فيها دى احسن تعمل بيها مشاريع فى الجنوب لكى تكون الوحدة جازبة
هسع القروش الدفعوها فى وارقو بس تملا كم باخرة لمساعدة غزة
ودالصغيرة ندعوكم بكرة لمشاهدة سيد البلد

ما مشكلة يا نور الدين
نشوفكم بكرة
انت ومحمد احمد اخوي الا تشوفوا ليكم بلد
طبعا شغال لي تلفونات من الكورة انتهت
لكن خليهو بكرة كان ما اخدتو 7
تشوف

ازيكم يا نور وابراهيم
اشبعوا شماته يا هلالاب لكن ليكم يوم ..
دا انا ح اشمت فيك شماته يا نور بكرة .
كويييييييييييييييييييييييييس ..

منقول من صحيفة قون
نشرت: 18/07/2010 - 04:28 عدد رقم 6788
((• هتفت جماهير المريخ بشدة ضد لاعبيها بعد تواضعهم في مباراة الامس امام الجيش وظلت تهتف لفترات طويلة (الليق .. الليق ياعواليق) مطالبة باقالة الجهاز الفني ومحاسبة المتقاعسين والمتخاذلين من اللاعبين بجانب استدعاء المحترفين بعد تواضعهم في مباراة الامس))

المصدر:صحيفة قون
المفروض يهتفو برضو ضد جمال الوالى البدفع سااااكت دى
عليك الله هسع وارغو دى القروش البيصرف وزير عندنا مايصرف
والله كان القروش الادوها لى وارغو دى كان فتحت بيوت لى المتشردين وكان وكان
ميزانية وارغو اكبر من ميزانية محلية
والله نحن ماشمتانين لكن زعلانيين

نور ازيك
هو الهلال دا محترفيه بيلعبوا مجان ؟؟

راحيل اهلا وسهلا
راحيل انتى عارفه وارغو اشتروهو بى كم اسالى ابراهيم
القروش الاشتروهو بيها تشترى لعيبة الهلال كلهم بى محترفيهم
وبرضو النفطى شوفى سعرو كم ويضيع فى ضربات الجزاء

سلام كتير لجميع المريخاب
والله المريخاب ديل حاقدين بشكل ::::::::::
احكى ليكم قصتهم:
لما الهلال هزم فريق كابس يونايتد قالو هذا الفريق حمام ميت وليه الحق الهلال يهزمو وطبعا ماتنسو هم جمهورهم زعلان منهم من يوم التعادل وطوالى بعد ماكذبو كذبة الحمام الميت دى صدقوها وقالو نلعب مع الحمام دى يقصدو كابس يونايتد عشان نرضى جمهورنا وقالو مادام الهلال اداهو خمسة نحن نديهو عشرة ونضرب عصفورين بحجر واحد اول حاجة ننقص للهلالاب فرحتهم والحاجة الثانية نرضى جمهورنا ونرفع معنويات لعيبتنا وبينى وبينكم هم لعيبتهم ديل محتاجين يرفعو ليهم معنويات بعد الدولارات البياخدوه دى
وانقلب السحر على الساحر
وهزم المريخ كابس امس 3\2
وتبخرت احلام العشرة
ودخلو فى مهزلة اخرى
واثبتو انهم حمام لاقى حمام زى ماقالو
والنتيجة عدد اهداف الحماميين =5= اهداف الهلال
والى اللقاء فى قصة اخرى
ولكم ودى واحترامى مشجعى الوصيف