النص
معذورة كان رضعت
حليب الحوجه من ضرع الزمن
مبهوره في الحال الصبح
الحفله في فراش الحزن
مجبوره والوالد قبل كمين سنه
راقد مغطيهو الكفن
والحاجه قبال كم شهر
معذوره اعصابه اترخن
دى امونه بت ام الحسن
غقانه في بحر الحزن
حتى الاجازة مشت سريع
ايامه عدن وروحن
زادت وحايح الوجعه في ليل الوهن
قامت تناضم في السكات
انا شن اسو والمدرسه
بتفتح بعد اسبوع اظن
لكن خلاص
باكر دواوين الحكومه بيفتحن
باكر بمش
يدوني من حق الله شي
او القى لي زولا يحن
من الصباح
لفحت طريحة الحوجه
غطت راسه زين
بسم الله دراج المحن
وصلت تدافر في الصفوف
ما هم كتار الزيها
بالحوجه عاصرم الزمن
لكن لقت حاجات
هي ماحسبت حسابا
وليها ما كان هي بتظن
لقت الموظف زول سمين
ختالا كم شرطا صعيب
لآمن عيونا اترقرقن
قاليها يابت ياغشيمه
لازم تقدمي لي طلب
مرفق معاهو شهاده
تثبت موت ابوك
والتانيه مضمونه بيقول
معذور هامك مابتمش
والتالته بتخص السكن
رجعت علي بيتا العصر
ودموعا بللن القميص
دماع غبينه بحرقن
قعدت تفكر في الهموم
الكلو يوم زايدالها طن
قالت تخلي المدرسه
لكن سريع اتذكرت
دي وصيه المات واندفن
مربوطه بالعفو السماح
البيهن انصلح الزمن
مسكينه فيها مصايب الدنيا اترمن
مهمومه ما لاقيالا حل
غير حل وحيد
كانت هي رافضاهو كم زمن
انك تمد ايدك تقول
لله ولا يضيرك زمن
لله يجيرك ربي من كل المحن
لله ولا تضوق الوهن
قالت تكلم في النفس
لكن كمان ديل مسلمين
وفي الامه حير اتوسمت
اتسلفت من جارتا
طرقي وشبط
مرقت علي السوق الكبير
لي كل جراحا اتانطت
قعدت تكلم في البشر
ابوي ميت وهسي جات المدرسه
محتاجه لي حق الدفاتر واللبس
ومعاهو بس طرحه وشبط
لكن عجيب كل البتمشي بتسالو
ردى ليها وبي برود
يابتي فايتك بالصبر
كل الوجوه اتصرصرت
لكن في واحد
شكلو كان زولا عطوف
قشقش دموعا وآزره
مسكينه في حضنو اترمت
قاليها مشكلتك بحلها كلها
وفوق لي ده كلو
كمان بلاقيلك شغل
يكفيكي من شر الشؤال
ومن مده الايد والزلل
وكمان يكون بعد الضهر
انا اصلي زول ساكن وحيد
من الصباح بمش الشغل
بديكي مفتاح شقتي
ولامن تعودي من الدروس
بس رتبي البيت والمحل
وبديكي ميتين في الشهر
ركبت معاهو ووصله
لي شقتو شان تعرف العنوان
وباكر ماتضل
دخلت علي الشقه المزخرفه بالتحف
بي خفه دافعه كان امل
فرحان هميها مصدقه
زي اللقت خاتم المنى
او يا خدي بس ليله القدر
لكن سريع اتوجست
لمن حست فحأه بالباب انقفل
تاريهو كان في سرو ضامر ليها شر
قاليها نحنا برانا في هذا المحل
مامعانا فيهو ولا بشر
اتمنعت لاواها لاوتو حت فتر
فلتت ونطت من بعيد
قالت تموت بي غزه بي عفه وطهر
قالت تموت افضل كتير من انها
تلطخ شرف ساقنو بالعرق اليشر
ماتت وعاشت فينا تمثال للطهر
ماتت وعاشت فينا تمثال للطهر
معذورة كان رضعت
حليب الحوجه من ضرع الزمن
مبهوره في الحال الصبح
الحفله في فراش الحزن
مجبوره والوالد قبل كمين سنه
راقد مغطيهو الكفن
والحاجه قبال كم شهر
معذوره اعصابه اترخن
دى امونه بت ام الحسن
غقانه في بحر الحزن
حتى الاجازة مشت سريع
ايامه عدن وروحن
زادت وحايح الوجعه في ليل الوهن
قامت تناضم في السكات
انا شن اسو والمدرسه
بتفتح بعد اسبوع اظن
لكن خلاص
باكر دواوين الحكومه بيفتحن
باكر بمش
يدوني من حق الله شي
او القى لي زولا يحن
من الصباح
لفحت طريحة الحوجه
غطت راسه زين
بسم الله دراج المحن
وصلت تدافر في الصفوف
ما هم كتار الزيها
بالحوجه عاصرم الزمن
لكن لقت حاجات
هي ماحسبت حسابا
وليها ما كان هي بتظن
لقت الموظف زول سمين
ختالا كم شرطا صعيب
لآمن عيونا اترقرقن
قاليها يابت ياغشيمه
لازم تقدمي لي طلب
مرفق معاهو شهاده
تثبت موت ابوك
والتانيه مضمونه بيقول
معذور هامك مابتمش
والتالته بتخص السكن
رجعت علي بيتا العصر
ودموعا بللن القميص
دماع غبينه بحرقن
قعدت تفكر في الهموم
الكلو يوم زايدالها طن
قالت تخلي المدرسه
لكن سريع اتذكرت
دي وصيه المات واندفن
مربوطه بالعفو السماح
البيهن انصلح الزمن
مسكينه فيها مصايب الدنيا اترمن
مهمومه ما لاقيالا حل
غير حل وحيد
كانت هي رافضاهو كم زمن
انك تمد ايدك تقول
لله ولا يضيرك زمن
لله يجيرك ربي من كل المحن
لله ولا تضوق الوهن
قالت تكلم في النفس
لكن كمان ديل مسلمين
وفي الامه حير اتوسمت
اتسلفت من جارتا
طرقي وشبط
مرقت علي السوق الكبير
لي كل جراحا اتانطت
قعدت تكلم في البشر
ابوي ميت وهسي جات المدرسه
محتاجه لي حق الدفاتر واللبس
ومعاهو بس طرحه وشبط
لكن عجيب كل البتمشي بتسالو
ردى ليها وبي برود
يابتي فايتك بالصبر
كل الوجوه اتصرصرت
لكن في واحد
شكلو كان زولا عطوف
قشقش دموعا وآزره
مسكينه في حضنو اترمت
قاليها مشكلتك بحلها كلها
وفوق لي ده كلو
كمان بلاقيلك شغل
يكفيكي من شر الشؤال
ومن مده الايد والزلل
وكمان يكون بعد الضهر
انا اصلي زول ساكن وحيد
من الصباح بمش الشغل
بديكي مفتاح شقتي
ولامن تعودي من الدروس
بس رتبي البيت والمحل
وبديكي ميتين في الشهر
ركبت معاهو ووصله
لي شقتو شان تعرف العنوان
وباكر ماتضل
دخلت علي الشقه المزخرفه بالتحف
بي خفه دافعه كان امل
فرحان هميها مصدقه
زي اللقت خاتم المنى
او يا خدي بس ليله القدر
لكن سريع اتوجست
لمن حست فحأه بالباب انقفل
تاريهو كان في سرو ضامر ليها شر
قاليها نحنا برانا في هذا المحل
مامعانا فيهو ولا بشر
اتمنعت لاواها لاوتو حت فتر
فلتت ونطت من بعيد
قالت تموت بي غزه بي عفه وطهر
قالت تموت افضل كتير من انها
تلطخ شرف ساقنو بالعرق اليشر
ماتت وعاشت فينا تمثال للطهر
ماتت وعاشت فينا تمثال للطهر
» أفضل وأسهل وأكثر أنواع التجارة ربحية على الإطلاق أمان 100%
» بستـــأذنك...
» عاش من شافك
» كيف يفكر الرجل ؟؟ وكيف تفكر المرأه ؟؟
» قصيدة جديدة ........ دنيا
» طيارة جات بي فوق .......... قصيدة جديده لهاشم صديق .. حفظه الله
» عشة أم حجل - هاشم صديق
» هاشم صديق - ما جاب المطر بنزين