الاهداء من الشاعر
إلي ( زُبْدَة دار جعل ) : بابكر عبد الرحمن ...
النص
ياخيِّ الشعــــــــــر زوَّد عليا جراحى
وحب نهله القبيل ظنيتو نايم ، صاحى
الخلاني اْجِــن ، ويلتِق مسايا صباحى
عينيها التَسكِّر تتحدى خمْرة راحــــى
وشن معني القصيد لوما بينصف سيدو
شن معني الغني لويدمي جرحك يزيدو
شن معني الحبيب لو مايقاسمك ريــدو
أنساو إن نساك ، أوعاك تعود لي قيدو
ما العـــــــالم بخير ماطالَ عايش فيهو
بابكر التلِـــِب ، كلِّــــــــم غناكا يجيهو
أنساهو الغرام وظَّف قصيدك ليهــــــو
رضَّاي الحِرِد رجَّاع البِضِلُّو يتيهـــــو
بالباء بيفقد الجار وبِيعرف الحاصــــل
بيطرق بابو ، ما بِهاتفو ما بِراســـــــل
للضيفان بِهوش ، ماهو البِخِبْ متكاسل
أجواداً نسيم ، ماهو البِشـِــــــح متفاسل
بالألف الرجاله أدوها ليهو براهــــــــو
عالياً في القدُر ، سمحاً بعيده سماهــــو
يارب العباد سيد الجــميع وإلآهـــــــــو
طوِلّو العُمر .. ما تفضِّي يوماً فاهــــــو
بالباء بروِّض الكلمه الخيولا عنيـــــده
هدهاد الضعيف ، جيَّاب المحال وبعيده
ود شيخ العرب ، فخـــــر القبيله وسيدا
قضَّاي الغروض ، نادراً خصالو فريده
بالكاف .. كريماً يحاكي عينة الطَرفــه
كرماً عن جدود ماجاو غلـط لا صدفه
من المك زمان نهل العلــم والعِرفـــــه
زبدة دار جعل رب الحنان والإلفـــــه
بالراء .. رحيماً ربي يحفظــو لينــــا
علَّمنا الكتير ، دسْدَس مرُوُّتو فينـــــا
حادينا اللمين وكتيـــن يتــوه حادينــا
مِدرار الخريف وكتين يقـــــط وادينا
مهما أقول كلام القاهــــو فيهو مقصِّر
لا قدرو الحروف لا قولي ليهو بشكِّر
الخلاني اْحاول لي محاسنو أسطِّــــر
بساماً ضحوك ماهو العبوس ومكشِّر
سيد الرجال من راجا لآ عِنْ شنـدى
تنفق باليمين مـن غير يسارك تدرى
ليِّن في الحديث ما كان كلامك زندي
نسامــك يفوح زى نفحـــة الباشندى
حدْ ما اخت وصف ألقاك تنُطْ بي فوقو
سميتك نهار ، لملم معــاكا شروقــــــو
توَّجتك قمر ، أجَّل وراكا مروقــــــــو
علّيِتك سما ، مات البحــر بي شوقـــو
فتَّرتَ الحروف خِجلت وراك أوصافي
فتَّشتَ الوصف ما لقيت كلامــــاً شافي
الخلاني أشوف كل القصيــــد ما كافي
بحــــــراَ في السماح مابِمسكنُّو مرافي
فايض بالكرم ، دايماً مياهــــــو دميره
وصَّال للبعيد ماشفنا إيــــــــدو قصيره
مِنْشَر في المدي ، خيراتو ديمـه وفيره
لا بعرف ضفاف لا ببني فيهـو جزيره
يتشَهَّى التراب لو يمشي يـــوم بي فوقو
وياتْ من في الأرض يتمني يلبس ذوقو
الخلانى اْبيـــع كل الكــــــلام في سوقـو
زى قِبلي الخريف دايماً صَدوقه بروقـو
إن مشي في الأرض أسداً قدل في عرينو
ما بغفل ينــــــوم ، دايماً مِفتِّحه عينــــــو
الخلاني اْريـــــــدو وطوّاَلي أبقــي مدينو
شفاف الضمير دايماً طُــوال إيدينـــــــــو
الدُّخري اللزوم ماهــو البينضُم ســـــاي
أب قولاً صحيح دايماً سديـــــــــد الراي
الخــلاني انِمْ واتباهي بيهــــــــــو غناي
مدحك يا العشم طيَّرني فوق لي سمــاي
وراني الطريق ركَّبلي ريش وجنــــاح
علَّمني الغُنا ، خلاني أنضم صــــــــاح
وسَّعلي الدروب سوَّالي سُــــوح وبراح
هدهد جروحي جواي علَّم شقاي يرتاح
بتقول العرب خير الكــــــــلام في قليلو
ولو كان البحــــــــــر حِبراً مِستِّف نيلو
وأغصان الشدر قلمي البدور أحكيلــــو
ما بَوْصِف بهاك ، لو تاني جابو مثيلــو
وكل القُتو فيك ما بسوَى مثقـــــال ذره
أوصـــافك كتار ، توبن جديد ما انفرَّه
جافاني القصيد وكتين وصفتك ، فـرَّه
إعتذر القلم ما يسوي بعـــــــــدك جره
إلي ( زُبْدَة دار جعل ) : بابكر عبد الرحمن ...
النص
ياخيِّ الشعــــــــــر زوَّد عليا جراحى
وحب نهله القبيل ظنيتو نايم ، صاحى
الخلاني اْجِــن ، ويلتِق مسايا صباحى
عينيها التَسكِّر تتحدى خمْرة راحــــى
وشن معني القصيد لوما بينصف سيدو
شن معني الغني لويدمي جرحك يزيدو
شن معني الحبيب لو مايقاسمك ريــدو
أنساو إن نساك ، أوعاك تعود لي قيدو
ما العـــــــالم بخير ماطالَ عايش فيهو
بابكر التلِـــِب ، كلِّــــــــم غناكا يجيهو
أنساهو الغرام وظَّف قصيدك ليهــــــو
رضَّاي الحِرِد رجَّاع البِضِلُّو يتيهـــــو
بالباء بيفقد الجار وبِيعرف الحاصــــل
بيطرق بابو ، ما بِهاتفو ما بِراســـــــل
للضيفان بِهوش ، ماهو البِخِبْ متكاسل
أجواداً نسيم ، ماهو البِشـِــــــح متفاسل
بالألف الرجاله أدوها ليهو براهــــــــو
عالياً في القدُر ، سمحاً بعيده سماهــــو
يارب العباد سيد الجــميع وإلآهـــــــــو
طوِلّو العُمر .. ما تفضِّي يوماً فاهــــــو
بالباء بروِّض الكلمه الخيولا عنيـــــده
هدهاد الضعيف ، جيَّاب المحال وبعيده
ود شيخ العرب ، فخـــــر القبيله وسيدا
قضَّاي الغروض ، نادراً خصالو فريده
بالكاف .. كريماً يحاكي عينة الطَرفــه
كرماً عن جدود ماجاو غلـط لا صدفه
من المك زمان نهل العلــم والعِرفـــــه
زبدة دار جعل رب الحنان والإلفـــــه
بالراء .. رحيماً ربي يحفظــو لينــــا
علَّمنا الكتير ، دسْدَس مرُوُّتو فينـــــا
حادينا اللمين وكتيـــن يتــوه حادينــا
مِدرار الخريف وكتين يقـــــط وادينا
مهما أقول كلام القاهــــو فيهو مقصِّر
لا قدرو الحروف لا قولي ليهو بشكِّر
الخلاني اْحاول لي محاسنو أسطِّــــر
بساماً ضحوك ماهو العبوس ومكشِّر
سيد الرجال من راجا لآ عِنْ شنـدى
تنفق باليمين مـن غير يسارك تدرى
ليِّن في الحديث ما كان كلامك زندي
نسامــك يفوح زى نفحـــة الباشندى
حدْ ما اخت وصف ألقاك تنُطْ بي فوقو
سميتك نهار ، لملم معــاكا شروقــــــو
توَّجتك قمر ، أجَّل وراكا مروقــــــــو
علّيِتك سما ، مات البحــر بي شوقـــو
فتَّرتَ الحروف خِجلت وراك أوصافي
فتَّشتَ الوصف ما لقيت كلامــــاً شافي
الخلاني أشوف كل القصيــــد ما كافي
بحــــــراَ في السماح مابِمسكنُّو مرافي
فايض بالكرم ، دايماً مياهــــــو دميره
وصَّال للبعيد ماشفنا إيــــــــدو قصيره
مِنْشَر في المدي ، خيراتو ديمـه وفيره
لا بعرف ضفاف لا ببني فيهـو جزيره
يتشَهَّى التراب لو يمشي يـــوم بي فوقو
وياتْ من في الأرض يتمني يلبس ذوقو
الخلانى اْبيـــع كل الكــــــلام في سوقـو
زى قِبلي الخريف دايماً صَدوقه بروقـو
إن مشي في الأرض أسداً قدل في عرينو
ما بغفل ينــــــوم ، دايماً مِفتِّحه عينــــــو
الخلاني اْريـــــــدو وطوّاَلي أبقــي مدينو
شفاف الضمير دايماً طُــوال إيدينـــــــــو
الدُّخري اللزوم ماهــو البينضُم ســـــاي
أب قولاً صحيح دايماً سديـــــــــد الراي
الخــلاني انِمْ واتباهي بيهــــــــــو غناي
مدحك يا العشم طيَّرني فوق لي سمــاي
وراني الطريق ركَّبلي ريش وجنــــاح
علَّمني الغُنا ، خلاني أنضم صــــــــاح
وسَّعلي الدروب سوَّالي سُــــوح وبراح
هدهد جروحي جواي علَّم شقاي يرتاح
بتقول العرب خير الكــــــــلام في قليلو
ولو كان البحــــــــــر حِبراً مِستِّف نيلو
وأغصان الشدر قلمي البدور أحكيلــــو
ما بَوْصِف بهاك ، لو تاني جابو مثيلــو
وكل القُتو فيك ما بسوَى مثقـــــال ذره
أوصـــافك كتار ، توبن جديد ما انفرَّه
جافاني القصيد وكتين وصفتك ، فـرَّه
إعتذر القلم ما يسوي بعـــــــــدك جره
الثلاثاء مايو 22, 2018 4:35 pm من طرف ابراهيم الصغير
» أفضل وأسهل وأكثر أنواع التجارة ربحية على الإطلاق أمان 100%
الإثنين فبراير 02, 2015 6:27 am من طرف الأميرلاي
» بستـــأذنك...
الخميس يوليو 03, 2014 8:08 pm من طرف الشاعر السماني حسن
» عاش من شافك
الثلاثاء يونيو 17, 2014 3:16 pm من طرف hamadvip
» كيف يفكر الرجل ؟؟ وكيف تفكر المرأه ؟؟
الإثنين يونيو 16, 2014 1:00 pm من طرف hamadvip
» قصيدة جديدة ........ دنيا
الإثنين يونيو 16, 2014 12:53 pm من طرف hamadvip
» طيارة جات بي فوق .......... قصيدة جديده لهاشم صديق .. حفظه الله
الإثنين يونيو 16, 2014 12:49 pm من طرف hamadvip
» عشة أم حجل - هاشم صديق
الإثنين يونيو 16, 2014 12:47 pm من طرف hamadvip
» هاشم صديق - ما جاب المطر بنزين
الثلاثاء يونيو 10, 2014 5:41 am من طرف عثمان تباكي