نفاج

نفاج

مساحة للوصل ونفاج نفتحه..بيننا جميعا وعبره..نحكي.. نتواصل..نتعارف..نتآلف..لنكون معا..نهر الحياة الخالد

دخول

لقد نسيت كلمة السر

المواضيع الأخيرة

» أفضل وأسهل وأكثر أنواع التجارة ربحية على الإطلاق أمان 100%
الإثنين فبراير 02, 2015 6:27 am من طرف الأميرلاي

» بستـــأذنك...
الخميس يوليو 03, 2014 8:08 pm من طرف الشاعر السماني حسن

» عاش من شافك
الثلاثاء يونيو 17, 2014 3:16 pm من طرف hamadvip

» ابدأ دخولك بالصلاة علي النبي (صلي الله عليه وسلم)
الثلاثاء يونيو 17, 2014 3:11 pm من طرف hamadvip

»  كيف يفكر الرجل ؟؟ وكيف تفكر المرأه ؟؟
الإثنين يونيو 16, 2014 1:00 pm من طرف hamadvip

» قصيدة جديدة ........ دنيا
الإثنين يونيو 16, 2014 12:53 pm من طرف hamadvip

» طيارة جات بي فوق .......... قصيدة جديده لهاشم صديق .. حفظه الله
الإثنين يونيو 16, 2014 12:49 pm من طرف hamadvip

» عشة أم حجل - هاشم صديق
الإثنين يونيو 16, 2014 12:47 pm من طرف hamadvip

» هاشم صديق - ما جاب المطر بنزين
الثلاثاء يونيو 10, 2014 5:41 am من طرف عثمان تباكي


    نفاج الشاعر القامة ابراهيم ابنعوف

    شاطر
    avatar
    مهيرة
    عضو جديد
    عضو جديد

    عدد المساهمات : 29

    رد: نفاج الشاعر القامة ابراهيم ابنعوف

    مُساهمة  مهيرة في الجمعة أغسطس 06, 2010 3:39 am


    ماضي الذكري

    ماعارفين حبـال الذكـري
    تنجـر فـوق قليبي سيوف
    نرسمو خلا ما ضي الذكري
    غدار في الغرام معـروف
    ***
    ياخلا تعرفو البيـا
    البي ما بتطـلو حروف
    ما لسـه وتــراي للـي
    في سجن الغرام مكتوف
    ***
    الحال التوصفــو فيـه
    ظاهـر وللعيون مكشـوف
    والله العظيم كان تبكو
    لو شفتو الدفين في الجوف
    ***
    داجي علي ياخلايا
    اهيم البال علي مغـروف
    مـا جايب خبير للدنيا
    زي فاقد السمـع والشوف
    ***
    ناحل جسمي شاحب لوني
    زي زهرا ضبل ملفـوف
    لكن الهمـوم والحسره
    زي الضاربي فوقـي دفوف
    ***
    ياخلا البريـده قليبي
    يوم لقياها ما معــروف
    املتا وكتيـر راجيها
    خاب ظني ورجع مكـسوف
    ***
    ماقادر اقـول خلـتني
    او جارت عليـها ظــروف
    ولا قـادر اطمن نفســـي
    من فارق الظنون والخوف
    ***
    بقيــت اشــتاق لليل
    اقول يمــكن خيالا يطوف
    يرجع لي صوابـي افيــق
    يعــود قلبي القبيل مختوف
    ***
    تمر ســالت دقيش نسمات
    عبير طيـبا يفوح مسروف
    يرد روحي و يبل شـوقي
    ويصيب جرح الاسي المالوف
    ***
    يعود الليــل واعـود لبكايا
    في ليلا طــويل مـــردوف
    منداري من الجحــيم ياخلا
    من فوج بالهموم مزفــوف
    ***
    اسوق بين الدمــوع والحسره
    داير لصباحـي اشوف
    حليل شمسا تعيدو صبــاحي
    في دنيايا طـاقي كٍـسوف
    ***
    قط ما كان غريب ياخلا
    الحب لمصـايبو اشوف
    من شدة هـــواي في دربو
    صار عندي العذاب مالوف
    ***
    يسعـدني اني صنتو هواها
    بادلتا العـذاب معروف
    زي ما صان قليـبي هواها
    طوع في غناها حـروف

    avatar
    ابراهيم الصغير
    مدير عام
    مدير عام

    عدد المساهمات : 213

    رد: نفاج الشاعر القامة ابراهيم ابنعوف

    مُساهمة  ابراهيم الصغير في الجمعة أغسطس 06, 2010 3:40 am

    منية راحل

    مناي كل لحظة أشوفك .. مناى شوفتـك كـل ساعـة
    فراقك بكاهـو قلبـى .. وكتـل فـى نفسـى القناعـة
    أطرى يومة ودعتـك الله .. وعيونـك باكـى دمَّاعـة
    غلبنى أقلدك وأوادعـك .. حمتنـى عيـون الجماعـة
    حسيت بى كبدى واقعى .. اتغـرس سكيـن وقطاعـة
    وأنا أتيتم بى فراقـك .. يتـم شافعـاً فـى الرضاعـة
    زمانى الصبق الأمانى ..غدرنى وفـات بـى سراعـا
    مالو كان إتأخر شوى.. هـو عـارف الفرقـة لواعـة
    داير أعاين أمتع عيونـى ..عيونـى وراك وا ضياعـا
    دى ما آخر نظرة لى فـى الوجيـه الكاسيـة الوداعـة
    كتير سرحت بى الوساوس همومى غرقـت فـى قاعـا
    بقيت بين أقعـد وأسافـر .. شكـوك نفسـى واقتناعـا
    إن قعدت الناس مابتريح .. وفراقـك مالـو إستطاعـة
    غايتو قسمة وقسموها لينا آب تردهـا كـف الضراعـة
    وحاتك مجبـور أفـارق .. فراقـاً مـو بـى قناعـة
    وأبيع روحى أنا ليكى وأمشى ومنو القبلى أنا روحو باعا
    مالكاها ومالكى ساسا .. السمع ليكـى إنـت والطاعـة
    ربيعا أنتى وعز شبابا .. وحياتـا بـلاك شـن نفاعـا
    قدر مـا تفـرِّحْ .. تبكـى .. حقيقـة الدنيـا خداعـة
    تلمَّـك لامـن توالـف .. وتفرقـك فـى أى سـاعـة
    تخبى أقدارا فى أياما .. وتلـف حولـك بـى براعـة
    تجيب تديك مـن عذابـا .. وشقاهـا البعقـب متاعـا
    وداعـاً ثمـرة فـؤادى .. ودعتـك أميـن الـوداعـة
    وحاتـك مابنسـى كلمـة العصيـر شاقيـن الزراعـة
    ولا بتحلالى غير سيرتك .. وكت نحكى أنا والرباعـة
    إن هدولى الجنة بى حورا .. ألقى فيكى نفيستى طماعة

    avatar
    سماهر
    عضو مشارك
    عضو مشارك

    عدد المساهمات : 152

    رد: نفاج الشاعر القامة ابراهيم ابنعوف

    مُساهمة  سماهر في الجمعة أغسطس 06, 2010 3:41 am

    الـوداع

    حاولت جهدى أودعك لكنى وين ألقاهـا كلمـات الـوداع
    أسجن دموع جوة العيون..يا ريتو لـو طرفـى استطـاع
    كلماتى ما ممكن تجود بحروفا لى زولا يعيش لحظة ضياع
    كيفن تجود بحروفا عاد .. بعد اللى كان فى ايـدو ضـاع
    يا روحى جيت أودعك .. هو الزول بوادع روحو كيـف
    قاسى ووحاتك ما بدور أيـام ربيعـى .. أعيشـا صيـف
    والله أبقى زى مويتن تتوه .. لا قادرة ترسـى ولا تقيـف
    بتهاتى لى عينيك دوام .. شـان تحضنـا وتبقـالا قيـف
    شايل هموم الفرقة جيت .. واقف أمامـك فـى خشـوع
    شفتة الوجود قدامـى أظلـم .. وانطفـت كـل الشمـوع
    وبقيت أقول كلمات حزينة .. بآهة مـن داخـل الضلـوع
    لكن قبل ما أقولا ليكى .. ألقاها ضاعـت فـى الدمـوع
    لا تقولى من بعد الـوداع أنساكـى .. لا لا دة مستحيـل
    ذكراك بشيلا دموع فرح وفى خاطرى كل صباح وليل
    وساعـة لقانـا وأمسياتنـا .. وكـل أفراحنـا القبـيـل
    شايل على درب الزمن ذكراهـا ..مهمـا يكـون طويـل


    avatar
    ابراهيم الصغير
    مدير عام
    مدير عام

    عدد المساهمات : 213

    رد: نفاج الشاعر القامة ابراهيم ابنعوف

    مُساهمة  ابراهيم الصغير في الجمعة أغسطس 06, 2010 3:43 am

    ليمة

    بتعذب واقـول تسعدنـى منَّـك يـا جميـل يـوم ليمـة
    يتبـدل جفاكـى محنـة وهجرانـك يزيدنـى عزيـمـة
    آمالـى البنيتـا عليهـا مالـى الليـلـى دُر تحطيـمـا
    كيف غيرك أعيش فى الدنيا غيرك كيف يطيب لى نعيمـا
    عارفة الفرقة نار فى ضلوعى كيف يرضيك أصالى جحيما
    أرحم سيب صدودك حبى . يامـا عليـك قلوبنـا رحيمـة
    إيـه فايـدة شقايـا وهمـى وعينـىَّ البكـبـن ديـمـة
    ساهرى مع النجوم ترعاها تبكـى شبابـا تنعـى قديمـا
    تبكى تقـول حليـل الماضـى محتـارة وجفاهـا نديمـة
    كل ما أقول أكف دمعاتا ألقـى دموعـا جاريـة هميمـة
    جابتنـى المقاديـر ليهـا فـى البيـت القصـادو النيمـة
    لابسة الطرحة تقدل بيها ذوق وجمـال وطلعـة وسيمـة
    مخلوقـة تـراب الجنـة والطيـب خالطوبـو جسيـمـا
    كان حاكى القمر محياهـ ا لـو مـا فـى القمـر ضلِّيمـة
    عش فى الدنيا ما شُفْ غيرو نـور فـى داخـل البليمـة
    فى خديها شاهد روضـة فايحـا عطـورا جابـا نسيمـا
    ديسا هدل كثيف وتجرو كـل مـا تمشـى ياطـا قديمـا
    إن بسمت تشوف فى سنونا برقـاً يحكـى بـرق الغيمـة
    آه أنا من قنابلو صدير ا روحـى أصبـح عليمـا كريمـا
    من نظرات عيونو الجارحى قلبى خِرِّبْ خـراب لا ديمـة
    حبها شال سحب عقليتى مـا ظـن تانـى تبقـى سليمـة
    أشكى لمين وأصارح مين الحـب عنـد أهلنـا جريمـة
    كت فاكر بحـورا بعومـا لكـن صوبـت بـى الشيمـة
    لى بر السلامة تعود بى يا الـزرع العنـب فـى خشيمـا

    avatar
    ابراهيم الصغير
    مدير عام
    مدير عام

    عدد المساهمات : 213

    رد: نفاج الشاعر القامة ابراهيم ابنعوف

    مُساهمة  ابراهيم الصغير في الجمعة أغسطس 06, 2010 3:45 am

    وطني التاريخ

    وطني قلبك وقبل قلبك ولا غرابه
    يلا يا تاريخ اقيف اسمع معاي ابدا الكتابه
    طوف بلدنا من البدايه وللنهايه
    من شروقه ولا غروبه من شماله ولجنوبه
    كل قريه كل مدينه تلقى بلدي على الهدايه
    تلقى في اللوح والدوايه
    في ترانيم راعي بمزمارو يعزف وحولو سرحات السعايه
    يلاا يا تاريخ اقيف اسمع ومعاي ابدا الكتابه
    تلقى في الدوبيت وقت يحلى ويشق الليل مع ناس مهوي ليلا فوق ضهر المطايه
    يا سماحه بت بلدنا الفي المكاتب وفي المصانع وفي الفصول بهمه شاغلاها القرايه
    يلاا يا تاريخ اقيف واسمع معاي وابدا الكتابه
    وطني سك سك لابسه مريم وفي اضان كلتوم فدايه
    وفي حنان ام مقالدي وليده في اللولايا تقولو ان شاء الله تكبر يا جناي
    في كلمة الطيبه كلمة وا شريري وجيت من وين يا جنايه
    في حنين اهلي الغبش اهل الدباره واهل الدرايه
    ويلا يا تاريخ اقيف واسمع معاي وابدا الكتابه
    وطني الطيبه والاخلاق وقيدا للرجال خناق وطني كرم يوشل مي سحابه
    ياهو مننا ويانا منو ولا غرابه ولا غرابه
    يلاا يا تاريخ اقيف واسمع معاي وابدا الكتابه


    avatar
    مهيرة
    عضو جديد
    عضو جديد

    عدد المساهمات : 29

    رد: نفاج الشاعر القامة ابراهيم ابنعوف

    مُساهمة  مهيرة في الجمعة أغسطس 06, 2010 3:46 am

    السحيبات


    أبكن ياسحيبات ماكفاي بكيت
    وأديكن روا .. وأنا بالدموع ما رويت
    ترا الفيهم حنين يبكي ويبكي بكاي
    وأحدين قالو يا ود بنعوف جنيت
    كان جنيت كتير من جن ماني براي
    دي المكتوبة لي وان بي قسمتي رضيت
    من فارقت واديك قلت تميت حول ..
    كيف يبقة العلى وأنا للسنين عديت
    أنا صابر يا سحاب حولا وراهو الحول
    وعارف يوم وقع فى حبو ما سميت
    تراك وسط الدوع تضحك بريقك شال .
    أما انا يا حليلى العمرى ما فريت
    روح يا سحاب فلل عليك الليل
    وبلغ لى السلام لى دارو ان مريت
    كلمو بالحصل لو تانى لى يعود
    وأوعة تعاتبو شان يزعل يقولك أبيت
    وبعد الحول تعال غاشينى
    برجاك فى محلى دة أنا بقيت حييت
    وان بقة ما لقينى ابك على ونوح .
    واعرف انى مت بى شوقو واتفكيت

    avatar
    ابراهيم الصغير
    مدير عام
    مدير عام

    عدد المساهمات : 213

    رد: نفاج الشاعر القامة ابراهيم ابنعوف

    مُساهمة  ابراهيم الصغير في الجمعة أغسطس 06, 2010 3:47 am

    الحلم الحقيقة

    بحلم بيك ما فت الخاطر ياريت يبقى الحلم حقيقة
    ياريت الايام تجمعنا وفيها نعوض كل دقيقة
    ***
    يا راجياني عشان أهديكي غنوة ريد في صورة أنيقة
    ماك متخيلة ينظم شعري يغرق فكري في اه عميقة
    انا ماعدت الزول البيفرز مابين النار والتاتيقة
    دمعة علي لوحة أحزانة رسمت في الاقدار بي ضيقة
    ***
    لاتلوميني ان مارسلت حتى ان كان سطرين في وريقة
    لومي متاهت الغربة الفيها منها ما بتنشلة طريقة
    تنشد حالك وتشرح حال الزول المالاقيلو وتيقة
    شوقك وشوق الوطن الغالي مضروبين في صدرو بديقة
    ***
    وينك منو وينك ليهو وين أمالو ووين تحقيقة
    دايمن يقعد في اوهامو يبني وتتهدم السريقة
    فكرو يساسق بينك وبينو لا رتاح لا مل الساسيقة
    كم ابواب في وجهو انسدت زي ما الرجعة انسد طريقة
    ***
    وينك لما شمشنا تغرب رغم الموجة يصلنا بريقة
    لما الموجة تعانق الضفة في تحنان تغسلة رشيقة
    وافضل اتابع السرب العايم في نظراتك والحديقة
    فجأة تشع من ثغرك بسمة وتأسر قلبي وروحي تشيقة
    ***
    راجعليك يابت عندية ودخلت قلبي في ساعت ضيقة
    حلفت ماتمرق بي هيني اتعزفت جواي مزيكة
    شالو النمة معاهة تلاتي متهكرين في ضل كليقة
    سكنو جوف الليل الكافر شان الصبح تشق قارسيقة
    ***
    راجعليك يابت ريفية وتخفي سامحتة في التاويقة
    لا عارض يمنع مساري للأيام خطواتي تعيقــة
    راجعليك رجوع النسمة الجات في الحقل صفيقة صفيقة
    كان الناس عني دربي اتخلو انت بتمشي معاي رفيقة

    avatar
    مهيرة
    عضو جديد
    عضو جديد

    عدد المساهمات : 29

    رد: نفاج الشاعر القامة ابراهيم ابنعوف

    مُساهمة  مهيرة في الجمعة أغسطس 06, 2010 3:48 am

    وطني عليك السلام

    سلام موطني ومكان مهدي عليك من المهيمن ذي الجلال
    ورحمته تعمك كل صبح اليك من السموات العوال
    تصب حيافتحيا الارض زرعابسح السحب من قبل الزوال
    وبركات يجثن على ثراك يجـود بهن غرسك من نوال
    اليك اتيت يا اوسلي وكنت قتيل الوجد من بعد الوصال
    اسائل كل نسم منك آت ويعجز ان يرد على السؤال
    فأرسم صورة لك في البعيد ويعجز عنك نسج في الخيال
    وكم من ليلة ارسلت طيفا لطيفك عله بين الليالي
    احبك يابنة السودان حبا على الازمان لم يخطر ببال
    ففيه وجدت للايمان ركنا يريح القلب من نزغ الضلال
    تسام الروح دونك وهي فرد فحبك جاء بعد الله غل
    وكم سلم الذي خاض المنايا ورعديد يموت بلا قتال
    وإن كان الخليل يبث يوما لعزة ما براه من الهزال
    وشوقا قد اذاب اللحم منه وصار الجسم اشبه بالخلال
    ومات مع التمني لسير حاف وجلسة خلوة تحت الظلال
    أعاد الحب روحه للخلودورقاه اللا رتب المعالي
    كذا الاوطان تصنع من بنيها رجالا يذخرون لكل حال
    فمنهم من يفي الاصلاح حقا ومنهم من يموت على النضال
    رضعت الشعرمنك كنت طفلا وجئتك شاعرا فذ المقال
    فأدهشني الذي اوحيتنيه بانك هالة في ذا الجلال
    كأنك غادة في يوم عرس يزف اليها ذو جاه ومال
    كساها الزرع من خضر الثياب ولفها قرمصيص من رمال
    فأنت لنبتة نسب وفخر وسحرك بابلي يغير بالي
    ونيلك جاريا عبر القرون يجود عليك بالماء الزلال
    اذا حل بك الغرباء يوماً يرون النخل رهطا من موال
    ومن شهد المحاق على ثراك يخال اليه ينظر للهلال
    وتاسعة الجنان على الاديم يطفن عليك ربات الحجال
    تدانيهن في الاوصاف طراً وعيبك ان مالك للزوال
    فسبحان الذي اهداك سحراً وزانك دون غيرك بالجمال
    وارسل نسمةً تصحيك فجراً لتغسل وجهك انداء الطلال
    وحببنا ترابك ان مشينا نخاف عليه من وطئ النعال
    وأما اليوم نفتح مصراعيك ليمشي عليك شريان الشمال
    نقيم لاجله الافراح عيداً للتاريخ اكبر احتفال
    نقدم فيه للسودان عهداً ونحن الفاعلون بلا محال
    علمنا الولى قيم الوفاء نسيربها على نهج الاوال
    سنرجعه وريداً ما حيينا من الخـيرات والثمر الحلال
    فيا سودان نحن بنو ملوكٍ اقاموا العدل في الاول الخوالي
    وابناء اولياء ٍفي العصور اشاعوا النور بالنهج الرسالي
    لنا في الدهر اعظم امهات نشأن على الشجعة لا الدلال
    يقدمن الاحبة والبنين لفوز بالشهادة في النزال
    ويدفعن الاشاوس بالنشيد لخوض الموت في حرب سجال
    ومابمهيرة الا مثال لربات كبرن على المثال
    نعزك ايها الوطن المفدى وعزك اغلى من نفس ومال
    فأنت الآمر الناهي المطاع فقل لو شئت زحزحت الجبال
    نلبي لك النداء بإندفاعٍ كدفع السهم من وتر النـبال
    ولسنا القائلين اذا دعينا لتذهب انت وحدك للقـتال
    تعلمنا الشدائد كل يوم ونقتحم الشدائد لا نبالي
    تزيد ضراوة ونزيد صبرا نبث الخوف في صدر الرجال
    وكم متربص بك ذاق منا حمام الموت قهراً وهو قالي
    يسير النصر بيننا حيث سرنا ونحن له باصحب وآل
    فـيا وطني أحبك ما حييت احبك في مكوثي وفي إرتحالي
    وأشهد ان لا وطناً سواك واشهد انك الشعب المثالي
    avatar
    ابراهيم الصغير
    مدير عام
    مدير عام

    عدد المساهمات : 213

    رد: نفاج الشاعر القامة ابراهيم ابنعوف

    مُساهمة  ابراهيم الصغير في الجمعة أغسطس 06, 2010 3:49 am

    أنا والزمن

    عيني بالدمـوع مليـاني عيني بالــــدموع مليانـــي
    ماعـارف المحن بمشيلا ولا هي قاصــدي تتلقاني
    ***
    ليه ما اكتب غنـاي بدمعي وامزج بالحزن الحاني
    اشعار تحكي عن مأساتــــي تشـرح للبعيد والداني
    ***
    داير اقـــولا ياخلق الله ياخلق الله مــــــالو زماني
    لارحم الصغر في صغري لارحم الكبر في كياني
    ***
    الناس في سعــاده وبهجه انا بحر الهمـوم ضماني
    وين قـــارب نجاتي آخلقو ولا انا دايمــا الأخراني
    ***
    ياريت السعــــاده قريبي كان تسمعني أو تلفـــاني
    لكن كيف أصيـح ليها والعبرات معضــــي لساني
    ***
    اهرب من دناي وين أمشي ياريت الامــاني اماني
    طال ما الدنيا ياهـا الدنيا طال ما ياني ياني انا ياني
    ***
    ياسجم السجم يابخـــــــــتي ياحظــي المولي وفاني
    كيفن في الشقــــاوه عترتا والخير فاتني وإتعــداني
    ***
    اه يامرتـــــــي المليــــــوكه يانار قيدي قيـدي وتاني
    من مغصا مقطع قلــــــبي في جــــواي كاتمو لساني
    ***
    اه ياقدري كـــون في همي راجيك من قبل ترجـاني
    هـــــــم وأحـد بودر سيدو متلمــات علـــي تمــانــي
    ***
    في ها الدنيا شــن ســويتا متعـــــــذب كانـي الجاني
    شان لاتبــتا لااستغفرتا من حب زول مـلك وجـداني
    ***
    حتي الكان كفر بي سببي دا بي صور الجمال أغراني
    اصلي انا من لمحـــــتو كفرتا إتشهـــدتا وأســـلم تاني

    avatar
    مهيرة
    عضو جديد
    عضو جديد

    عدد المساهمات : 29

    رد: نفاج الشاعر القامة ابراهيم ابنعوف

    مُساهمة  مهيرة في الجمعة أغسطس 06, 2010 3:51 am

    أصبحت كيف ..؟؟

    أصبحت كيف يازول موكر في الفؤاد
    يازول .. معاي رغم المسافات والبعاد
    ياخاطرة من نبض الشعر صحيتا من بعد الرقاد
    جمعتها إندلقت حروف تنطق بحسنك أو تكاد
    يازول هويتو ألم ألم وعود عيوني علي السهاد
    نتلاقي في الإحساس دوام لا بينا وعد ولا ميعاد
    ***
    في لقيا زي طلة شموس ترسم صفاها علي الوجود
    تدهش عيون الناس جميع تأمر قلوبهم بالسجود
    لله شان خلقك سمح وزادك سماحة بلا حدود
    تعجز بنات أفكاري فيك تنقص وجمالك في إزدياد
    ***
    ياريتني لو قادر أجمعك علي قلبي يوم وأتهني بيك
    أو أطرحك من قسوة تستقبل رسايلي وكت تجيك
    أو أقسمك ريد في عيون ياما كتير تسأل عليك
    ***
    بعدت برازخ الأمنيات وحيرني صمتك والعناد
    أنا ما لقيت رابط جميل ليك غير جمال الأغنيات
    أرهقت شيطان شعري نام ونامت نجوم الأمسيات
    دونت آخر خاطرة بيك في موقع البال الشتات
    ***
    مستني ردك بين هواجس أحلامي والزمن الرماد
    كلمني طيب خاطري بيك دقات فؤادي عليك سؤال
    وين في محطات العمر نتلاقي لو كان في الخيال
    أرويني قصة حب عفيف وأكتبني في خاطرك مقال
    زملني تحنانك حنان دثرني عطفك والوداد
    ***
    ما كان هواي مسة جنون تتواتا تعويذة ويطيب
    أو كلمة من باب الخداع تغويك وينقطع النصيب
    أجمع صوابعك وأفردن تلقي الحقايق ياحبيب
    الناس معادن تختلف أخلاق طبايع وإعتقاد


    avatar
    سماهر
    عضو مشارك
    عضو مشارك

    عدد المساهمات : 152

    رد: نفاج الشاعر القامة ابراهيم ابنعوف

    مُساهمة  سماهر في الجمعة أغسطس 06, 2010 3:54 am

    فرحة المحزون

    ضميـنى ضميـنى يا فـرحة الـمحزون
    لا الصبر قادر اطيق لا الضم معاهو سكون
    يا عايشة فـى جـواى بيكى الفـؤاد مليان
    أنا من بعيـد جاييـك شـارد مـن الاحزان
    غفلتـا قدرى وجـيـت لاقيـنى بالاحضان
    لفينـى فى جيـدك طوق والبسيـنى كمان
    ورينـى كيـف بيكـون دفء الحنان بحنان
    ما انتى لى وانـا ليـك رغم اليكون والكان
    انا شاعرا غناك فى اروع الالحان
    وانا بين يديـك فنـان والفن جنون و جنون
    شن داير اقولك عاد ما القول علـى تقيل
    انـا والنجـوم شهـد من ديل اتـابع ديل
    تنكش كلاب الشوق فى جوفى طـول الليل
    لامـن لحقتـا الموت الموت ابانى عـديل
    يـوما يلمـنى فـيك يوما صعب بالحـيل
    كـترتلو التـحـنـيـس كملـتو الـوسيل
    حلفتو بـالقران خـصمتو بالانجـيل
    وناديتـو من سجيـل خيب رجا الممـكون
    ولهـان عليكـى قليـب يهواك يحبك موت
    صبرتو بـالآمال صـبرا غزلـتو خـيوط
    شـان مـا يميـل للغيـر كرهتو فى البنوت
    وسـدتو بـالاحلام ختـيـتو فى تابوت
    رهبنتـو ليك رهبـين فوّتو فوت الفوت
    حفظتـو زكر الريد يـذكـر مغـيب يوت
    لامن بقـالو كــلام لامن بقـالو سكوت
    ونزرا على مكتوب والله يكـون فى العـون
    سامحينى كـان ذليـت وكلامى مـا ارضاك
    الناس تسامح الناس وانتـى السماحـة براك
    يا رقة الحـلـويـن يا قـسوة الـقـساك
    بى زاتـك اتوسـل طالـب عفـوك ورضاك
    مديلى حـبل الريد قويـهـو من تالاك
    خلينى اكـون عايـش علـى انـى يوم القـاك
    يبقـى السعـد يصدق وتمـسـك يدايـا يداك
    وا شوقـى لليوم داك يوم يقـعـد الـماذون
    avatar
    ابراهيم الصغير
    مدير عام
    مدير عام

    عدد المساهمات : 213

    رد: نفاج الشاعر القامة ابراهيم ابنعوف

    مُساهمة  ابراهيم الصغير في الجمعة أغسطس 06, 2010 3:58 am

    عتاب

    تقدر تقول لى تعتذر أيه الحماك ؟
    تكتب ترسل لىّ ولاّ جفيت براك ؟
    ***
    وين رسايلك لىّ عاد .. قول لىّ يا أجمل ملاك
    ما مرّن إسبوعين تمام انا فى إنتظارك وفى رجاك
    ما كان فى داعى عشان أقول ما انت عارف الحال براك
    يرضيك أكتم الريد واموت ولا انفضح للناس وراك
    ***
    كلما تجينى رسالة اقول ياروحى زولك دوب طراك
    تقلدنى قوّى من الفرح وكتين أقول جوابا جاك
    لكن فرحنا يعود دموع وألقاه تب ما خط يداك
    ساكت بلا بالشوق عليك شحتف رويحيى المشتهاك
    ***
    ولا انت خلاص نسيت العشرة لمّا رحل هناك
    ونسيت قليب كان ليك رفيق ياحليل خُطا السارِن معاك
    ما كان بيتمناك سعيد ما كان بيشقى عشان شقاك
    ومن حبه ليك بس ما فضل غير فى التراب يحضن خطاك

    ***
    والله لو تسأل على أنا حالى بعدك حال عِداك
    دنيايا ما زارها الصباح والنوم جفانى رحل معاك
    وزمانى اقولو كفاى هموم يرجعلى تانى يقولى هاك
    ياهو المقدر ياحبيب والدنيا مابتديك رضاك
    ***
    أنا غايتو ناذر حبى ليك لا يحب ولا يعشق بلاك
    حتى إنبقيت بالحب ودِر وشارف على درب الهلاك
    ما دام سعادتى بشوفا فيك .. ما دام حياتى بقت هواك
    فى الدنيا أحبك للممات وفى الآخرة برضى كمان معاك



      الوقت/التاريخ الآن هو الخميس ديسمبر 14, 2017 11:26 pm